49
Jacob e hagamanuuia ana dama
1 Gai Jacob ga hagahi ana dama daane, ga hai ange, “Goodou hagabuni mai, gai au ga tala adu gi goodou mee e hai adu gi goodou i muli.
2 Dama a Jacob, goodou nnoho mai hagalaangona;
goodou hagalaangona muna a doodou damana go Israel.
3 Reuben, go koe dagu dama madua;
go tama aagu ne hagadili i de masavaa oogu e mmahi ai,
gai go koe hugadoo e maolunga ma de mmahi.
4 Koe e bei denga vai e dee maua laa gi malino,
gai koe e dee maua naa donu gi maolunga,
go hiidinga koe ne hano ga gage ange
gi honga de moenga o doo damana ga hai gu hakino gee.
5 Simeon ma Levi ni hai daina,
gai alaau gadilaasa e vaivai hai dangada.*alaau gadilaasa e vaivai hai dangada: de hagadoonunga o muna Hebrew i kinei e dee iloo danuaa.
6 Au e dee buni ange gi alaau hagasaele;
au e dee daudali ange gi alaau hagatau,
go hiidinga gilaau ne daa dangada ga maakau i delaau llili,
gai ne vaivai hai denga kaau daane ga dee vaa seesee.
7 Delaau llili gi hagamalaia,
i hiidinga delaau llili e kona mmao, i delaau vaivai hai dangada!
Au e hai naa olaau hagadiilinga gi mavaevae saele i magavaa o dangada o Jacob
ma magavaa o dangada o Israel.
8 Judah, oo daina e tuhi naa goe;
gai koe e hagadee kii naa oo hagadaumee,
gai dama a doo damana e ino adu naa gi de goe.
9 Judah e bei de laiono mmahi;
dagu dama, koe e bei de manu gu daa laa dahi manu ma gu gai.
Ia e bei de laiono e dogoduli laa ma e noho ai,
ma de laiono hahine — goai e bau ange gi de hai ia gi hidi age?*Num 24.9; Rev 5.5
10 De laagau hodooligi e dee aau gee naa donu i daho Judah,
aabe e aau gee togo o tagi mai i magavaa luoono vae,
ga dae ai gi de humai o de ia niiona togo laa;†Muna Hebrew i kinei e dee iloo danuaa dono hagadoonunga.
gai denga huaahenua e hagallongo ange gi de ia.
11 E nnoa ange naa dana donkey gi dahi grapevine,
gai dana donkey gauligi gi de laa manu danuaa mmao,
gai ia e taa naa ono malo i denga uvaini,
gai ono malo i vai o denga grape.
12 Luoono mada e mmea naa i dana unu uvaini,
gai ono niho e tea naa i dana unu denga vai uu.
13 Zebulun e noho naa i tagudai;
gai e hai naa go taulanga o denga vaga,
ono goinga e hano naa ga tae gi Sidon.
14 Issachar e bei dahi donkey mmahi,
e dogoduli laa i magavaa buibui o denga ssiibi.
15 De masavaa naa huu aana e gidee ai tanuaa o dono hagamaabunga,
ma de danuaa o de henua laa,
gai ia e ino naa ga saabai dana mee hagauda
ma de hai ia gi se dangada e hagahai hegau ina.
16 Dan e hagamodu naa muna o ono dangada;
ia go dahi aamuli donu o Israel.
17 Dan e bei de labodo i honga de haiava laa,
gai se labodo hagammau i gaogao dahi dao haiava,
e gadigadia laa muli luu vae o de hoosa
gai tangada e gage laa i honga de hoosa e doo iho naa.
18 Tagi Maolunga, au e tali dau hagaola.
19 Hanu hagabuulinga o de gau gaiaa e hebagi ange naa gi a Gad,
aagai ia e doolohi naa gilaadeu ga daa.
20 Asher e gai naa gai moomuna ma de mmammami,
gai e hai gai moomuna e heohi ange gi denga hodooligi.
21 Naphtali e bei dahi dia hahine gu tala gi hano,
gai e hagadili naa hanu dama mahamaha.
22 Joseph e bei de grapevine hua lagolago,
gai se grapevine hua lagolago i gaogao dahi saalingaa vai;
ono laa e ssinga ange naa laa honga de buibui.
23 Dangada e dilia mee hholu e kona de hebagi ange naa gi de ia,
e hagammahi naa ga tili ia,
24 aagai dana mee hholu e dee ngalungalue naa donu,
luoono lima e hai ga mmahi
i hiidinga o de Ia Mmahi o Jacob,
go de Ia Hagaloosi, ma de Baba mmahi o Israel.
25 Gai de Maadua o doo damana e bale adu naa goe,
gai de Ia Mmahi Mmao laa e hagamanuuia naa goe
i denga manuuia i lo te langi i lunga,
ma manuuia i lo te gelegele i lalo de henua,
ma denga manuuia o de gaanuunu ma de mommee o denga dama.
26 Denga manuuia a doo damana e danuaa ange
i denga manuuia mai i denga mounga e dee ngado mai,
ma de lava o denga duuduu gu daakodo mai laa huu madagidagi.
Denga manuuia nei gi hagamanuuia ai Joseph,
ma honga de biho o de ia gu hili laa mai i magavaa o ono daina daane.
27 Benjamin se wolf alasala,
ia e daa ga gai dahi manu i taiao,
gai e vaevae mee aana e mau i de ahiahi.”
28 Aanei hagadiilinga alodahi e dinoangahulu ma dogolua o Israel, gai aanei muna a delaadeu damana ne tala ange gi gilaadeu, i de masavaa aana ne hagamanuuia ai gilaadeu. Ia ne hagamanuuia dahi ma dahi i de manuuia e heohi ange gi de ia.
De magau o Jacob
29 Gai ia ga bolo ange gi gilaadeu ga hai ange, “Au gu dai magau naa, gai goodou gaavee au danumia i daho ogu dubuna madagidagi i lo te haonga i de alahenua o Ephron, taane Heth, 30 i lo te haonga i honga de alahenua i Machpelah, i baasi dua o Mamre i de henua go Canaan, go de alahenua a Abraham ne hagao mai i daho Ephron, taane Heth e hai ai de mommee o ana daanunga.*Gen 23.3-20 31 Go kilaa ne danu ai Abraham, ma dono bodu go Sarah, ma Isaac ma dono bodu go Rebekah. Gai go kilaa hogi aagu ne danu ai Leah;*Gen 25.9-10; 35.29 32 go de alahenua ma de haonga ne hagao laa i daho de gau Heth.”
33 Gai de masavaa huu ne lava ai muna a Jacob ange gi ana dama, gai ia ga hagapogo mai luoono vae gi honga de moenga, ga hai ana manava hagaodi, gai ia ga hagabuni madali ono dangada.*Acts 7.15