8
De oha o Damascus ma Samaria
1 Tagi Maolunga ne hai mai gi de au, “Haia dahi hadu baabaa laumalie, gai koe haia dahi biini ga sisi ange: ‘Maher-Shalal-Hash-Baz’.*Maher-Shalal-Hash-Baz i muna Hebrew e bei e moolau de kave goloa e maua i de hebagi, gai e moolau de kave gee mee nei. 2 Gai hagahia ga gaamai e dogolua dangada abodonu, go Uriah tangada haimeedabu, ma Zechariah tama daane a Jeberekiah, e hagadonu ai agu muna.”
3 Dua mee nei gai au ne hagahebaa ma dogu bodu, gai ia gu hai dama ga haanau dahi dama daane. Gai Tagi Maolunga ne hai mai gi de au, “Gaavange dono ingoo go Maher-Shalal-Hash-Baz, 4 go hiidinga i mua dana iloo de hagaagahi adu, ‘Dogu damana’ aabe go ‘Dogu dinana’, gai de lava o Damascus ma goloa o Samaria e gaavee gee naa e de hodooligi o Assyria.”
5 Tagi Maolunga ne hai mai ange hogi, 6 “Go hiidinga de gau nei gu tili denga vai o Shiloah e sali maalie laa, gai ne malangilangi†ne malangilangi, aabe e maatagu. i Rezin ma tama daane a Remaliah, 7 deenei ai, tilo, de Ia Aamua gu dai hai naa gi humai gi hai baasi ange gi gilaadeu, de mee mmilo mmahi o ssaalingaa vai go Euphrates — go de hodooligi o Assyria ma dono mahamaha alodahi. Gai ssaalingaa vai laa e hagahoohonu age naa ono ava alodahi aama luu baasi alodahi, 8 gai vai e ssali mai naa gi Judah, ga haoli de henua ga dae age ai gi de ua. Gai ia e bei naa de manu lele e doha laa luoono bakau ga haoli ai honga doo henua alodahi, Immanuel!” *Mat 1.23
9 Goodou denga huaadangada, goodou hagabuni, goodou gi maoha!
Goodou denga henua mmao alodahi, nnoho mai hagalaangona!
Hagadabena ange gi de hebagi, gai goodou gi maoha!
Hagadabena ange gi de hebagi, gai goodou gi maoha!
10 Hagabuni haia oodou hagatau,
aagai e deai naa donu haigamaiana;
daalaa oodou hagatau, aagai e dee maua donu gi ssula,
go hiidinga de Maadua madali gimaadeu.
De hagakana ange a de Maadua Isaiah
11 Gai Tagi Maolunga ne basa mai gi de au i mahi o dono lima, ia ne hagakana ange mai au gi dee daudali ange i haiava o de huaadangada nei. Ia ne hai mai,
12 “Koe gi dee buni ange gi hagatau dee heohi
a de hagabuulingaa dangada nei;
gai koe gi dee madagu i mee olaadeu e maatagu ai,
aama de manavasaa ai.*1 Pe 3.14-15
13 Aagai koe hagadabu ina Tagi o denga hagabuulinga hebagi;
gai koe gi madagu donu huu i de ia,
ma de manavasaa donu huu i de ia,
14 gai ia e hai naa ga se mommee dabu;
aagai ange gi luu hale o Israel
ia go de hadu e hagalaavea laa vae o dangada,
gai se hadu e haia ga baakuu gilaadeu.
Gai ia e bei naa donu dagodo o ssele
ange gi dangada o Jerusalem.*1 Pe 2.8
15 Gai e soa naa gilaadeu e laavea ai;
gilaadeu e baakuu naa ga maoha,
gilaadeu e noodia naa i ssele.”
16 Noodia de tala hagadonu nei;
ma de daohi i daho ogu dangada agoago.
17 Au e tali ange Tagi Maolunga,
go de ia e hagamuunia luoono mada i dangada o Jacob.
Gai au e tali ange naa donu ia.*Heb 2.13
18 Tilo, gimaadeu ma dama a Tagi Maolunga gu gaamai gi de au ni hagailonga gai se ada ange gi Israel, mai i daho Tagi o denga hagabuulinga hebagi, go de ia e noho i honga de mounga go Zion.*Heb 2.13 19 Gai ga hai adu naa huu dangada, goodou gi hulo gi siilia i daho denga hilohilo ma eidu, ma dangada e pasa ange gi denga hagasaalunga, ma de musumusu ange gi gilaadeu — gai e aha, e dee go de Maadua e heohi doodou ssili ange mee nei aagena? Gai gu aha goodou gu ssili ange ai gi de gau maakau dagodo o dangada goi mouli laa? 20 Goodou hagalaangona hainga a de Maadua ma ana muna! Noo gilaadeu e dee tala gi bei muna nei, gai e deai donu se maalama iai. 21 Gai gilaadeu e silivaahea saele naa i honga de henua i delaadeu duasala ma de hiikai. Gilaadeu e llili naa ga kalo age gi de langi, ga pasa hagangadi mee ai delaadeu hodooligi aama delaadeu Maadua. 22 Gai gilaadeu e kalo ange naa ga tilo henua i lalo, gai gilaadeu e gidee naa donu huu de hai ngadaa, ma de gohu aama de gohu hagamaatagu. Gai gilaadeu e hai naa gi nnoho i lo te gohu boo dangodango.