17
Diinonga o Micah ma dono dangada haimeedabu
1 E dahi daane e noho i de mommee iai mounga o Ephraim, dono ingoo go Micah. 2 Taane laa ne hai ange gi dono dinana, “Tilo, denga shekel selevaa e 1,100*1,100 shekele bei se 27 pauni. tee maaleva laa, go mee aau ne basa hagamalaia ai laa — go au ne gaavee, gai aanei i ogu daha.”
Gai dono dinana ne hai ange gi de ia, “Dagu dama, Tagi Maolunga gi hagamanuuia ina goe.”
3 Gai taane laa ga hagaahe ange gi dono dinana denga dibaa selevaa e 1,100 laa; gai dono dinana ga hai ange, “Au ne hagadabu ange selevaa nei gi Tagi Maolunga, go mee aagu e gaavange gi dagu dama, gai ia ga hai ai dahi diinonga i laagau ma baalanga. Deenei ai, au e hagaahe adu mee nei gi de goe.”
4 Gai de masavaa a taane laa ne hagaahe ange ai selevaa laa gi dono dinana, gai dono dinana ga vvae ange e lualau shekel†200 shekele bei se 5 pauni. selevaa gi dahi labagau o denga baalanga, gai ia ga hai ai dahi diinonga i laagau ma baalanga. Gai tiinonga laa ne kave ga dugu i de hale o Micah.
5 Gai taane go Micah e dahi ono mommee hai daumaha, gai ia ne hai dahi ephod ma hanu diinonga, ga hili dahi ana dama daane e hai ai dono dangada haimeedabu. 6 De masavaa laa gai e deai donu se hodooligi i Israel; gai tangada nei ma tangada nei ne hai donu huu ono mee e lodo ai.*Jdg 21.25
7 Gai e dahi hagadiilinga o Levi mai i Bethlehem i Judah, ia nogo noho i daho de aamuli o Judah, 8 ia ne hano gee mai i Bethlehem i Judah e ssala dahi mommee e nnoho ai. Ia ne hano ga dae gi de hale o Micah i mommee iai denga mounga o Ephraim.
9 Gai Micah ne ssili ange gi de ia, “Go hee oou ne humai ai naa?”
Ia ne hai ange gi a Micah, “Au se dangada de aamuli o Levi mai i Bethlehem i Judah, au e ssala dahi mommee e noho ai au.”
10 Gai Micah ga hai ange gi de ia, “Noho i ogu daha e hai ai dogu damana ma dogu dangada haimeedabu, gai au ga hagao adu goe i e madaangahulu dibaa selevaa i dahi ngadau, ma de gaavadu hanu malo moou ma de haangai adu goe.” 11 Gai taane de aamuli o Levi ne malangilangi i de noho i daho Micah; gai taane laa gu bei donu dahi ana dama daane. 12 Gai Micah ne hai hogi ia gi se dangada haimeedabu, gai tama daane laa gu noho i dono hale ga hai ai dono dangada haimeedabu. 13 Gai Micah ga hagadaba, “Au e iloo bolo iainei gai Tagi Maolunga e hagamanuuia naa donu au, i hiidinga de hagadiilinga o Levi nei gu hai ai dogu dangada haimeedabu.”