15
De vaaenga o Judah
1 De vaaenga o denga hagadiilinga o de aamuli o Judah, e hano ga duu ange gi de ngaadonga o de mommee o Edom, ga hano ai gi de vao o Zin, i de bido gi ngaage hugadoo.
2 Gai de ngaadonga o delaadeu vaaenga i baasi i ngaage, e daamada i de palo i baasi ngaage o Tai Soolo, 3 gai e hano gi de baasi i ngaage i de madadaagodo o Akrabbim,*madadaagodo o Akrabbim, aabe go de Scorpion pass. ga hano laa gaogao o Zin ga hanage ai gi de baasi i ngaage o Kadesh Barnea. Gai e hano ga ui i Hezron ga hanage ai gi Addar, gai e hhagi ga hano gi Karka, 4 gai e duudagi mai i kilaa ga hano gi Azmon, ma de hano laa gaogao Ssaalingaa Vai o Egypt, gai dono ngaadonga go Mediterranean. Deenei doodou ngaadonga mai i ngaage.
5 De ngaadonga i dua go Tai Soolo ga hano ai ga dae gi Jordan.
Gai de ngaadonga i ngaiho e daamada mai i de palo o Tai Soolo, i de mommee o Jordan e duu ange ai laa gi tai, 6 ga hanage gi Beth Hoglah, ga hano ai laa baasi i ngaiho o Beth Arabah, ga hanage ai gi de hadu o Bohan, tama daane a Reuben. 7 Gai de ngaadonga nei e hanage i de Geelonga o Achor ga hano gi Debir, ma de hhagi ga hano gi ngaiho ga duu ange gi Gilgal, i de baasi gee o de madadaagodo o Adummim, i de baasi i ngaage o de geelonga. Gai e duudagi mai i kilaa ga hano laa gaogao denga vai o En Shemesh, ga hano ai gi En Rogel. 8 Ga lava ga hanage laa gaogao de geelonga go Hinnom i baasi i ngaage de madadaagodo o de gau Jebus (e bei go Jerusalem). Gai e hanage gi honga de mounga i baasi i dai de geelonga go Hinnom, i de bido gi ngaiho o de geelonga go Rephaim. 9 De ngaadonga nei e duudagi mai i ulu de mounga ga hano gi denga vai o Nephtoah, ga hano ai gi denga aduhale i de mounga go Ephron ga holiage ange ga hano gi Baalah (e bei go Kiriath Jearim). 10 Gai e holiage mai i Baalah ga hano gi dai ga duu i de mounga go Seir, ga hano ai gi de baasi i ngaiho o de mounga go Jearim (e bei go Kesalon), ga hano iho ai gi Beth Shemesh ga hano laa gaogao o Timnah. 11 Gai e hano hogi laa gaogao de madadaagodo i baasi ngaiho o Ekron, ga lava ga hano gi Shikkeron ga hano ai laa gi de mounga go Baalah aama Jabneel. Gai dono ngaadonga go Mediterranean.
12 De ngaadonga o de vaaenga nei mai i dai go Mediterranean.†dai go Mediterranean: de Beebaa Hebrew e hai ange go Tai Laumalie. Aanei goinga o de vaaenga o dangada o Judah, ange gi dahi hagadiilinga ma dahi hagadiilinga.
De hagadee kii a Caleb Hebron ma Debir
(Jdg 1.11-15)
13 Gai Joshua ne vvae ange gi Caleb, tama daane a Jephunneh, dahi mommee i Judah, deenei go Kiriath Arba aabe go Hebron (Arba go tubuna madagidagi o Anak), bei de hai a Tagi Maolunga gu tala ange ai gi de ia.*Jdg 1.20 14 Gai Caleb ne hai gi hulo gee de gau Anak dogodolu; go Sheshai, ma Ahiman, aama Talmai; gilaadeu ni daane de aamuli o Anak. 15 Gai Caleb ne humai i kilaa, ga hano ga hebagi ange gi dangada e nnoho i de aduhale go Debir (de ingoo o Debir i mua go Kiriath Sepher.) 16 Gai Caleb ne hagadaba, “Be goai naa huu e hano ga hagadee kii ina Kiriath Sepher, gai au ga gaavange dagu damaa hine, go Acsah e hai ai dono bodu.” 17 Gai Othniel, tama daane a Kenaz, taina daane o Caleb, ne hano ga hagadee kii de aduhale laa; gai Caleb ga gaavange dana damaa hine, go Acsah e hai ai dono bodu.
18 Gai de laangi o tamaa hine laa ne humai ai gi daho Othniel, gai Acsah ne usuusu ange dono bodu, ia gi dangidangi ange gi dono damana i dahi alahenua. Gai de masavaa o tamaa hine laa ne iho mai i honga dana donkey, gai Caleb ga ssili ange gi de ia, “Se aha oou e lodo ai?”
19 Gai ia ga hai ange, “Gaamai ange dahi mee ngadi gaavange maagu; koe ne gaamai dogu mommee i Negev, gai gaamai ange dahi mommee e hanu vai iai.” Gai Caleb ga gaavange hogi gi de ia denga vai e mmua gi lunga aama vai e mmua gi lalo.
Denga aduhale i de vaaenga o Judah
20 Gai deenei de mommee ne bolo ange gi denga hagadiilinga i de aamuli o Judah.
21 Aduhale o de aamuli o Judah i de Negev i de baasi ange gi Edom: go Kabzeel, ma Eder, ma Jagur, 22 ma Kinah, ma Dimonah, ma Adadah, 23 ma Kedesh, ma Hazor, ma Ithnan, 24 ma Ziph, ma Telem, ma Bealoth, 25 ma Hazor Hadattah, ma Kerioth Hezron (e bei go Hazor), 26 ma Amam, ma Shema, ma Moladah, 27 ma Hazar Gaddah, ma Heshmon, ma Beth Pelet, 28 ma Hazar Shual, ma Beersheba, ma Biziothiah, 29 ma Baalah, ma Iim, ma Ezem, 30 ma Eltolad, ma Kesil, ma Hormah, 31 ma Ziklag, ma Madmannah, ma Sansannah, 32 ma Lebaoth, ma Shilhim, ma Ain, aama Rimmon — e madalua ma siva aduhale nnui madali olaadeu aduhale vaaligiligi.
33 Gai olaadeu aduhale i de mommee iai duuduu paa i lalo: go Eshtaol, ma Zorah, ma Ashnah, 34 ma Zanoah, ma En Gannim, ma Tappuah, ma Enam, 35 ma Jarmuth, ma Adullam, ma Socoh, ma Azekah, 36 ma Shaaraim, ma Adithaim, ma Gederah (aabe go Gederothaim) — e madaangahulu ma haa aduhale nnui nei madali olaadeu aduhale vaaligiligi.
37 Gai e hanu ange: go Zenan, ma Hadashah, ma Migdal Gad, 38 ma Dilean, ma Mizpeh, ma Joktheel, 39 ma Lachish, ma Bozkath, ma Eglon, 40 ma Cabbon, ma Lahmas, ma Kitlish, 41 ma Gederoth, ma Beth Dagon, ma Naamah, ma Makkedah: e madaangahulu ma ono aduhale nnui nei madali olaadeu aduhale vaaligiligi.
42 Go Libnah, ma Ether, ma Ashan, 43 ma Iphtah, ma Ashnah, ma Nezib, 44 ma Keilah, ma Aczib, aama Mareshah — e siva aduhale nnui nei madali olaadeu aduhale vaaligiligi.
45 Go Ekron ma aduhale alodahi nnui e paa ange aama aduhale vaaligiligi; 46 mai mommee o Ekron, ga hano ai gi de Mediterranean, ma mommee alodahi i gaogao o Ashdod, madali olaadeu aduhale vaaligiligi. 47 Ashdod ma ono aduhale nui ma aduhale vaaligiligi, ma Gaza ma ono aduhale nnui madali olaadeu aduhale vaaligiligi, ga hano ai ga dae gi Ssaalingaa Vai o Egypt ma tagudai o de Mediterranean.
48 Gai aduhale i de mommee i de mommee iai mounga: go Shamir, ma Jattir, ma Socoh, 49 ma Dannah, ma Kiriath Sannah (e bei go Debir), 50 ma Anab, ma Eshtemoh, ma Anim, 51 ma Goshen, ma Holon aama Giloh — e madaangahulu ma dahi aduhale nnui nei madali olaadeu aduhale vaaligiligi.
52 Gai e hanu ange: go Arab, ma Dumah, ma Eshan, 53 ma Janim, ma Beth Tappuah, ma Aphekah, 54 ma Humtah, ma Kiriath Arba (e bei go Hebron), ma Zior — e siva aduhale nnui nei madali olaadeu aduhale vaaligiligi.
55 Go Maon, ma Carmel, ma Ziph, ma Juttah, 56 ma Jezreel, ma Jokdeam, ma Zanoah, 57 ma Kain, ma Gibeah, aama Timnah — e madaangahulu aduhale nnui nei madali olaadeu aduhale vaaligiligi.
58 Go Halhul, ma Beth Zur, ma Gedor, 59 ma Maarath, ma Beth Anoth, ma Eltekon — e ono aduhale nnui nei madali olaadeu aduhale vaaligiligi.
60 Go Kiriath Baal (e bei go Kiriath Jearim), ma Rabbah — e lua aduhale nnui nei madali olaau aduhale vaaligiligi.
61 Gai denga aduhale i de vao go Beth Arabah, ma Middin, ma Secacah, 62 ma Nibshan, ma de Aduhale o Soolo, aama En Gedi — e ono aduhale nnui nei madali olaadeu aduhale vaaligiligi.
63 Aagai Judah tee maua e ia i de hai gi hulo de gau Jebus e nnoho laa i Jerusalem. Deelaa ai, de gau Jebus ne nnoho donu huu madali dangada o Judah i kilaa ga dae mai ai gi anailaa nei.*Jdg 1.21; 2 Sa 5.6; 1 Ch 11.4