19
Hanu hainga ange laa
1 Gai Tagi Maolunga ne hai ange gi Moses, 2 “Basa ange gi de hagabuulingaa dangada o Israel, hai ange: ‘Goodou gi dabu, go hiidinga au e dabu, go au go Iahweh doodou Maadua.*Lev 11.44-45; 1 Pe 1.16
3 Tangada gi hagadubu ina dono dinana ma dono damana, ma de daohi agu Sabbath. Go au donu go Iahweh doodou Maadua.*Exo 20.8, 12; Deut 5.12, 16
4 Aude ino ange gi denga diinonga, aabe gi haia hanu diinonga baalanga gi daumaha ange aagena. Go au donu go Iahweh doodou Maadua.*Lev 26.1; Exo 20.23; 34.17; Deut 27.15
5 De masavaa naa huu oodou e hai ai oodou ssigidaumaha hagadanuaa magavaa ange gi Tagi Maolunga, gai goodou haia gi malangilangi ai ia i goodou. 6 Gai kano o de manu o dau ssigidaumaha, e maua i de gai i de laangi laa aama de laangi i ono dua; gai mee e doe, i dua luu laangi laa e dudu alodahi i de ahi. 7 Gai noo dahi dangada e gai mee laa i dua e lua laangi, gai ssigidaumaha laa gu se mee hakino gee, gai de Maadua gu dee malangilangi ai. 8 Gai tangada e gaina mee laa e hagaduasala donu, i hiidinga ia gu hai ma gu hakino gee mee gu hagadabu ange laa gi Tagi Maolunga; tangada laa e vvae gee donu mai i daho ono dangada.
9 De masavaa naa huu oodou e hagihagi ai hua o oodou veelenga, gai goodou e dee hagihagi gi dae gi denga dege alodahi, aabe e ogo gi odi mee gu duuduu laa.*Lev 23.22; Deut 24.19-22 10 Gai koe e dee hagihagia gi odi hua o au veelengaa grape, ma de ogo gi odi grape gu malili laa; aagai dugua ange mee nei maa de gau hagaau aloha, ma de gau henua gee. Go au donu go Iahweh doodou Maadua.
11 Goodou aude gaiaa.
Goodou aude hadu muna.
Goodou aude hagadau daahanga ina goodou.*Exo 20.15; 16; Deut 5.19-20
12 Goodou aude hagatoo donu i dogu ingoo i de hadu muna, aabe gi hagangadi mee ina de ingoo o doodou Maadua. Go au donu go Iahweh.*Exo 20.7; Deut 5.11; Mat 5.33
13 Aude vaivai haia tangada i oo gaogao, aabe gi gaiaadia ana mee.
Aude daohia de hagaoanga o tangada hai hegau ga dae ai gi de laangi i ono dua.*Deut 24.14-15
14 Aude basa baubau i tangada longoduli, be gi dugua dahi mee gi laavea ai luoono vae, aagai koe gi madagu i doo Maadua. Go au donu go Iahweh.*Deut 27.18
15 Aude hagahaisala ina de hagamodu muna heohi; aude haia gi dagodo gee dau hai e hai ai tangada hagaau aloha ma tangada lava, aagai koe gi hagamodu ina muna o tangada e baa adu gi de goe i de heohi.*Exo 23.6-8; Deut 16.19
16 Aude hano gi hagadele ina hanu muna hhadu i magavaa o dangada.
Aude hai baasi ange gi tangada, gai balea ange tangada e baa adu gi de goe, i de masavaa e hagamodu ai ono muna. Go au donu go Iahweh.
17 Aude daohia doo lili i doo daina. Gai hagaseegina ia, gi dee dau adu ai ono haisala gi de goe.*Mat 18.15
18 Aude suuia ange de baubau, aabe e golo age doo lili i dahi oo dangada, aagai koe aloha i tangada e baa adu gi de goe, bei doo aloha donu i de goe. Go au go Iahweh.*Mat 5.43; 19.19; 22.39; Mark 12.31; Luke 10.27; Rom 13.9; Gal 5.14; Jms 2.8
19 Koe gi daohia agu mee gu hagasauaa.
Aude hagahai dama ina dau manu i dahi hagadaagangaa manu gee.
Aude dooa dau veelenga i e lua hagadaagangaa golee.
Aude gahu i malo e hai i e lua hagadaagangaa huga malo.*Deut 22.9-11
20 Noo dahi daane gu dagodo haisala ma dahi hahine hai hegau, gu lava laa i de hagatoo donu ange gi dahi daane gee, aagai tigi se dangada ne hagao ina ia, aabe ia gu hai gi se hine ilaage, gai gilaau ngaadahi e hagaduasala donu. Aagai e dee daa gilaau gi maakau, go hiidinga de hine laa se hine tigi ilaage. 21 Gai taane laa gi gaamai dahi ssiibi daane gi de haitoga o de hale malo hagabuni, e hai ai ssigidaumaha o tagasala ange gi Tagi Maolunga. 22 Gai tangada haimeedabu ga tala ai ono haisala, i ssiibi daane e hai ai laa ssigidaumaha o tagasala i mada luu mada o Tagi Maolunga; gai ono haisala gu maatala.
23 De masavaa naa huu oodou e tae ai gi de henua, gai goodou ga doo denga hagadaagangaa manu ssomo iai hua gai, gai goodou e dee alaange de gai olaadeu hua. E dolu ngadau oodou e dee gai ai olaadeu hua. 24 Gai de haa ngadau naa huu gai olaadeu hua alodahi e dabu, gai se ssigidaumaha e tuhi ai Tagi Maolunga. 25 Aagai de lima ngadau naa huu, gai goodou gu maua i de gai hua oodou e hagihagi. Mee nei se hai gi hhua lagolago ai oodou manu. Go au donu go Iahweh doodou Maadua.
26 Goodou e dee gai kano manu iai dodo.
Goodou e dee hai buubuu e tala i mee e dee iloo, aabe e hai denga huuhuaa mee.*Gen 9.4; Lev 7.26-27; 17.10-14; Deut 12.16, 23; 15.23; 18.10
27 Goodou e dee duuduu ngaangaaulu i mada oodou biho, aabe e tuu gi podo huluhulu i oodou gumigumi ⌊i doodou hinangalosaa⌋.*Lev 21.5; Deut 14.1 28 Gai goodou e dee selesele oodou angaanga i hiidinga o dahi dangada magau aabe e maaga oodou angaanga. Go au go Iahweh.
29 Aude hagangadi mee ina dau damaa hine i dau hai ia gi se hine hai be se manu, gi dee laumalie ai de hai be se manu i honga de henua, gai gu honu i de baubau.*Deut 23.17
30 Goodou gi daohia agu Sabbath ma de hagadubu dogu mommee dabu. Go au go Iahweh.*Lev 26.2
31 Aude hano gi denga hilohilo ma eidu, be saalaa ange gilaadeu e pasa ange gi hagasaalunga o de gau maakau, gai gilaadeu ga hai ai ga dee gilimalali goodou. Go au go Iahweh doo Maadua.*Deut 18.11; 1 Sa 28.3; 2 Ki 23.4; Isa 8.19
32 Koe gi duu age gi hagadubulia tangada gu sinaa de biho, ma de hagadubu tangada madumadua, gai koe gi madagu i de Maadua. Go au donu go Iahweh.
33 Aude vaivai haia tangada henua gee e noho laa madali goodou i doodou henua.*Exo 22.21; Deut 24.17-18; 27.19 34 Gai haia tangada henua gee e noho i oodou daha gi bei dagodo o tangada de henua donu, gai goodou aaloha i de ia bei doodou aaloha donu i goodou; i hiidinga goodou ni dangada henua gee i de masavaa oodou nogo nnoho ai i de henua go Egypt. Go au donu go Iahweh doodou Maadua.
35 Goodou gi dee hadu muna i doodou haide de looloa, ma de hagahidi taemaha aabe go de honu.*Deut 25.13-16; Pro 20.10; Ezk 45.10 36 Gai goodou hai hegau i denga mee hagahidi heohi, ma denga hagabaaunga o taemaha gi heohi, de hagabaaunga o dahi ephah*de ephah se hagabaaunga niio denga mee mmasa, agu made se 30 pauni. ma dahi hin†de hin se mee e hagabau ai mee vaivai, gai agu made se dahi gaalene. heohi. Go au donu go Iahweh doodou Maadua, ne hagassao ina mai goodou i de henua go Egypt.
37 Goodou hai hegau i agu muna alodahi gu hagasauaa ma agu hagamodu mage daudali ai. Go au donu go Iahweh.’ ”
*19:2 Lev 11.44-45; 1 Pe 1.16
*19:3 Exo 20.8, 12; Deut 5.12, 16
*19:4 Lev 26.1; Exo 20.23; 34.17; Deut 27.15
*19:9 Lev 23.22; Deut 24.19-22
*19:11 Exo 20.15; 16; Deut 5.19-20
*19:12 Exo 20.7; Deut 5.11; Mat 5.33
*19:13 Deut 24.14-15
*19:14 Deut 27.18
*19:15 Exo 23.6-8; Deut 16.19
*19:17 Mat 18.15
*19:18 Mat 5.43; 19.19; 22.39; Mark 12.31; Luke 10.27; Rom 13.9; Gal 5.14; Jms 2.8
*19:19 Deut 22.9-11
*19:26 Gen 9.4; Lev 7.26-27; 17.10-14; Deut 12.16, 23; 15.23; 18.10
*19:27 Lev 21.5; Deut 14.1
*19:29 Deut 23.17
*19:30 Lev 26.2
*19:31 Deut 18.11; 1 Sa 28.3; 2 Ki 23.4; Isa 8.19
*19:33 Exo 22.21; Deut 24.17-18; 27.19
*19:35 Deut 25.13-16; Pro 20.10; Ezk 45.10
*19:36 de ephah se hagabaaunga niio denga mee mmasa, agu made se 30 pauni.
†19:36 de hin se mee e hagabau ai mee vaivai, gai agu made se dahi gaalene.