1 Au e dangage age ga galo age gi denga mounga.

Go hee e humai ai dogu bale?

2 Dogu bale e humai i daho Tagi Maolunga,

go de ia ne haia de langi ma henua i lalo.

3 Ia e daohi luoo vae gi dee baguu ai goe;

de ia e dagidiiloo adu goe e dee seni donu.

4 Tilo, de ia e dagidiiloo ange Israel

e dee dai seni donu aabe seni.

5 Go Tagi Maolunga e dagitilo adu goe;

Tagi Maolunga go doo mee hagalilo i doo baasi madau;

6 de laa e dee hagalagohia goe i de laangi,

gai de maasina e dee hagammae hogi goe i de boo.

7 Tagi Maolunga e hagaloosi naa goe mai i mee baubau alodahi;

ia e hagaloosi naa doo mouli.

8 Tagi Maolunga e hagaloosi goe i mommee alodahi oou e hano aagena,

mai iainei ga hano ai e dee ngado mai.