1 Israel gi hagataba:

Noo Tagi Maolunga tee bale mai gimaadeu,

2 noo Tagi Maolunga tee bale mai gimaadeu,

i de masavaa a dangada ne hebagi mai ai gi gimaadeu,

3 ma de masavaa ne kona ai delaadeu llili i gimaadeu,

gai gilaadeu ne odi donu i de maakau;

4 gimaadeu gu bei dagodo o dangada gu daahea i tolona,

gai de mee mmilo gu dai haoli gimaadeu,

5 gai de mee mmilo mmahi

ne momo ange huu gu kave gee gimaadeu.

6 Hagadegi ina Tagi Maolunga,

ia tee dugu ange gilaadeu gi hangahanga ina gidaadeu i olaadeu niho.

7 Gidaadeu gu ola bei de manu lele gu ola mai laa i ssele a tangada dili manu;

ssele laa gu modu gai gidaadeu gu ola!

8 Taadeu bale go de ingoo o Tagi Maolunga,

go de ia ne haia de langi ma henua i lalo.