149
1 Duuhia Tagi Maolunga!*Duuhia Tagi Maolunga: de muna Hebrew go Hallelujah, diiloo hogi de gubu e 9.
Daahili ange gi Tagi Maolunga i taahili hoou,
dono tuhi gi haia i daho de hagabuulinga o de gau dabu.
2 De gau Israel gi malangilangi i de ia ne haia gilaadeu;
dangada o Zion gi lodo danuaa i delaadeu Hodooligi.
3 Gilaadeu gi duuhia dono ingoo i de aanu,
ma de hagadangidangi i de tambourine ma de lyre.
4 Go hiidinga Tagi Maolunga e malangilangi i ono dangada;
ia e hagamahamaha gilaadeu e lodo maolalo i de hagaola.
5 De gau dabu gi malangilangi i de mahamaha nei,
ma de daahili i de lodo danuaa i honga olaadeu moenga.
6 Gilaadeu gi hevaalogi gi duuhia de Maadua,
gai gi boogia alaadeu gadilaasa kangi baasi lua i lodo olaadeu lima,
7 e sui ange ai hegau a denga huaahenua,
ma de hagaduasala ai denga huaadangada ange laa;
8 ma de noonoa olaadeu hodooligi i denga seeini,
olaadeu gau aamua e noonoa i daula iron;
9 e hagasula ai de hagaduasala gu lava laa i de sisi.
Deenei de hai e hagadubu ai ono dangada dabu alodahi.
Duuhia Tagi Maolunga!