1 Ghe a God, varongohia mai nigua na lei kokoe ni dikalio tana vahola.

Ko bei lubatia didira na lavi mataghu ghagua na levunimate ke laga vuleu.

2 Ko pilupungisiu ta didira na lei padapadalaghi dika rana tangohahi hahi,

Ta didira na ghanaghana ni samalaghi ara hei ara gehegehe dika.

3 Na lei lapi vavangana didira na isi kara nighi lalou:

Didira na lei kuali kara nighi memene na lei kokoe dika.

4 Ara vanavana tana pepo koluadira rana lei tinoni te taho na heaheadira.

Ara mua loghoa siki mataghu mara tarahara nia na pepo.

5 Ara sopa vei hahangai na goniani na lei lutu dika

mara padalaghinia ivei kara nia gonidikaladidira na lei tari piti.

Ara huahuati, “Ahei ke tangomana na righikaleana?”

6 Tana bona tara padalaghinighi na lei totobo dika tara gonighi ke,

Ara bosa mara ghaghua,

“Ighita ta padalaghi nia na puku ni padapada.”

Na toba mana ghanaghana ni tinoni tara pegopegogha.

7 Hauva ka, ma God heghena vamua ke vanahi horura.

Ara mua ghanaghana kalea, nina na kuali ke [sulu/sulupa] volara.

8 Na lei kokoedira ke ghoi ririu pulohi vanira me ke haurakera.

Agaira udolu ara hei kara righia te kale na ghanaghana eni,

kara bosa dikalara ma kara birubirui na uludira.

9 Ma gaira udolu kara nia tughuru na talumava,

na ladavaghinia nina lei gehegehe a God,

tara righi kalei na lei totobo mamataghugha te gonighi.

10 Ara hei tara mua gehegehe vania na God sorisori,

Kara rivurivu itatana na Lord,

Ma kara ungaunga itatana.

Mara hei tara gehegehe maemane kara holohaba gaia God.