16
Ara vitu nina na vahaghitaili sosoko God
1 Mi nau tu rongovia na manga te sule te ghaeghahe horu mai tana Valetabu vanira ara vitu na angel, “Itaeni kau tona ma kau va kovalai ara vitu na popo ni rutu nina God i vuvungana na maramana.”*vitu na popo ni rutu nina God Na lei totoro raini te kale tana maramana te vagha na lei totobo te kale na butonikomu Egypt idania. Righia Buka Rughuhoru 7:14-10:29. 2 Keri ge na diki angel te tona me kovala nina popo i vuvungana na maramana, mana lei pae te sule me maemategha te puputu horu tana hulidira na lei tinoni, tara sopa loghoa anina vaughilala na maumanu asi, maia gaira tara holohabaa na titinonina. Buka Rughuhoru 9:10
3 Keri ke, na ruani na angel te kovala nina popo i vuvungana na tahi, mana tahi te liliu vagha na ghabu ni tinoni mate, mana lei totobo vola tana tahi tara mate soko tua.
4 Mana toluni na angel te kovala horua nina popo i vuvungana na lei betitina mana vuravura ni beti, mara liliu ni ghabu udolu.Buka Rughuhoru 7:17-21; Buka Linge 78:44 5 Mi nau tu rongovia na angel te logho maana pungisighi na lei beti te ghaghua,
“God, Ighoe to tabu ngangata. Ighoe to kabu haia idania maia itaeni.
E ulaghamu sughua ge ko nia vetena rughuhoru na dete eni.
6 Tara labumatera tua na lei nimua tinoni tabu mana lei prophet, mana na ghabudira te tave.
Keri ge o vahera gaira na ghabu ge kara inuvia. Gaia keri te manana na tabadira.”
7 Mi nau tu rongovia va na talama ni manga tana bela tabu te ghaghua, “Eo, Lord God puku ni maana, a nimua na totoro tara utuni, mara maemane.”
8 Keri ke, na vatini na angel te kovala horua nina popo i vuvungana na aho, ge ke nia hevei na papara te vagha na lake vanira na lei tinoni. 9 Na lei tinoni soko tara vavu tana paparana te nia hevei, mara koengelea na ahana God te loghoa na maana ivuvungani na lei totoro raini. Hauva ma gaira tara mua tughulio, ge kara holohabaa God.
10 Vaho ge na limani na angel te kolava horua nina popo i vuvungana na malei sopouna na maumanu asi. Ma nina kinakabu ke liliu ni pui loloho, ma nina vure kara girigiri livo, mara ghalatighi na lapidira, na pukuna tara vahaghitaili sule ngangata.Buka Rughuhoru 10:21 11 Ma gaira kara koengelea God i kokou na pukuna didira na vahaghitaili mana pae. Ma gaira tara hove didira na tughulio ta didira na kabu hahihahi.
12 Keri ke, me ononi na angel te kovala horua nina popo i vuvungana na betitina sule Euphrates, ge ke mamaha. Aeni te kale keri ge na lei vunaghi haba tana sodu i ulu kara tangomana na huliadira na lei malaghai va tana sodu i boko sagauvia na vahola.Isaiah 11:15 13 Mi kakeri, nau tu righira ara tolu na tidalo dika te vagha na reireidira na kulau, tara sogha horu mai tana mangana na dragon, mana maumanu asi, mana prophet sorisori.†prophet sorisori Aeni na eruani maumanu asi te bosa na rongorongo sorisori me gueguelora rana vure. Righia Na Livu 13:11 14 Na lei tidalo dika raini tara loghoa na maana ge kara gonighi na lei butuli. Keri ge ra tona mara vahikolura na lei vunaghi haba tana maramana, ge kara nia tughuru koukolu na gonidilana na veitotoghoni ni pungisiana Lord, tana bongi sule keri God puku ni maana ke detera rana vure.
15 Ko ghanaghana dila na hava Christ te bosa, “Inau ku mai tana bona ighoe to mua ghilala, te vagha na tinoni gito! God ke vautora arahei tara gonigonidila, mara talugoni dilai didira na tivi. Keri ge kara mua sakutua soesole ma kara mua nia maa.” Matthew 24:43-44; Luke 12:39-40; Na Livu 3:3
16 Mana na tidalo dika rakeri kara vahikolura na lei vunaghi haba maia didira na lei malaghai tana bona tara holoa nia Armageddon, tana leu ni Jew. 2 Vunaghi Haba 23:29; Zechariah 12:11
17 Mi kakeri, e vituni na angel te kovala horua nina popo tana oka, mana manga te sule te mai tana malei sopou ni vunaghi haba tana Valetabu i kokou, te ghaghua, “Te soko tua!” 18 Mana viviha te tagumu talighutia mana viti te vitilia, mana anu te sule ngangata. Te vuivuni tana bona God te gonira na lei tinoni tana maramana me sara itaeni ke, taho tua siki anu te sule vagha.Na Livu 8:5; 11:13, 19 19 Na komu sule i Babylon te tuvavoka iga e tolu na levu, mana lei komu sule tana maramana kara kutu pauparuha tana pari. Ma God te ghanaghana olia na paluna i Babylon, me nea ge inuvia na seu ni wine ta nina rutu God.Isaiah 51:17 20 Mana lei koukomu soko kara lulumi, mana lei ghotu kara taotano horu.Na Livu 6:14 21 Na ghuri sule te mamataghugha, mana lei kebungasi te vagha na vatu te kaekage e tolu hangavulu vati na mavani,‡na mavani Sakai na mava te vagha sakai na kilogram te tumu horu mai tana oka i vuvungadira na lei tinoni tana maramana. Ma gaira tara koengelea God tana bona na ghuri sule mana kebungasi, na pukuna te nia hevei na totoro te maemategha.Buka Rughuhoru 9:23; Na Livu 11:19
*16:1 vitu na popo ni rutu nina God Na lei totoro raini te kale tana maramana te vagha na lei totobo te kale na butonikomu Egypt idania. Righia Buka Rughuhoru 7:14-10:29.
16:4 Buka Rughuhoru 7:17-21; Buka Linge 78:44
16:12 Isaiah 11:15
†16:13 prophet sorisori Aeni na eruani maumanu asi te bosa na rongorongo sorisori me gueguelora rana vure. Righia Na Livu 13:11
16:15 Matthew 24:43-44; Luke 12:39-40; Na Livu 3:3
16:16 2 Vunaghi Haba 23:29; Zechariah 12:11
16:18 Na Livu 8:5; 11:13, 19
16:19 Isaiah 51:17
‡16:21 na mavani Sakai na mava te vagha sakai na kilogram
16:21 Buka Rughuhoru 9:23; Na Livu 11:19