52
Mama Kuurrku Waarka Palyalpayilu Pika Purlkanya Mantjirnu
13 Nyangka Mama Kuurrtu watjarnu,
“Ngayuku-tju waarka palyalpayilu palyalku wiyalku
nyarra ngayulu-rna watjarnu wantinyangka.
Nyangka-luya yarnangu kutjupa-kutjupalu marninypungama.
14 Yuwa, yarnangu pirnilu-ya nyakulalpi kata paarnarrarnu.
Tjiinyamarntu-ya pungkulayirnu wantinyangka yawarra pirnitjarra ngaralanytja.
Tjiinya kutjupa-kutjuparringkulalpi ngaralanytja.
Nyangka-ya purtu ngurrkarntaranytja.
15 Nyangka kuwarrinya-ya yarnangu ngurra kutjupa-kutjupangkatjalu
wati palunyanya nyakulalpi kata paarnarralku.
Nyangka-ya puurrpa pirnilutarrartu kanmarrtu ngarala nyangama.
Tjiinya-ya kutjupa-kutjupa nyakula wantirranytjamunulu nyaku.
Puru-ya kutjupa-kutjupa kulira wantirranytjamunulu tjurrkurlmara kulilku.”