24
1-2 Nyangka Payilamalu nintilu kulirnu Mama Kuurrtu-tjananya Yitjurayilku tjamupirti walykumunura kanyilkitjalu kuliranytja. Nyangka Payilamalu-tjananya ngarala walunyakulanyangka Mama Kuurrku Kuurtilu-lu wuyurrmanu wangkatjaku. 3-9 Nyangka-tjanampa pururtu wangka walykumunu watjara-wanarayirnu wiyarringu.
10 Nyangka puurrpa Payilikilu kuliralpi lirri warurringu. Palunyalu watjarnu, “Wiya, yarltingu-rnanta tjiinya nyuntulu-tjananyan pitjala yinitjunkutjaku ngayunya-lanyatjuya papurrmunulu pitjala pungkula wiyaltjakutarra. Nyangka nyuntulu-tjanampan marnkurrara wangka walykumunukutju watjarnu wantingu. 11 Waarrpungkulalta wantirra ngurrakutu yarra. Tjiinya-rnanta kalkurnu kutjupa-kutjupa walykumunu nintilkitjalu. Nyangka Mama Kuurrtunku kurrarnu mantjiltjakutarran.”
12 Nyangka Payilamalu watjarnu, “Tjiinya-rniya yarltinyangka-tjananyarna palunyanyartu watjarnu. 13 Tjinguru-rnin nyuntuku kawurlpa tjilpa purlkanya pirninyartu nintilku. Nyangka-rnanku palya wantiku. Tjiinya-rna kamu kutjupa-kutjupa watjalku. Ngarna wangka nyarra Mama Kuurrtu-rni watjalku, palunyanyakutju-rna watjalku.”
Payilamalu-pulanku Tjamalara Ngurraku Yanu
14 Nyangka Payilamalu puurrpa Payilikinya watjarnu, “Yuwa, marlaku-rna yankukitja ngayuku yungarrapirtikutu. Nyangka-rnanta ngaanya watjalku yartakanku tjiinya ngula-tjananyanta Yitjurayilku tjamupirtilu pungkula-wanarayilku wiyalku.” 15-24 Nyangka Payilamalu watjara-wanarnu wantingu Mama Kuurrtu-lu nintitjunkutjanya. 25 Palunyatjanulta pakara marlaku yanu ngurrakutu. Nyangka puurrpa Payilikinya palunyaku ngurraku yanu.