Sam Kratrtqki-esz'-nzpnu-li-nrade-rpwxmz (129)
Enqmi r Lr Israel
Nabz kx nzngrnelzngr Jerusalem mz nzangiongr.
1 Nigu lr Israel nadcpx mz drtwrgu kx enqmi rgung nzatrkatilr nigu
Yzuo mzli kc tqpipzbe-ngrgu mrnyzgu.
2 A' kxmule-esz' enqmi rgung nzatrkati-zlwzlr nigu,
Yzuo mzli kc tqpipzbe-ngrgu mrnyzgu, a' trnzaovxio-pnzlru nigu.
3 X kxmule-esz' nzikla-zlwzlr nigu,
X bzmrde mnz-aboitxtr-alom mz nibrgu,
4 A' Yawe kc tqtubq-esz'ngr,
Aopxpebzle drtqgu mz mqdr.
5 Delc Yawe, nigr lr Saeon rlxtibzkr bam, nzmaneutipx-krbzme enqmi rgrng amrlx,
Murde drtqdr namyatx-zlwzng.
6 X ayangrnga nidr
Mzli lc tztopwzbe-ngrdr.
7 Murde ma tqtakitrde nidr nzota-moungr,
Nzmu enqmi rgr kc-kzng tzrlxtibzlr badr nzokatr-krdr nidr mz vea.
8 X bzkq rlrpx-ngrn nzrpi-krbz badr kx,
“Amrlzkr nimu mz drtq Yawe!”