Ko tono Ua 'o te 'Ipiseli 'a
Sioné
Ko te talateú
Ko Tono Ua 'o te 'Ipiseli 'a Sioné ne'e fai ia 'e te “faifekau” ki te “fafine … mo tana fānaú” (v. 1), ko tono 'uhingá nai ko he siasi mo tono kāinga lotú. Ko te tohi nounou ko 'ení ko he kole kiā nātou ke notou fe'ofa'aki, mo te fakatokanga kiā nātou kote'uhí ko te kau faiako lohí mo te notou 'ū akonakí.
Ko te kakano 'o te tohí
Ko te talateú (veesi1-3)
Ko te fungani 'o te 'ofá (veesi4-6)
Ko te fakatokanga kote'uhí ko te 'ū akonaki halá (veesi7-11)
Ko te tātukú (veesi12-13)
1
Ko te fakafe'iloakí
1 Tū ko au ko te faifekau, ko taku tohi ki si'i fine'aliki kua filí, pea mo tana fānaú,*1 si'i fine'aliki kua filí, pea mo tana fānaú 'oku 'uhinga nai eni ki te siasi mo tono kāinga lotú (vakai ai pē ki he veesi 4-5). 'a ia 'okou 'ofa ki ai, 'i taku tu'u 'i te mo'oní; pea 'oku kala ko au pē, kā ko nātou kotoa pē kua 'ilo'i te mo'oní, 2 kote'uhiā ko te mo'oni 'oku nofo ma'u 'iā tātoú, 'a ia foki 'e kau mo tātou 'o ta'engata.
3 'E nofo mo tātou 'ia te kelesi mo te meesi mo te melinó, mei te 'Atua ko te Tamaí, pea meiā Sīsū Kalaisi ko te 'Alo 'o te Tamaí, 'i te mo'oni mo te 'ofa.
Ko te mo'oní mo te 'ofá
4 Ne au fiafia 'aupito 'i taku 'ilo'i he 'ihi 'i tau fānaú 'oku notou laka 'i te mo'oní, hangē ko te tu'utu'uni ne'e tou ma'u mei te Tamaí. 5 Pea ko 'eni 'okou kole atú, 'e fafine, ke tou fe'ofa'aki, 'o kala hangē ko haku tohi atu he fekau fo'ou, kā ko ia pē kua tou ma'u mei te kamata'angá.*1:5 Sione 13:34; 15:12, 17 6 Pea ko 'eni ia 'ia te 'ofá, ko te tou laka 'o fakatatau ki te 'ū tu'utu'uni 'o Tana 'Afió. Ko 'eni ia 'ia te tu'utu'uní, 'a ia ko 'ē ne kotou fanongo ki ai mei te kamata'angá, 'o pehē, ke kotou laka 'i te me'a ko iá.
7 He kua 'i ai te tokolahi fakahē ne'e 'alu atu ki māmani, ko te fa'ahinga 'oku kala notou fakamo'oni kua ha'u 'ia Sīsū Kalaisi 'i te kakanó.†7 'i te kakanó 'oku 'uhinga 'eni: ko te tangata mo'oni, ko ia pe ko te tangata kakato. Ko 'eni ia 'ia te fakahē mo te Fili 'o Kalaisí. 8 Kotou tokanga kiā kōtou kote'uhí ke 'aua na'a mole te kotou‡8 te kotou: 'oku pehē 'i tono 'ū hiki fualoa 'ihi, te tou. 'ū me'a ne'e tupu 'i te motou§8 te motou: 'oku pehē 'i tono 'ū hiki fualoa 'ihi, te kotou. ngāué, kaikehe ke kotou*8 kotou: 'oku pehē 'i tono 'ū hiki fualoa 'ihi, tou. ma'u kakato 'ia te totongí.
9 Ko ia kotoa pē 'oku faihala, 'o kala nofo ma'u 'i te tokāteline 'a Kalaisí, 'oku kala ina ma'u 'ia te 'Atuá. Ko ia 'oku nofo ma'u 'i te tokāteline ko iá, 'oku ma'u 'e ia 'ia te Tamaí mo te 'Aló fakatou'osi. 10 Kāpau ā kua ha'u kiā kōtou he toko taha, 'o kala ha'u mo ia 'ia te tokāteline ko iá, 'aua 'e kotou tali ia ki te kotou falé, pea 'aua 'e kotou pehē kiā ia, “Mālō te lelei”; 11 hē ko ia 'oku pehē kiā ia “Mālō te leleí” 'oku kau ia mo tana 'ū ngāue koví.
Ko te lea fakamāvae
12 'Oku lahi taku 'ū me'a ke tohi atú, kā 'oku kailoa u fia fai 'aki te pepa mo te vaitohi; kā 'okou 'amanaki ke 'alu atu kiā kōtou 'o talanoa ngutu pē, kote'uhí ke kakato te kotou†12 te kotou: 'oku pehē 'i tono 'ū hiki fualoa 'ihi, te tou. fiafiá.
13 'Oku 'ofa atu te fānau 'a te tou tokoua kua filí.‡13 te fānau 'a te tou tokoua kua filí 'oku 'uhinga nai 'eni ki te kāinga lotu 'o te siasi ne'e fai mei ai te tohí nei.§13 'I te 'ū hiki fualoa 'ihi 'oku faka'osi 'aki te lea 'Ēmeni.
*1:1 1 si'i fine'aliki kua filí, pea mo tana fānaú 'oku 'uhinga nai eni ki te siasi mo tono kāinga lotú (vakai ai pē ki he veesi 4-5).
*1:5 1:5 Sione 13:34; 15:12, 17
†1:7 7 'i te kakanó 'oku 'uhinga 'eni: ko te tangata mo'oni, ko ia pe ko te tangata kakato.
‡1:8 8 te kotou: 'oku pehē 'i tono 'ū hiki fualoa 'ihi, te tou.
§1:8 8 te motou: 'oku pehē 'i tono 'ū hiki fualoa 'ihi, te kotou.
*1:8 8 kotou: 'oku pehē 'i tono 'ū hiki fualoa 'ihi, tou.
†1:12 12 te kotou: 'oku pehē 'i tono 'ū hiki fualoa 'ihi, te tou.
‡1:13 13 te fānau 'a te tou tokoua kua filí 'oku 'uhinga nai 'eni ki te kāinga lotu 'o te siasi ne'e fai mei ai te tohí nei.
§1:13 13 'I te 'ū hiki fualoa 'ihi 'oku faka'osi 'aki te lea 'Ēmeni.