1 10:1 Kumbo 13:21; 14:21-29Kwani ndugu zangu, ninahendza mumanye kukala, akare ehu osi malongozwa ni ingu ririrokala dzulu zao, na osi makivuka Bahari ya Shamu. 2 Na osi mabat'izwa makikala at'u a Musa kahi za ro ingu na yo bahari. 3 10:3 Kumbo 16:13-35; Kumbu 8:3; Zabu 78:24-25Osi marya chakurya kimwenga cha kiroho, 4 10:4 Kumbo 17:6; Zabu 78:15na makinwa kinywaji kimwenga cha kiroho. Kwani ao osi manwa kula kwa ro iwe ririrokala rinenda hamwenga nao kila hat'u, na iwe riro were ni Masihi. 5 10:5 Hesab 14:29-30; Zabu 78:31; Aebu 3:17; Jud 5Ela hatha bada ya gago gosini anji ao k'amamufwahizire Mulungu bule, kwa vizho machalagwa na miri yao ikikala t'andala kuko nyika.

6 10:6 Hesab 11:4, 34; Zabu 106:14Bai, gaga gosi gahendeka kwamba gakale mufano kwehu siswi ili fusithamani mai dza ao. 7 10:7 Kumbo 32:6Kwa vizho p'ore mukavoya vizuka here angine ao marizhohenda. Kwani Maoro ganaamba kukala, “At'u makelesi makirya na kunwa gonya makirungarara makivina.” 8 10:8 Hesab 25:1-9Fusidzangize kahi za uzindzi here angine ao marizhohenda, nao machalagwa alifu mirongo miri na t'ahu kwa siku mwenga. 9 10:9 Hesab 21:5-6Fusimujeze Bwana bule here angine ao marizhohenda na makilumwa ni nyoka makifwa. 10 10:10 Hesab 14:2, 36; 17:6-13; Zabu 106:25-27; Aebu 3:17-18Kidza musinung'unike bule here angine ao marizhohenda na machalagwa ni ye malaika wa kifwa.

11 10:11 7:29-31; Arum 15:4Bai, maut'u gaga gosi gahendeka kwao ili kwamba gakale mufano kwehu, na gakiorwa ili siswi fuishio kahi za wakathi uu wa hehi na mwisho fukadime kukanyika. 12 10:12 Agal 6:1Kwa vizho bai, mut'u adzionaye kukala aimire, be naadzimanyirire sana p'ore akagwa. 13 10:13 1:9; Jako 1:13-14Go majezo gosini mugapatago be ni majezo ga kawaida, garigo kila mut'u nikugapata. Ela kwa kukala Mulungu ni mwaminifu, k'andamuricha mujezwe kukira zho mwadimazho. Ela hatha mujezwaho andamboza ngira ya kugakizira majezo gago, ili mupate nguvu za kuvumirira.

14 10:14 1 Joh 5:21Kwa vizho bai ahendzwi musivoye vizuka bule. 15 Ninamanya ninanena na at'u enye lau, kwa vizho galolenit'o gaga niganenago. 16 10:16 11:24-25; Luk 22:17-20Cho kikombe cha baraka fukikihasa na kutsumbulirana, samba nikukala funashiriki kahi za milatso ya Masihi? H'e fukimogola wo mukahe na kuurya, samba nikukala funashiriki kahi za mwiri wa Masihi? 17 10:17 12:27Bai kwa kukala mukahe ni mumwenga, siswi at'u anji hu kahi za mwiri mumwenga, mana hosi hunarya kahi za uwo mukahe mumwenga. 18 10:18 Alaw 7:11-21Aryahu at'u a Iziraeli, mukialolat'o, mundaona kukala aryahu maryao ziryahu sadaka, nikukala manashiriki kahi za cho kijaja. 19 10:19 8:4Nikinena vizho siamba kukala cho chakurya kidzichombozwa sadaka kwa kizuka, hedu cho kizuka chenye, ni kit'u sana. 20 10:20 Kumbu 32:17; Zabu 106:37; Ugun 9:20Hatha bule. Nikinena vizho ninaamba kukala, at'u masiomumanya Mulungu makivimbozera sadaka vizuka nikukala manambozera p'ep'o, k'amamumbozera Mulungu bule. Na mimi ts'endzi ninwi mushiriki hamwenga na p'ep'o. 21 10:21 2 Akor 6:15-16K'amudima kushiriki kahi za kikombe cha Bwana na kahi za kikombe cha p'ep'o. Kidza k'amudima kushiriki kahi za chakurya cha Bwana na kahi za chakurya cha p'ep'o. 22 10:22 Kumbu 32:21Fukihenda vizho fundakala funamala kumwangiza wivu Bwana, na siswi k'ahuna nguvu kumukira iye.

23 10:23-33 Arum 14:1–15:610:23 6:12; 8:7-12Unadima kunena ukaamba kukala, “Kila kit'u ni karakara.” Ee ni jeri, ela si vit'u zhosi zhenye faidha. Unadima kunena ukaamba, “Kila kit'u ni karakara.” Ee ni jeri, ela si vit'u zhosi vijengazho. 24 10:24 10:32; 13:5; Arum 15:1-2; Afil 2:4Usithuwe kulola maut'u ga kudzifwaha we mwenye kare thu, lola maut'u ga kuafwaha angine nao. 25 10:25 Arum 14:2Kila nyama mundiyopata ko sokoni gulani muthuwe kurya na moyo mumwenga thu nwi, bila kuuza idzikolaa. 26 10:26 Zabu 24:1; 89:11Kwani Maoro ganaamba kukala, “Dhunia hamwenga na vit'u zhosi virizho mumo ni zha Bwana.” 27 Mut'u asiyemukuluhira Jesu akimukaribisha kwakwe, na ukiona ni karakara kwenda, cho undichombozerwa rya na moyo mumwenga bila kuuza kala kidzambolahi. 28 10:28 8:7Ela mut'u akikwambira kukala cho chakurya kidzambozerwa sadaka kizuka, h'aya kiriche kare kwa ut'u wa iye adziyekwambira, undahalirwa kukala udzahenda ut'u uriwo si karakara. 29 Kutsarya kuku si kwa ut'u wa moyowo uwe, ela ni kwa ut'u wa moyo wa ye mwandziyo.

Hangine mut'u anadima kuuza akaamba, “Kwanoni maazo ga mut'u mungine ganauhukumu uhuru wangu? 30 10:30 Arum 14:6; 1 T'imo 4:4Mimi ninalazha muv̱era kwa Mulungu kwa cho chakurya niryacho. Kwanoni mut'u animboze makosa kwa chakurya nikilazhiracho muv̱era?” 31 10:31 Akol 3:17Ni karakara, ela bai, kila ukihendacho, kikakala kurya, hedu kunwa, hedu kit'u kingine chochosi, kihende kwa kumup'a nguma Mulungu. 32 10:32 Arum 14:13Usikwaze Muyahudi, hedu mut'u ariye si Muyahudi, hedu kanisa ra Mulungu. 33 10:33 9:19-22Mimi be ninajeza sana kuafwahiza at'u osi kahi za kila kit'u. Simala maut'u ga kunifwaha mimi mwenye, ela namala maut'u ga kuafwaha at'u anji. Na vivi ninavihenda ili niavuhe maokoke. Kwa vizho ninwi nanwi hendani dza zho nihendazho mimi.