1 Pamwepo ndidawona kudzulu kupsa*Iza 65:17; 66:22; 2 Pe 3:13 na dziko la pantsi lipsa, nakuti kudzulu kwakuyamba na dziko la pantsi lakuyamba bzikhadamala. Ndipo nyandza pakhalibe. 2 Ndidawona Mzinda Wakucena†Iza 52:1, Jerusalema mupsa, omwe akhabuluka kucokera kudzulu kuna Mulungu, wakukondzekera ninga wakulowodwa‡Iza 61:10 wakubzidekesera mwamuna wace. 3 Ndidabva fala lamphambvu likhacokera kumpando wa umambo likhambalewa kuti: “Tsapano cikumbi ca Mulungu§Eze 37:27 ciri pakati pa wanthu, ndipo Iye an'dzakhala nawo. Iwo an'dzakhala mbumba ya Mulungu ndipo Iye an'dzakhala na iwo ndipo an'dzakhala Mulungu wawo. 4 Iye an'dzawapukuta misozi yentse m'maso**Iza 25:8. Ndipo impfa in'dzawoneka lini pomwe††Iza 65:19, napo kutsukwala napo kulira napo kuwawidwa, nakuti bzinthu bzakale bzamala”.

5 Ndipo Ule omwe akhadakhala pampando wa umambo adati: “Ndirikucita papsa bzinthu bzentse!” Ndipo adalewa pomwe kuti “Unembe bzimwebzi, nakuti mafala yamweyo ni yacadidi ndipo bzin'funika kuyakhulupirira”.

6 Adandiuza pomwe kuti “Bzamala. Ine ndine Alfa ndipo na Omega, wakuyamba na kumalizira‡‡Alfa na Omega: Bziri nemba lakuyamba na lakumalizira la ciGiriki. . Omwe ana nyota, nin'dzamupasa bzakumwa mwakusaya kulipira bzakucokera ntsantsa ya madzi§§Iza 55:1 ya moyo. 7 Wakukunda an'dzakhala na utaka bwentsenebu, ndipo Ine nin'dzakhala Mulungu wace***2Sa 7:14; 1Mb 17:13 ndipo iye an'dzakhala mwana wangu. 8 Tsono wamantha, wakusaya cikhulupiriro, wakufuna bzakunyantsa, wakupha andzawo, wa malume yakuletsedwa, wa ufiti, wakutumbiza bzifanikizo na wentse wakunama, mbuto yawo in'dzakhala kuthawale la moto lomwe limbagaka na enxofre. Imweyi ni impfa yaciwiri”.

9 M'bodzi wa anju anomwe (7) omwe akhana tacu zinomwe (7) zomwe zikhadadzala na bzisi bzinomwe (7) bzakumalizira, adafendera ndipo adandiuza kuti: “Bwera, ine nin'dzakuwonesa wakulowodwa, mkazi wa Bira”. 10 Iye adanditenga muMzimu Wakucena aciyenda na ine kuphiri likulu litali,†††Eze 40:2 ndipo adandiwonesa Mzinda Wakucena, Jerusalema, omwe ukhabuluka kucokera kudzulu kuna Mulungu. 11 Ndipo ukhayetima na ukulu bwa Mulungu, ndipo kuyetima kwace kukhali ninga mwala wa phindu kwene-kwene, ninga jasipe‡‡‡Jasipe: Ukhali mwala wa phindu omwe ukhana mawonekedwe yakusiyana-siyana. wakungwerewera ninga vidru. 12 Ndipo kukhana litsito likulu litali na misuwo khumi na miwiri (12) na anju khumi na awiri (12) m'misuwo. M'misuwomo mukhadanembedwa madzina ya madzindza khumi na mawiri (12) ya Ijirayeri. 13 Kumabva-dzuwa kukhana misuwo mitatu (3), kucithunthu kwace kukhana mitatu (3), kunyantsi kukhana mitatu (3), ndipo kumadokero mitatu (3)§§§Eze 48:30-34. 14 Litsito la mzindawo likhana majomicomi khumi na mawiri (12), ndipo iyo yakhana madzina ya atumiki khumi na awiri (12) wa Bira.

15 Anju omwe akhalewa-lewa na ine akhana kamuti ninga mphimo yakukondzedwa na oro, kuti apime mzinda*Eze 40:3, misuwo yace na litsito lace. 16 Mzinda ukhali wa makhona manai (4) muutali na mukufuthuka ukhadandendemerana. Iye adapima mzinda na kamuti. Ukhana bzulu bziwiri na madzana mawiri (2.200) ya kirometru†MuciGiriki mudalewa kuti: “Estádio 12.000”. Estadiyo ibodzi ni bzibodzi-bodzi na metru 185. muutali. Kufuthuka na kutalimpha bzikhadandendemerana na muutali. 17 Iye adapima litsito, ndipo likhana metru makumi matanthatu na maxanu (65) ya nchinya‡Ayai metru za kutalimpha kwace. MuciGiriki ambati: “Kovado 144”. Kovado ikhali mphimo ya lunga-lunga yakukwanira sentimetru 45., malinge na mphimo ya wanthu yomwe anju akhaphatisa basa. 18 Ndipo litsitolo likhadakondzedwa na jasipe§Jasipe: Ukhali mwala wa phindu omwe ukhana mawonekedwe yakusiyana-siyana. ndipo mzinda ukhali wa oro caiyo, yakulingana na vidru caiyo. 19 Madjomicomi ya litsito la mzinda, yakhadadekesedwa na mitundu yentse ya minyala ya phindu. Jomicomi lakutoma likhadadekesedwa na mwala wa jasipe, laciwiri likhadadekesedwa na safira, lacitatu likhadadekesedwa na kalisedonya, lacinai na ejimerada, 20 lacixanu na sardonyo, lacitanthatu na sardiyo, lacinomwe na crisolito, lacisere na berilo, lacipfemba na topaziyo, lacikhumi na crisopraso, lacikhumi na libodzi na jasinto, lacikhumi na ciwiri na ametisita. 21 Misuwo khumi na miwiri (12) ikhali ya misanga khumi na miwiri (12), msuwo ubodzi na ubodzi ukhadakondzedwa na msanga ubodzi. Mseu ukulu wa mzinda ukhali wa oro caiyo ninga vidru yakungwerewera**Iza 54:11-12.

22 Ndiribe kuwona mbuto yakucena na ibodziyo m'mzinda, nakuti mbuto yakucena ya mumzindawo ni Mbuya Mulungu Wamphambvu-zentse na Bira. 23 Mzinda un'funika lini dzuwa napo mwezi††Iza 60:19 kuti bziubvunikire, nakuti kuyetima kwa ukulu bwa Mulungu ndiko kunibvunikira, ndipo Bira ni ciphaniphani cace. 24 Madziko yan'dzafamba mukubvunikira kwace, ndipo azimambo wa padziko la pantsi an'dzam'bweresera ukulu bwawo. 25 Misuwo ya mzindawo in'dzafunga lini cipo, nakuti kumweko kun'dzakhala lini na usiku. 26 Ukulu na udali bwa madziko‡‡Iza 60:11 bzin'dzabweresedwa kuna mzindawo. 27 Muna iwo mun'dzapita lini pomwe cinthu cakusaya kucena cipo§§Iza 52:1, napo omwe an'dzacita bzakupasisa manyazi ayai bzakunama, tsono okhawo wale omwe madzina yawo yadanembedwa muLivu la Moyo la Bira.