1 አማንዘ አሱንꬅስ ሚሸ ሺሸባዝ ጋላትያ ዎሳ ኬꬅስ ታኒ ኪትዳን ፋና ይንትን ኦቾተ። ሮመ 15:25-26 2 ሚሸ ሺሽታ ታ ይንታጎ Ꮉንግዘ ዎደ ማቃመ ፋና ፈቲ ፈቲ ሳምንታፓ ቲኖ ቃማ፥ ዎጋ ዎደ ዎጋ ዎደ ፋ ደንግዛንፓ ኬሲ ፋ ካራ ሺሾ። 3 ታኒ እዘ Ꮉንግደ ዎደ ሚሽቶ የሩሳላመ የልꬆደ ፋና ይን ዶርደ አሱንꬅስ ዳብዳበ እንግ ኡንታና የሩሳላመ ኪቶዳ። 4 ኡንታራ ታ Ꮉንግዛና ኮሽዘ ባዝ ማቅኮ ኡን ታራ Ꮉማደስ ዳንዳአነ።

5 ታኒ መቀዶንያራ አꬎደስ ቆፕደ ግሾ እዘ Ꮉንግ ይንታጎ የኦዳ። ሐዋ. 19:21 6 ታ Ꮉንግዛና አባ ማቅኮን፥ ታ ቅትዛነ ይን ታና ሞይዞደ ጋር ይን ካለ ኤራꬅ ዎደ ጋምእካይዛራ አሾስ። ሴተ አግኑንꬃና ይን ካለ አꬅካይዛራ ዋይ አሾዳ። 7 ታኒ ኦገራ አꬍተራ ይንታና በአደስ ኮዮስ። ላꬂ ጋይኮ፥ ይን ካለ ኤራꬅ ዎደ ጋምኦደስ ቆፓነ።

8 የዝን ታኒ ጰንጠቆስጠ ባአለ የሎደስ ኤፈሶነ ጋምኦዳ። 9 ታስ ኦቻ ኩምደ ዳልጋ ፉርꬅ ቡጉንትዳ፥ የዝን ጋማ ኦልንትዘ ሞርኩንꬅ የነ። ሌዌ 23:15-21፤ ማሄ 16:9-11፤ ሐዋ. 19:8-10

10 ኤ ታ ጋር ላꬄ ኦቻ ኦችዘ አስ ማቅደ ግሾ ጢሞትዮሳ ይንታጎ Ꮉንግኮ፥ ይን ካለ ኤ ይርግካይዛራ የሳደ ጋር ዪዞተ። 1 ቆሮ. 4:17 11 ኦደን ኤዛ ለቂፐ። ኤ ታጎ ሳሮራ ማቃደ ጋር ኤዛ ማዲ ሞይዞተ። ታኒ ኤ Ꮉንኩꬅ አማንዙንꬃራ ማቃዳኖ ናጋነ።

12 ኑ እሸ አጵሎሳ Ꮉንኩንꬅ አማንዙንꬃራ ይንታጎ Ꮉማደ ጋር ታ ኤዛ ምንꬂ ዎሳነ። Ꮉተ ይንታጎ Ꮉማደስ ኮይካያ፥ የዝን ኤስ ዎትደ ዎደ ይንታጎ Ꮉማዳ።

13 ባርኮተ፤ አማኖራ ኤቆተ፤ ጻሎተ፤ ምንጎተ። 14 ኦችቶ ኡባ ሲቆራ ኦቾተ።

15 ታ እሹንꬆ፥ እስጢፋኖሳን ኤ ካራ አሱንꬅ አካያ ግዳ ኡን ቲኖ አማንዱንꬃና ማቅዳኖ አማንዙንꬃና ማዶደስ ፋና አꬂ እንግዳኖ ይን ኤራነ። 1 ቆሮ. 1:16 16 ይንትን ኡን ጋር አሱንꬅስን፥ ኡንታራ ኦቻራ ላቢዘ ኡቡንꬅስ ኪትንቶደ ጋር ታ ይንታና ዎሳነ።

17 እስጢፋኖሳ፥ ፈርዶናጽሳን አካይቆሳ ታጎ ይእዳና ታና ኡፋይስዳ። ይን ባይዘ በስተ ኡን ይንታና ማቂ ታ ፋጭቶ ኩንꬅዳ። 18 ኡን ይንታና ኡፋይስዳን ፋና ታናን ኡፋይስዳ። ይኒ ፋና አሱንꬃና ቦትፈተ።

19 እስያ ዎሳ ኬꬃ አሱንꬅ ይንታና ሳሮ ጋነ። አቂላን ጵርስቅላን ፋ ካራ ሺቅዘ ዎሳ ኬꬃ አሱንꬃራ ዎላ ይንታና ላꬄ ሱንꬅተ ዎዝናፓ ሳሮꬅዳ።ሐዋ. 18:2 20 አማንዘ እሹንꬅ ኡቡንꬅ ይንታና ሳሮ ያጋይዳ።

ጌሽ ዬርንተ ዬርንትተራ ፈተ ፈታ ሳሮꬆተ። 21 ታኒ፥ ጳዉሎሳ፥ Ꮉና ሳሮትꬅቶ ታ ኩሽትራ ጻፍዳ።

22 ላꬃ ካꬎኦሰ አስ የዝኮ፥ ባድንትዳያ ማቀ። ኑ ላꬃዮ፥ ዮኦ!

23 ላꬄ የሱስ ክርስቶሳ አꬎ ከሃትꬅታ ይንታራ ማቀ።

24 ታ ሲቅታ ክርስቶስ የሱሳ ግዳ የዘ ይን ኡቡንꬃራ ማቀ። አምንኤ።