1 ይኬ፥ ታ ሲቁንꬆ፥ Ꮉና ኡፋይስታ ኑስ ማቅደ ግሾ ኑ አሽቶን ኑ ሸምፕቶ ቱንዘ ባዝ ኡባፓ ኑና ጌሾዳ። ጾዝስ ዣሽቲ ኑ ጌሻትꬅቶ ፎሎ ማሆዳ።

2 ይን ዎዝንቶ ኑና ቤዞተ። ኑኒ ኦናን ቆህካያ፤ ኦደስን ኢስካያ፤ ኦናን ጭምካያ። 3 ታኒ ይኖ ይንታላ አፋ ፍርዶደስ ጋኦስ። Ꮉንፋ ቲኖ ታ ይንትስ ኦህዳን ጋራ፥ ይን ኑ ዎዝንተ የነ፤ ኑ ፋጻ የዝኮን Ꮉይቂኮን ይንታፓ ሻክንቶስ። 4 ይንታላ ታስ የዘ አማንታ ዳማ፤ ታ ይንታራ ምንጋነ፤ ኑ ማꬍተ ኡባ ዎደ ኡፋይታነ።

5 ኑኒ መቀዶንያ የልደ ዎደ ኡባ ባጋራ ዋይንትዳ ፋትን ሸምፕካያ። ባለራ ሞርኩንꬃራ፥ ኑ ግዳር ዣሽሞራ ኡንእንትዳ። 2 ዜና 2:13 6 የዝን አዛንዱንꬃና ምንꬅꬅዘ ጾዘ፥ ትቶ የእተ ኑና ምንꬅꬅዳ። 7 ኑና ምንꬅꬅዘ ትቶ የእቶ ጻላላ ማቅካይዝን ይንትን ኤዛ ምንꬅꬅዳኖ ስእዳነ ጉጂ። ይን ታና አሙꬍዛኖ፥ ታስ አዛንዛኖ ታስ ቆፕዛኖ ታ ስእደ ዎደ ታና ጋማ ኡፋይስዳ።

8 ታ ዳብዳብዘ ይንታና አዛንꬅኮን አኮስ ታ ጻፍነ ጋእ ቂርꬎስ። ታ ቂርꬍዳና ታ ዳብዳብዘ ይንታና ኤራꬅ ዎደስ አዛንꬅደ ግሾ። 9 Ꮉተ ታኒ ኡፋይትዳና፥ ታ ይንታና አዛንꬅደ ግሾ ማቅካይዝን ይን አዛንታ ይንታና ይን ናጋርትፓ ማህደ ግሾ። ጾዚ ፋ ቆፍት ጋር ይንታና አዛንꬅዳ ፋትን ኑ ይንታና አኮ ባዛራን ቆህካያ። 10 ጾዚ ኮይዘ አዛኖ፥ አቶትꬃጎ የልꬅዘ ናጋራፓ ማቀ ከእነ፤ ኤ ግዳ ቂርዘባዝ ባያ። የዝን Ꮉና ሳአ አዛንታ Ꮉይቆ ከእነ። 11 ይን አዛንታ ይን ግዳ አፍዝደ ኣፍቶ ቦኦተ። ይና አዛንታ ይንታና አኮ ጋር ደንꬅዛኮ አኮ ጋር ማሄ እንገዛኮ፥ አኮ ጋር ኤልሲ ካጭዛኮ፥ አኮ ጋር ዣሽዘዛኮ፥ አኮ ጋር ሱክዘዛኮ፥ አኮ ጋር ታስ ቃናትዘዛኮ፥ አኮ ጋር ሴርꬅ ካልꬅዛኮ ቦኦተ። Ꮉና ኡባነ ይን ጌሽ ማቅዛኖ ማርክꬍዝዳ።

12 ይኒ ግሾ፥ ታኒ Ꮉይ ዳብዳቢዛ ይንትስ ጻፍዳና፥ ቆህዘ አꬃ ዎይ ናቂንትደ አꬄ ግሾ ባያ። የዝን ይን ኑስ አኮ ጋር ቆፕዛኮ ጾዘ ቲኖ ይን፥ ይንታና በአደ ጋር ጻፍዳ። 13 ኑኒ ሚንግዳንፓ አꬊ ትቶ ደንግዳነ ኡፋይትዳ። ኑ ኡፋይትዳና አꬊ፥ ይን ትቶ ኡፋይስዳነን ኤ ዎዝንቶ ሸምፕዝዳነ። 14 ታኒ ይንታና ናሺ ኤስ ኦህን ይን ታና ዬልዝካያ። ይኒ ግሾ ኑኒ ኡባ ዎደ ይንትስ ቱሮ ኦህነ፤ ይኒ ጋራ ኑኒ ትቶ ቲኖ ይንታና ናሽዳና ቱሮ ማቅዳ። 15 ይን ኤስ ዣሽሞራ ጎቂ፥ ኤዛ ሞክዳኖ ማህ ኤስ አኮ ጋር ኪትንተዛኮ ኤ ቆፕዘ ዎደ ይንትስ የዘ ሲቅታ ሚንግተ Ꮉንግዳ። 16 ታኒ ኡባ ባዛ ይን ግዳ አማንንትዘ ግሾ ኡፋይታነ።