1 አማንዘ አሱንꬅስ ኬስዘ ሚሸባዝ ታ ይንትስ ጻፎደስ ኮሾስ። 2 ይን ማዶደስ ሎይꬂ አሙꬍዛኖ ታ ኤራነ። ይን አካያ አሱንꬅ፥ ኦማ በረፓ አይኪ ማዶደስ ጊግንትዳኖ ታኒ መቀዶንያ አሱንꬅስ ዶና ኩንꬅ ኦህዳ። ይን ዳማ አሞትꬅታ ኡንታፓ ጋሙንꬃና ደንꬅꬅዳ። 3 Ꮉና ኦችተ ይን ግዳ ኑ ጬቅንትዘ ጬቅታ Ꮉሪ ማቃመ ጋር ቲኖ ይን ባዝ ታ ኦህዳን ጋራ ይን ጊግንቲ ናጎደ ጋር Ꮉንꬅ እሹንꬃና ይንታጎ ኪትዳ። 4 መቀዶንያ አሱንꬅ ታራ Ꮉንግ፥ ይን ጊግንትካይዛር የሳደር፥ ደንግኮ፥ ኑ ይን ግዳ ዬልꬋዳ፤ ማህ ይን ኑፓ አꬊ ዬልꬋዳ። 5 ይኒ ግሾ፥ Ꮉንꬅ እሹንꬅ ታፓ ቲንꬊ ይንታጎ Ꮉንግ፥ ይን እንጎዳ ጋይደ እሞትꬅቶ ቲንꬊ ጊግሳደ ጋር ታ ኡንታና ኪትዳ። ታ የእዘ ዎደ ይና እሞታ ጊጊ በቶ። የ ዎደ ይና ኬሃትꬅ እሞታ ዎልቃራ ማቅካይዝን ካራ ማቅዛኖ ኤርሳነ።

6 Ꮉኖ ቲሮተ፤ ኤራꬅ ቡድዘ ኤራꬅ ማጾዳ፤ ጋማ ቡድዘ ጋማ ማጾዳ። 7 ጾዚ ኡፋይሳራ እንግዘ አꬃ ካዽዘ ግሾ ዎልቃራ ዎይ ካꬎ ባይዝን ማቅካይዝን ፈቲ ፈቲ አስ ፋ ዎዝንተ ቆፕዳንጋራ ካራ እንጎደስ ቤዛነ። 8 ኡባ ዎደ ኡባ ባዛ ኮሽዘ ባዝ ኡባ ደንግ ሎኦ ኦቻ ኡባ ኦቾደስ ዳንዳኦደ ፋና ጾዚ ይንትስ ፋ አንጅቶ ጋንꬆዳ። 9 ጌሽ ማጻፍተ፥

11 ጋማ አሱንꬅ ይን እንግዘ እሞትꬅቶ ኑፓ ኤኪ፥ ጾዝ ጋላቶደ ጋራ፥ ይን ኡባ ዎደ ጋንꬅ እንግዙንꬃና ማቃደ ጋር ጾዚ ይንታና ኡባ ባዛራ ዱርሳዳ። 12 Ꮉና ይን እንግዘ እሞታ አማንዘ አስ ፋጭቶ ኩን ጻላላ ማቅካይዝን አሱንꬅ ጾዝ ጋላቶደስ ምክናተ ማቃነ። 13 Ꮉና ይን ኦችታ ይን አማንቶ ኤርስዝ ክርስቶሳ ዎንገለ ይን አማኒ ኤስ ኪትንቲ ይንትስ የዘ ባዝ ኡንታራን መሉንꬃራ ሻክንትደ ግሾ ኡቡንꬅ ጾዝ ቦንቾዳ። 14 ጾዚ ይንትስ እንግደ አꬎ ኬሃትꬅት ግሾ ኡን ይንትስ ጾዝ ዎስተራ ይንታና በአደስ አሙꬋነ። 15 ዉዙላ ባይዘ ጾዘ እሞትꬅትስ ጾዚ ጋላትንቶ።