1 ታ ኤራꬅ ኤያትꬅቶ ይን Ꮉተን ዳንዳኦዳ ጋእ ቆፓነ፤ አደ ዳንዳኦተ። 2 ጾዚ ይንታና ቡዞ ማሆደስ ቆፕዳንጋራ፥ ታንን ይንትስ ቆፓነ። ታኒ ይንታና ጌሽ ዉዱርትጋራ ፈቲ ꬊራ፥ ክርስቶሳስ እንጎደስ ኦጪ ጋድዳ።

3 የዝን ሾሽ ፋ ገነራ ሄዋኖ ባልꬅዳንፋና ኦደ ኤርዘ ይን ዎዝንታ ኢቲ ክርስቶሳስ የዘ ይን ሱረትꬅቶን ጌሻትꬅቶ ላሞድ የሳነ ጋእ ይርጋነ። መꬎ 3:1-5 4 ፈቲ አስ ይእ፥ ኑኒ ይንትስ ማርክꬍደ የሱሳፓ መለ የሱሳ ይንትስ ማርክꬍኮ፥ ዎይ ይን ኤክደ አያንዘፓን ዎንገልዘፓን መለ አያናን ዎንገለን ይንትስ ኦህኮ፥ ስእ ጋእ አꬃነ።

5 የዝን ታኒ የሱሳ «ዳማ ሐዋሩንꬃፓ» ላፋነ ጋእ ቆፖስ። 6 ታኒ ኦሄ ኤሮሰ አስ ማቅኮን፥ ኤራትꬅ ታስ የነ። ይኖ ታ ይንትስ ጋማ ኦገራን ጋማ ባዛራ ቆንጭዝዳ።

7 ታኒ ሚሸ ኦጭካይዛራ ጾዘ ዎንገለ ይንትስ Ꮉሪ ኦህዳናን ይንታና ꬎቅ ዪዚ ታና ቶችዳና ታስ ናጋራ ማቃነ? 8 ታኒ ይንትስ ኦቾደስ መለ ዎሳ ኬꬃፓ ሚሸ ቦንቂ ኤክዳ። 9 ታ ይንታራ የዘ ዎደ ታና ማꬍኮን ይንታፓ ፈቲ አስን ዋይስካያ። መቀዶንያፓ ይእደ አማንዙንꬅ ታና ኮሽዘ ባዝ ኡባ ማድዳ። Ꮉይኖ የሎደስ ታ ይንትስ ቶፎ ማቅካያ ቲኖስን ቶፎ ማቆስ። ፍልፕ. 4:15-18 10 ክርስቶሳ ቱረትꬅታ ታ ግዳ የዝን፥ ታ ጬቅቶ አካያ ጋደ ታና ኦደን ካዮስ። 11 ታ Ꮉኖ አኮስ ጋኤ? ይንታና ካꬎኦሰ ግሾስነ? ታኒ ይንታና ካꬍዛኖ ጾዚ ኤራነ።

12 «ኑንን ይን ፋና ኦቻነ» ጋእ ጬቂዘ Ꮉንኮ ሐዋሩንꬅ ጬቆ ምክናቶ ꬋብሶደስ Ꮉተ ታ ኦችዛኖ ቲኖስን ኦቾዳ። 13 Ꮉኒ ጋርዘ አሱንꬅ ክርስቶሳ ሐዋረ አዞደስ ፋና ላምዘ ዎርዳንቾ ሐዋሩንꬃናን ጭምዘ ኦቻንቾ። 14 ይና ዳማ ቆፍዘ ባዝ ባያ፤ አኮስ ጋይኮ፥ ጻላሄ ፎኦ ኪታንቾ ፋና ይአደስ ፋና ላማነ። 15 ይኒ ግሾ፥ ጻላሄ ኦቻንቹንꬅ ጽሎትꬅ ኦቻንቾ ፋና ይአደስ ፋና ላምኮ ይና ዳማ ባዝ ባያ። ኡን ዉርሱꬅተ ፋ ኦችትጋራ ኤኮዳ።

16 ኦደን ታና ኤያ ጋእ ቆፓመ ፋና ማህ ኦህነ። ታ ይንትስ ኤያ አዝኮን ታ ኤራꬅ ጬቅንቶደ ፋና ታና ኤያ ማህ ኤኮተ። 17 ታኒ Ꮉንጋራ ጬቅንቲ ኦህዘ፥ ላꬄ ኮይዛንጋራ ማቅካይዝን ኤያትꬃራ ኦህነ። 18 ጋማ አሱንꬅ Ꮉና ሳአ ባዝተ ጬቅንትዘ ግሾ ታንን ጬቅንቶዳ። 19 ይን ዎዝናማ ማቅደ ግሾ ኤያ አስ ባዝ ኡፋይሳራ ዳንዳአነ። 20 ኦደን ይንታና አርዝኮ ዎይ ይንታና ቦንቅኮ ዎይ ፋስ ማድንቶደስ ይንታጎ ሺቅኮ ዎይ ይንታላ አፋ ኡቱርትኮ ዎይ ይንታና ባቂኮ ይን ዳንዳአነ። 21 ኑኒ ይኖ ኦቾደስ ጋማ ቦዛ ማቅዛኖ ዬልꬍተራ ታ ኦህነ።

የዝን ኦደን ሚንግ ጬቂንትኮ፥ ታንን ጬቂንቶደስ ምንጋነ። ታኒ ይኖ ኤያ አስ ፋና ኦህነ። 22 ኡን ዕብራዌ? ታንን ዕብራዌ። ኡን እስራኤለ? ታንን እስራኤለ። ኡን አብራሃማ ኮቾ? ታንን አብራሃማ ኮች። 23 ኡን ክርስቶሳ ኦቻንቾ? ታኒ ዣሽትዘ አስ ጋር ኦህነ፥ ኡንታፓ አꬍዘ ክርስቶሳ ኦቻንቾ። ታኒ ኦቻራ ጋማ ላቢዳ፤ ጋማ ዎደ አጭንትዳ፤ ጋራፍንትዳ፤ ጋማ ዎደ Ꮉይቆፓ አትዳ። ሐዋ. 16:23 24 አይሁዱንꬅ ታና Ꮉስታም ኡዱፉን እችን ቶሄ ጋራፍዳ። ማሄ 25:3 25 Ꮉይꬕ ቶሄ ጉፈራ ጉድንትዳ፤ ፈቲ ቶሄ ሹቻራ ꬎግንትዳ፤ ማርካበ Ꮉይꬕ ቶሄ መቂዳ፤ አባ ግዳ ፈቲ ቃማ ኩሙꬅ አቂ ፌዥዳ። ሐዋ. 16:22፤ 14:19 26 ታኒ ጋማ ኦገ ላቢ የꬍዳ። ክጻ Ꮉꬃፓን ፋኖፓ አትዳ። አይሁዱንꬅን አይሁደ ማቆሰ አሱንꬅ ታላ አፋ ማꬋ የልꬅዳ። ካታማ፥ አኮ ባይዘ ጋናሳ፥ አባ፥ ታና ዣሽዳ፤ አማንዘ ፋና አዝዘ አሱንꬅ ታና ዋይꬅዳ።ሐዋ. 9:23፤ 14:15 27 ታኒ ኦቻራ ላቢዳ ጫውዳ፥ ጋማ ቶሄ ገንቶ ꬋብዳ፥ ናይꬍዳ፥ ባርꬍዳ፥ ጭሽትዳ፥ ካልꬍዳ።

28 መለባዝ ኡባ ፋይድካይዛራ ኡባ ዎደ ታና ቆፍዛና ዎሳ ኬꬅ ባዝ። 29 ፈቲ አስ ላቢዘ ዎደ ኤራ ታ ላቢካ? ፈቲ አስ ናጋራራ ꬉቡንትዘ ዎደ ታ አይደ ሸንꬍካይዛራ አሽዶ?

30 ታ ጬቅንቶደስ ኮሽዘ ባዝ ማቅዛኮ ታኒ ላቢዳ ማቅዛኖ ኤርስዘ ባዛራ ጬቅንቶዳ። 31 መꬍናስ ቦንችንትደ ጾዘ፥ ኑ ላꬄ የሱስ ክርስቶሳ አዳይ፥ ታ ዎርድꬎኦሳኖ ኤራነ። 32 ዳማስቆ ካታማ አረታሳ ጋዘ ካትዘፓ ኦሞር አህዘ ታና አይꬆደስ ኮይ ዳማስቆ ካታማ ፉርꬅቶ ናግዛነ። ሐዋ. 9:23-25 33 የዝን አሱንꬅ ታና ዳቾ ግዳ ኦሊ፥ ካታማ ሹች ግንብትስ ማስኮተራ ኬꬅን ታኒ ኤ ኩሽትፓ አትዳ።