1 ታ ጭምዘ ዶርንትደ ካራ እንትስን እ ናኡንꬅስ ኪትንትደ ኪታ። ታ ጻላላ ባይዝን ቱርቶ ኤርዘ ኡቡንꬅ ካꬋነ። 2 የ ቱርዘ ኑራ የዘ ግሾን መዽና ኑራ የሳደ ግሾ ታኒ ይንታና ቱሮ ካꬋነ።

3 ጾዘ ኑ አዳይ ኤ ናአይ የሱስ ክርስቶሳ አꬎ ከሃትꬅታ፥ ማሮትꬅታን ሳሮትꬅታን ቱርራን ሲቆራን ዎላ ኑራ ማቀ።

4 አዳይ ኑና ኪትዳን ፋና፥ ነ ናኡንꬃፓ ባጉንꬅ፥ ቱርስ ኪትንትዛኖ ብእ ታኒ ጋማ ኡፋይትዳ። 5 ካራ እንተ፥ Ꮉተን ኑኒ ኡባ ፈተ ፈታያ ሲቆደ ጋር ታኒ ነና ዎሳነ። የ ኪትዘ ቲኖፓ ኑራ የዘ ኪታ ፋትን ታኒ ኔስ ክለ ኪታ ጻፎስ። 6 ቱሪ ሲቆ ኑ ጾዘ ኪታ ናጊ የሳዳኖ። ማህ ቲኖፓ ይን ስእዳን ፋና ኤ ኪታ፥ ይን ኡቡንꬅ «ሲቆራ የዞተ» ጋዛኖ። ዋሐ. 13:34፤ 15:12፥ 17

7 የሱስ ክርስቶሳ አስ ማቂ ይእዳኖ አማኖሰ፥ ጋማ ባልꬅዘ አሱንꬅ፥ አላምተ ደንድዳ። ይኒ ጋርዘ አስ ኦንን ባልꬅዛን ክርስቶሳ እጽዛን። 8 ይን ኦችደ ኩሙꬅ ዋግቶ ኤኮደስ ምንጎተ። ይን ኦችዳና ꬋባመ ፋና ናግንቶተ።

9 ክርስቶሳ ትምርትተ ሚንግ የዞሰስን ኤ ትምርትትፓ Ꮉኪ የዘ አꬄስ ጾዚ ባያ። ክርስቶሳ ትምርትተ የዘ አꬄስ አዳይን ናአይን የነ። 10 ኦንን ይንታጎ ይእተራ Ꮉና ትምርትቶ ኤክካይዛር ይእኮ፥ ይን ካራ ገልꬅፐተ፤ ሳሮን ጋይፐተ። 11 ኤዛ ሳሮ ጋዘ ኦንን ኤ ኢታ ኦችተ ኤራ ሻክንታነ።

12 ታኒ ይንትስ ጻፎደስ ኮይደ ጋማ ባዝ የነ፥ የዝን ዎርቃተራን ቃላመራ ጻፎደስ ኮዮስ። ኑ ኡፋይስታ ፎልንቶደ ፋና ይንታራ ስኖ የልንት ኦህንቶደስ ይንታጎ Ꮉማዳ ጋእ ቆፓነ።

13 ጾዚ ዶርደ ነ ምሽት ናኡንꬅ ነና ሳሮ ጋነ።