1 ታ ሲቁንꬆ፥ Ꮉይ ታ ይንትስ ጻፍደ ዳብዳብዘ ላምእንꬃ። ታኒ Ꮉንꬅ ላምእ ዳብዳቡንꬃና ይንትስ ጻፍደ፥ ይን ሉለ ቆፋ ቆፖደ ፋና ይንታና ደንꬅꬆደስ። 2 ማህ ጌሽ ናቡንꬅ ዛጋ ኦህደ ቃላራን ኑና አሽዘ ላꬄ፥ ሐዋሩንꬅ ባጋራ ኪትንትደ ኪቶ ይን ኦቾደ ፋና ኮያነ። 3 ኡባፓ ቲንꬊ፥ ዎደ ዉርሱꬅተ ፋ አምቶ ካልዙንꬅን ቦርዙንꬅ ቦርተራ ዮኦዳኖ ኤሮተ። 4 ኡን፥ «ላꬂ የሱሳ ዮኦዳ ጋይዳና አባ የነ? ኑ አዱንꬅ Ꮉይቂዳ፥ የዝን ኡባ ባዝ ሳአ መꬍንትደፓ ደንꬂ የዛን ፋና የነ» ያጋነ። ይሁ. 18 5 ጋማ ዎደፓ ቲኖ ሳሎ ጾዘ ቃልተ መꬍንትዳኖ፤ ማህ ሳአ Ꮉꬃፓ መꬍንትዳኖን Ꮉꬅ ግዳ መꬍንትዳኖ ኤርተራ ካዳነ። 6 ይና ዎድተ የዘ ሳእታ Ꮉꬃራ ቆꬍንት ꬋብዳ።መꬎ 1:6-9 7 የዝን Ꮉተ የዘ ሳልታን ሳእታን፥ ጾዘስ ጎይኖሱንꬅ ፍርድንትዘ ቃማን ꬋቦደ ቃማ የሎደስ ይና ቃልተ ታማስ ናግንቲ የነ። መꬎ 7:11

8 የዝን ታ ሲቁንꬆ፥ ላꬄ ካለ ፈቲ ቃማ ሙኩል በረ ፋና ማቅዛኖ ሙኩል በረ ፈቲ ቃማ ፋና ማቅዛኖ Ꮉኖ ፈቲ ባዝ ቦትፐተ። 9 ፈተ ፈተ ጋምእዳ ጋእ ቆፕዛኒ ፋና፥ ላꬂ ፋ ኡፋይስ ቃልት ግሾ ጋምኦስ። የዝን ኦደን ꬋባመ ፋና ኮይ ኡቡንꬅ ፋ ናጋርትፓ ማቃደ ፋና ይን ግሾ ጋእ ዳንዳአነ። ማዝ. 90:4

10 የዝን ላꬄ ቃምታ ካይዞ ፋና ዮኦዳ። ይና ቃምተ ሳሎ ዳማ ꬎገራ ꬋቦዳ፤ ሳሎ መቱንꬅ ታማራ ኤጽንቶዳ፤ ሳአን እዝላ አፋ የዘ ኡባና ꬋቦዳ። 11 ይኬ፥ ኡባ ባዝ ይኒ ጋር ዪእ ꬋብዘባዝ ማቅኮ ይን ዋኮ የዘ አስ ማቃደስ ቤዘ? ይን ጌሽን ጾዚ ኡፋይስዘ የሲ የሳደስ ቤዛነ። ማቶ. 24:43፤ ሉቃ. 12:39፤ 1 ተሰ. 5:2፤ ቆን. 16:15 12 ይን ቲኖራ የእዘ ጾዘ ቃምቶ ናግተራ ይንትስ ዳንዳእንትዘ ባዝ ኡባ ኦቺ ይና ቃምቶ ኤልስዞተ። ይና ቃምተ ሳሎን እዘ የዘ ባዝ ታማራ ኤጽንቶዳ፤ ዳማ ታማ ምቻራ ትልኦዳ። 13 የዝን ኑኒ ጽሎትꬅ የዘ ክለ ሳሎን ክለ ሳአ ጾዘ ኡፋይስ ቃልት ጋር ናጎዳ።

14 ይኒ ግሾ፥ ታ ሲቁንꬆ፥ ኑ ይና ቃምቶ ናግዘ ግሾ ዬላን ቦረ ባይዙንꬃና ማቂ፥ ላꬃራ ሳሮራ የሳደስ ምንጎተ። ኢሳ. 65:17፤ 66:22፤ ቆን. 21:1 15 ይን አቶደ ፋና ኮይ ላꬂ ዳንዳኤዛኖ ቦትፐተ። ማህ ኑ ሲቆ እሻይ፥ ጳዉሎሳ፥ ጾዚ ኤስ እንግደ ጭንጫትꬃራ ይኒ ፋና ይንትስ ጻፍዳ። 16 ኤ ፋ ኪትተ ኡባ የንꬅ ባዝቶ ጻፍዳ። ኤ ዳብዳብት ግዳ ቆፖደስ ዋይꬅዘ ቆፋ የነ። ታማርካይዘን ሚንግካይዘ አሱንꬅ መለ ጾዘ ቃልቶ ዎቢዛን ፋና Ꮉና ኪቶን ፋስ ꬋቦደስ ማች ዎቢዛነ።

17 ይኒ ግሾ፥ ታ ሲቁንꬆ፥ ይን ይኖ ኤርዘ ግሾ ገኑንꬅ ባላራ ጭምንቲ፥ ꬋባመ ፋናን ሚንግ የዘ ባስትፓ ጎልአመ ፋና ናግንቶተ። 18 የዝን ኑና አሽዘ ኑ ላꬄ፥ የሱስ ክርስቶሳ አꬎ ኬሃትꬃራን ኤራትꬃራን ድጮተ። ኤስ Ꮉተን መꬍናን ቦንቾ ማቀ። አምንኤ።