4
ጴጥሮሳን ዋሐንሳን አይሁደ ሻንጎ ቲኖ
1 ጴጥሮሳን ዋሐንሳን አሱንꬅስ ኦሆደራ ካህኑንꬅ Ꮉላቁንꬅ፥ ጾዘ ኬꬅቶ ናግዙንꬅ Ꮉላቅዘን ሳዱቃዉንꬅ ኡንታጎ ይእዳ። 2 ኡን የሱሳ Ꮉይቆፓ ደንድዳኖን ኤ ባጋራ Ꮉይቆፓ ደንዶ የዛኖ አሱንꬃና ታማርስደ ግሾ ካጭዳ። 3 ይኒ ግሾ፥ ኡንታና አይኪ ሳእታ ኡጉርደ ግሾ ዎንቶደ ዎንꬅስ አች ኬꬃ ገልꬅዳ። 4 የዝን ቃላ ስእዱንꬃፓ ጋሙንꬅ አማንዳ። አማንደ ꬊራꬅ አሱንꬅ ፋይድታ እችን ሙኩል የልዳ።
5 ዎንትꬅት ኦደ ጋደ አህዙንꬅ፥ ጭሙንꬅን፥ ህገ አስታማሩንꬅ የሩሳላመ ሺቅዳ። 6 የንꬅ አሱንꬅ ግዳ ካህኑንꬅ Ꮉላቅዘ ሃናን፥ ቃያፋ፥ ዋሐንሳ፥ እስክንድሮሳን ካህኑንꬅ Ꮉላቃ እግኑንꬅ ኡባ የነ። 7 ጴጥሮሳን ዋሐንሳን ፋ ቲንተ ኤስ፥ «አኮ ዎልቃራ ዎይ ኦደ ሱንꬅተ Ꮉኖ ይን ኦችዶ?» ያጋእ ኦጭዳ።
8 የ ዎደ ጴጥሮሳ ጌሽ አያናር ኩሚ፥ «አህዙንꬆን፥ ጭሙንꬆ፥ 9 Ꮉይኖ Ꮉይ ቶሄ ዎቦ አꬄስ ኦችንትደ ሎኦ ኦችትስን ኤ ዋይዝ ፋጸዛኮ ይን ኑና ቁርችኮ፥ 10 ማስቃላላ ይን ሱጽን፥ ጾዚ Ꮉይቆፓ ደንꬅደ ናዝረተ የሱስ ክርስቶሳ ሱንꬅተ Ꮉይ አꬄ ፋጺ ይን ቲንተ ኤቅዳይ ይንትስን እስራኤለ አስ ኡቡንꬅስ ኤርንትደባዝ ማቀ።
11 «ይን ‹ኬጽዙንꬅ ለቂ እጽደ ሹችዘ፥
ኬꬅ ማይዘነስ ኦማን፥
ኡባፓ አꬍዘ ሹች ማቅዳ፤
የ ሹችዘ የሱሳ።›ማዝ. 118:22
12 ይኒ ግሾ፥ አቶትꬅ ኤ ባጋራፕ አትን መለ ኦደ ባጋራን ይእካያ። ኑ ኤ ሱንꬅተ አቶደ ጋር አስ ኡባስ ጾዚ ሳሎፓ ኦሞራ እንግደ መለ ሱንꬅ ባያ» ያጋይዳ።
13 ሺቅደ አሱንꬅ ጴጥሮሳን ዋሐንሳን ቆንጭዝ ኦህዳኖ ብእደ ዎደ ኡን ታማርካይዘ ጨር አስ ማቅዳኖ ቆፒ ጋማ ናሽዳ፤ ኡን የሱሳራ የዛኖ ኤርዳ። 14 ማህ ፋጽደ አꬄ ጴጥሮሳራን ዋሐንሳራ ኤቅዳኖ አሱንꬅ ብእን ጋዉደ ባዝ ꬋብዳ። 15 የዝን ጴጥሮሳን ዋሐንሳን ባለ ኬሳደ ጋር ዪዚ ፋ ግዳ፥ 16 «Ꮉንꬅ አሱንꬃላ ኑ አኮ ኦቾ? ኡን ኩሽተ ኦችንትደ ዳማ ክለ ባዝ የሩሳላመ የዘ ኡቡንꬅስ ቆንጭዳ። ኑ ይኖ አቾደስ ዳንዳኦስ። 17 የዝን Ꮉና ኦህታ አስ ግዳ ዳልጋመ ጋር ይኬፓ Ꮉንꬅ አሱንꬅ የሱሳ ሱንꬅተ ሙሎን ኦሃመ ፋናን ታማርሳመ ፋና ካዮዳ» ጋእ ዞርንትዳ።
18 ኡንታና ጼጊ፥ የሱሳ ሱንꬅተ ይኬፓ ኦሃመ ጋር ዎይ ታማርሳመ ጋር ኪትዳ። 19 የዝን ጴጥሮሳን ዋሐንሳን ኡንታጎ ማህ፥ «ጾዘስ ኪትንቶዳንፓን ይንትስ ኪትንቶዳንፓ ጾዘ ቲኖ አና ሎኦ የዛኮ አነ ይን ፍርዶተ። 20 ኑ ብእዳኖን ስእዳኖን ኦህካይዛራ ስእ ጋዉደስ ዳንዳኦስ» ያጋይዳ።
21 ጭሙንꬅን ዎርዣ አህዙንꬅ ቲኖስትፓ ምንꬂ ካጪ ኡንታና ዳኪ አሽዳ። አሱንꬅ Ꮉንዳንስ ጾዝ ጋላቲ ቦንችደ ግሾ ኡንታና ፍርዶደስ ዳንዳእካያ። 22 ይና ክለ ኦችተ Ꮉርግትፓ ፋጽደ አꬄስ ላይꬅታ ኦይታማፓ አꬋነ።
አማንዘ አስ ዎሳ
23 ጴጥሮሳን ዋሐንሳ ብልንቲ አማንዘ ባጉንꬃጎ Ꮉንግ፥ ካህኑንꬅ Ꮉላቁንꬅን ጭሙንꬅ ፋጎ ጋይደባዝ ኡባ ኡንትስ ኦህዳ። 24 ኡን ይኖ ስእደ ዎደ ፈቲ ዎዝና ማቂ ጾዛ Ꮉንጋራ ያጋእ ዎስዳ፦ «ኡባ አህዘ ላꬃዮ፥ ሳሎ፥ ሳአ፥ አባን ኡን ግዳ የዛኖ ኡባ መꬍዳዮ፥ከዘ 20:11፤ ናህ. 9:6፤ ማዝ. 146:6 25 ኔኒ ነ አርዘ፥ ኑ አዳይ ዳዉተ ዶንተ ጌሽ አያናራ፥
«አይሁደ ማቆሱንꬅ አኮስ ዙዝንግዶ?
ዎርዡንꬅ አኮስ ጨር ዞርንትዶ?ማዝ. 2:1-2
26 ሳአ ካቱንꬅን
ዎርዣ አህዙንꬅ ዎላ ላꬄላን
ትዥንትደላን ደንድዳ ያጋይዳ።
27 «ቱሮን፥ ሄሮድሳን ጰንጠ ጵላጦሳ አይሁደ ማቆሰ አሱንꬃራን እስራኤለ አሱንꬃራ ነ ትዥደ ነ ጌሽ ናአይ የሱሳላ ደንዶደስ Ꮉና ካታምተ ሺቅዳ። ማቶ. 27:1-2፤ ማር. 15:1፤ ሉቃ. 23:1፥ 7-11፤ ዋሐ. 18:28-29 28 ማህ ኔኒ ነ ዎልቃራን ነ ቆፋር ኦቾዳ ጋእ ቆፒ በትደ ባዝ ኡባ ኡን ፎልዳ። 29 Ꮉተን ላꬆ፥ ኡን ማንድዛኖ ቦኦ፤ ኑኒ ነ አሩንꬂ ነ ቃልቶ ኩሙꬅ ዎዝናር ኦሆደ ጋር ኑስ ዎልቃ እንጎ። 30 ነ ጌሽ ኦቻንችዘ የሱሳ ሱንꬅተ Ꮉርግንትዙንꬃና ፋꬆደስ፥ ክለ ባዝን ጋማ ቆፍዘ ባዝ ኦችንቶደ ጋር ነ ኩሽቶ ምጮ» ጋእ ዎስዳ።
31 ኡን ጾዝ ዎስዳንፓ ሱባ ኡን ሺቅደ በስታ ኤንእዳ። ኡን ኡቡንꬅ ግዳ ጌሽ አያና ኩምን ጾዘ ቃልቶ ቆንጭዝ ኦህዳ።
ቲኖ አማንዘ አሱንꬅ ፈተትꬅ
32 አማንዙንꬅ ኡቡንꬅ ቆፋራን ዎዝናራን ፈቶ ማቅዳ። ኡን ፋስ የዘ ባዝ ኡባ ታ ባዝ ጋእ ኦሆስ። የዝን ፋስ የዛኖ ኡባ ዎላ ማድንታነ። ሐዋ. 2:44-45 33 ሐዋሩንꬅ ላꬄ የሱሳ Ꮉይቆፓ ደንድዳኖ ዳማ ዎልቃራ ማርክꬋነ። ጾዚ ኡን ኡቡንꬅስ ዳማ አꬎ ኬሃትꬅ እንግዳ። 34 ጋደ ማቅን ኬꬂ የዘ ኡባ ባይዝ ብርቶ ዎላላ ጋዳነ። ይኒ ግሾ አማንዙንꬅ ግዳ ማꬍꬍዘ ፈትን ባያ። 35 ብርቶ ክእ ሐዋሩንꬅስ እንጋነ፤ ይና ብርቶ ፈተስ ፈተስ ኮሽደ ፋና ሻኪ ሻኪ እንጋነ።
36 ቆጵሮሳ ጋዘ በስተ የልንትደ ዮሰፋ ጋዘ ሌወ ኮቻፓ ማቅደ ፈተ የነ። ኤ ሱንꬅቶ ሐዋሩንꬅ ባርናባሳ (ምንꬅꬅዘ ናአ) ጋይዳ። 37 ባርናባሳ ፋስ የዘ ጋድቶ ባይዝ ብርቶ ክእ ሐዋሩንꬅስ እንግዳ።