1 ላꬁንꬆ፥ ይንትስን ማህ ሳሎ ላꬂ የዛኖ ኤሪ፥ ይን አሩንꬅስ ጽሎትꬃራ ፈታ ፈተፓ ሻክካይዛራ ኮሽዘ ባዝ ኦቾተ። ኤፈ. 6:9

2 ጾዛ ባርክ ጋላትተራ ጋችካይዛራ ዎሶተ። 3 ጾዚ ፋ ቃልትስ ፉርꬅቶ ቡጎደ ፋናን ታኒ ይኒ ምክንያተር አቻ የዘ ክርስቶሳ ሳዛ ቆፍቶ አዋጆደ ፋና ኑስን ዎሶተ። 4 ማህ ታንን ቤዛን ፋና ቃላ ቆንጭዝ ኦሆደ ፋና ታስ ጾዝ ዎሶተ።

5 ዎትዘ ዎደ ኡባ ማድንቲ አማኖሰ አስ ካለ ጭንጫትꬃራ የዞተ። ኤፈ. 5:16 6 ይን አስ ኡባስ ኮሽዘ ማሄ እንገ ኤሮደ ፋና ይን ኦህታ ኡባ ዎደ አꬎ ኬሃትꬃራ ኩምዳን ሶገር ማልእዛ ማቃደስ ቤዛነ።

7 ኑ ሲቆ እሸ ትክቆሳ፥ ታራ ዎላ ላꬄ ኦችተ አሮ ማቅደ፥ አማንꬅዘ ኦቻንቾ፥ ታ የስት ባዝ ይንትስ ኦሆዳ። ሐዋ. 20:4፤ 2 ጢሞ. 4:12 8 ታኒ ኤዛ ይንታጎ ኪትዳና፥ ኑ ዋይዝ የዛኮ ይንትስ ኦህ ይንታና ምንꬅꬆደ ፋና። ኤፈ. 6:21-22 9 አናስሞሳ፥ አማንꬅዘ ሲቆ እሸ፥ ይን ባጋ፥ ኤራ ይንታጎ Ꮉንጋነ። ኡን Ꮉነ Ꮉንዘባዝ ኡባ ይንትስ ኦሆዳ። ፍልሞ. 10-12

10 ታራ አጭንተዘ አርስጥሮኮሳን ባርናባሳ እሸ ናአይ ማርቆሳ፥ ይንታና ሳሮ ጋነ። ታ ይንትስ ዛጋ ኦህዳን ፋና ማርቆሳ ይንታጎ Ꮉንግኮ ኤዛ ሞኮተ። ሐዋ. 19:29፤ 27:2፤ ፍልሞ. 24፤ ሐዋ. 12:12፥ 25፤ 13:13፤ 15:37-39 11 ኢያሱ ጋዘ ኢዮስጦሳ ይንታና ሳሮ ሳሮ ጋነ። ጾዘ ካእቱሞ ግሾ ታራ ኦችዘ አሱንꬅ ግዳፓ አይሁደ ማቅዱንꬅ፤ ታና ጋማ ምንꬅꬅዳ።

12 ይን ባግዘ፥ ክርስቶስ የሱሳ አርዘ፥ ኤጳፍራ ይንታና ሳሮ ሳሮ ጋነ። ኤ ይን ጾዘ ቲኖ ሚንግ ኤቆደ ፋናን ጾዘ ቆፋ ኤሪ ፎሎደ ፋና ኡባ ዎደ ጾዚ ይን ግሾ ዎሳነ። ቆላ. 1:7፤ ፍልሞ. 23 13 ኤ ይን ግሾን ሎዶቅያን ህራፖሊሰ ካታማ የዘ አሱንꬅ ግሾ ጋማ ላቢዳኖ ታ ማርክꬋነ።

14 ኑ ሲቆ እሸ አክምዘ ሉቃሳን ዴማሳ፥ ይንታና ሳሮ ሳሮ ጋነ። 2 ጢሞ. 4:10-11፤ ፍልሞ. 24 15 ሎዶቅያ የዘ ኑ እሹንꬅስ፥ ንምፋሳን እ ኬꬅተ ሺቅዘ አሱንꬅስ ኑ ሳሮትꬅቶ ኦሆተ።

16 Ꮉይ ዳብዳቢዛ ይን ናባብዳንፓ ሱባ፥ ሎዶቅያ ዎሳ ኬꬃ ናባብዞተ። ይንትን ሎዶቅያ ዎሳ ኬꬅታ ይንትስ ዳክዘ ዳብዳብቶ ናባቦተ። 17 ማህ አርክጳሳ፥ «ላꬂ ኔስ እንግደ ኦችቶ ፎሎዳኖ ቦትፐ» ጋእ ቆፍዞተ። ፍልሞ. 2

18 ታኒ፥ ጳዉሎሳ፥ Ꮉና ሳሮትꬅቶ ታ ኩሽትራ ጻፍዳ። ታ አችቶ ቆፖተ።

ጾዘ አꬎ ከሃትꬅታ ይንታራ ማቀ።