1 ይኬ፥ ክርስቶሳ ባዝ ታማርስዘ ቲኖ ትምርትቶ አሺ ክርስቶሳ ግዳ ዎዝናሙንꬅ ትምርተጎ የꬎተ። Ꮉይቆ ካልꬅዘ ኦቻፓ ማቅዘ ባዝን ጾዝ አማነባዝ ቲኖ ትምርተጎ ሱባ ማቆስ። 2 ይኒ ፋና፥ ጽንቃተ ባዝ፥ *ጽንቃተ ባዝ፦ Ꮉና በስተ ጽንቃተ ባዝ ጋእንትዳና ዱማ ዱማ ጌሸ ዎጋባዝ ኦሆደስ። ኩሸ ጋደባዝ፥ Ꮉይቆፓ ደንዶ ባዝን መዽና ፍርዳባዝ ማህ ታማሮስ። 3 ጾዚ ጋይኮ ኑ ይኖ ኦቾዳ።

4 ፈቲ ቶሄ ፎኦ ፎእዱንꬃና፥ ሳሎ እሞ ኤክዱንꬃና፥ ጌሽ አያናፓ ግሽንትዱንꬃና፥ 5 ሎኦ ጾዘ ቃላን ቲኖፓ የኦደ አላምት ዎልቃ ብእዱንꬃና፥ 6 ሱባፓ ካድዱንꬃና ናጋራፓ ላምእንꬃ ማሆደስ ዳንዳእንቶስ። አኮስ ጋይኮ፥ ኡን ፋ ꬋበስ ጾዘ ናአያ ማህ ሱጽዘ ፋና ማስቃላላ አፋ ኤዛ ሱጻነን አስ ቲኖ ካዉሻነ።

7 ኡባ ዎደ ኤላ አፋ ቡክዘ እራ ኡዢ፥ ዎትዘ አꬃ ማድዘ ካꬃ እንግዘ ሳእታ ጾዛራ አንጅንትዳኖ። 8 የዝን አንጋꬅን ክንችከሎ ዶልዘ ሳእታ አኮ ባዝን ማዶስ፤ ኢስ ባድꬅ ኡክዳ፤ ዉርሱꬅተ ምችንቶዳ። መꬎ 3:17-18

9 ኑ ሲቆ እሹንꬆ፥ ኑኒ Ꮉኒ ጋር ኦህዘ ባዝ ማቅኮን፥ ይንታና አቶትꬃጎ ካልꬅዘ ሎኦ ባዝ ይንትስ የዛኖ ኤራነ። 10 ጾዚ ሉለ ፍርድዛያ። ጾዚ፥ ይን ኦችደ ኦችቶን ዛጋ ማቅን Ꮉተ አማንዙንꬃና ማዲ፥ ኤስ የዘ ሲቅቶ ቤዝዳኖ ቦቶስ። 11 ይን ኡባ ኡፋይሳራ ናግዛኖ ደንጎደ ዎንꬅስ Ꮉና ምንꬅቱምቶ ፎሎ የሎደስ ቤዞደ ጋር ኑ አሙꬋነ። 12 ይን አማኖራን ዳንዳአራ ናግዘ ኡፋይስቶ ላትዘ አስ ማቃደ ጋር ፋትን አዛልአ ማቃደ ጋር ኮዮስ።

13 ጾዚ አብራሃማስ እንጎዳ ጋእ ጫቂደ ዎደ ፋፓ አꬍዘ መለ ዳማ ባይዘ ግሾ ፋ ኦምተ ጫቂዳ። 14 ኤጎ፥ «ታኒ ነና አንጆዳ፤ ነ ዛርቶ ጋንꬆዳ» ያጋይዳ። መꬎ 22:16-17 15 አብራሃማ ዳንዳአራ ናጊ ጾዚ እንጎዳ ጋይደ ኡፋይስቶ ኤክዳ።

16 አስ ጫቂተራ ፋፓ ዳምዘ አሳራ ጫቃነ፤ ይና ጫቅታ ጋእንትደባዝ ምንꬂ፥ ላለ ኡባ Ꮉሳነ። 17 ይኒ ግሾ፥ ጾዚ ፋ ላምንቶሰ ቆፋ ኡፋይስ ቃላ ላትዙንꬅስ ቆንጭሳደስ ኮይደ ግሾ ጫቆራ ምንꬅዳ። 18 ጾዚ ዎርድꬎስ። ኤ ኡፋይስ ቃልታን ጫቅታ፥ ላምኡንꬅን ላምንቶስ። Ꮉና ላምእ ባዝተ ኑ ቲኖ የዘ ኡፋይስቶ አይኮደስ ዳንዳኦደ ፋና ካተ ደንጎደስ ኤጎ አችንትደ ኑኒ፥ ዳማ ምንꬅትሞ ደንጎዳ።

19 Ꮉና ኡፋይስታ ኑ ሸምፕትስ፥ ማርካበ ኤንእንታመ ፋና ምንꬂ አይክዘ መቆ ፋና። ይና ኡፋይስታ ማጋራጃፋ ሱባ ዛላራ የዘ ጌሽ በሳ ገልዳ። ሌዌ 16:2 20 የሱሳ መልከጻድቀ ሹማትꬅት ፋና መꬍናስ ካህኑንꬅ Ꮉላቃ ማቂ፥ ኑ ግሾ ኑፓ ቲኒ ይና በስቶ ገልዳ። ማዝ. 110:4