1 ይንፓ ሱባ፥ እችንꬃ ኪታንችዘ ፋ ሞይዝዛ ኦልን ሳሎፓ ሱለ ሳአ ዎꬍደ ጾልንቶ ብእዳ። ኤስ ዳማ ዶቺ ቡግዘ ቁልፈ እንግንትዳ። 2 ጾልንትዘ ዳማ ዶችቶ ቡግደ ዎደ ዳልጋ ጮጨፓ ከዝዘ ጩጋ ፋና ጩግዘ ይና ዶችትፓ ከዝዳ። ይና ዶችትፓ ከዝደ ጩግትፓ አዋን ሳሎን ꬉምዳ።መꬎ 19:28

3 ይና ጩግትፓ ቦሉንꬅ ሳአ ከዝዳ። ሳአ የዘ ማስማሱንꬅስ የዘ ዎልቃ ፋና ዎልቃ ቦሉንꬅስ እንግንትዳ። ከዘ 10:12 4 ጾዘ ማታመ ስንተ ባይዘ አሱንꬃን ጻላላፕ አትን ሳአ የዘ ዎልቃ ዎይ ምንጻ ዎይ አኮ ዥልኦ ባዝ ማቅን ቆሀመ ጋር ቦሉንꬅስ ኦህንትዳ። ሕዝ. 9:4 5 ቦሉንꬅ አስማና እችን አግና የሎደስ ፋጻ ኡንእꬆደ ፋና ዎልቃ እንግንትዳፕ አትን አስ ዎꬎደ ፋና ባያ። ማስማሶ አስ ꬋእን Ꮉዥዛን ጋር ቦለ ꬋእን Ꮉዣነ። 6 ይና ቃምተ አሲ Ꮉይቆ ኮዮዳ፥ የዝን ደንጎስ። ኡን Ꮉይቆደስ አሙꬎዳ፥ የዝን Ꮉይቆ ኡንታፕ Ꮉኮዳ። ኢዮ. 3:21፤ ኤር. 8:3

7 ቦሉንꬅ ኦላስ ጊጊ በትደ ፋሩንꬃና አዛነ። ኡን ኦምታ ዎርቃ ዛዉደ አዛነ፤ ኡን ስንታን አስ ስኖ አዛነ። ኢዩ. 2:4 8 ኡን ኦማ እስንꬅታን ማች ኦማ እስን ፋና ጳርጎ። ኡን አችታን ጋሞ አች አዛነ። ኢዩ. 1:6 9 ኡንትስ ዳዳብትላ አፋ ጋድዘ መቆ ጹሩረ የነ፤ ኡን ቀፍት ኦꬅታ ኦልንቶደስ ጋላብዘ ፋራን ፋራ ጋረ ኦꬅ አዛነ። ኢዩ. 2:5 10 ኡንትስ ማስማሶ ኡንኮ ፋና የዘ ኡንኮን ዻእ Ꮉዥዘ ዪሺ የነ። ይና ኡንክተ እችን አግና አስማና ቆሆደ ፋና አደትꬅ ዎልቃ እንግንትዳ። 11 ኡንታና አህዘ ካት የነ፤ የ ካትዘ ዳማ ዶችት ኪታንቾ። ኤ ሱንꬅታ እብራይስጠ ዶናራ አብዶና፤ ማህ ግርኬ ዶናራ አጶልዮና ጋእንታነ። ኤ ሱንꬅት ብልꬅታን «ꬋብስዛ» ጋእንታነ።

12 ቲኖ ባድዘ አꬍዳ፤ ይኬ፥ መለ ላምእ ባዱንꬅ Ꮉጋ የኦዳ።

13 እዝፑንꬃ ኪታንችዘ ፋ ሞይዛ ኦልዳ። ጾዘ ቲኖ ኤቅደ፥ ዎርቃ ዣርሾ በስተ የዘ ኦይዲ ጉሙሩንꬃፓ ፈቲ ኦꬅ ስእዳ። ከዘ 30:1 14 የ ኦꬅዘ ሞይዘ አይክደ እዝፑንꬃ ኪታንችዘጎ፥ «ኤፍራጺሰ ጋዘ ዳማ ቦርካ አጭንትደ ኦይዲ ኪታንቹንꬃና ብሎተ» ያጋይዳ። 15 ሳአላ የዘ አሳፓ Ꮉይꬕ ኩሽቶ ዎꬎደ ጋር ይና ሳትስ፥ ይና ቃምትስ፥ ይና አግንትስ ይና በርትስ ጊጊ በትደ ኦይዲ ኪታንቹንꬅ ብልንትዳ። 16 ኦላ ፋራ ቶግደ ኦላንቹንꬅ ፋይድታ ላምእ ጼት ምሎነ ማቅዛኖ ስእዳ።

17 ማህ ታ ቆንጭꬅተ ፋሩንꬃናን የንꬅ ፋሩንꬃና ቶግደ አሱንꬃና ብእዳ። የንꬅ አሱንꬅ ዳዳብተ ጋድዘ መቆ ጹሩረ ታማ ቦንቆ ፋና ዞቆ፥ ያክንተ ፋና፥ ካርꬅ ሳሎ ፋናን ዲነ ፋና ጭልሎ። ፋሩንꬅስ ኦምታ ጋሞስ ቲኖ ዛልቶ አዛነ፤ ኡን ዶንትፓ ታማ፥ ጩጋን ዲነ ከዝዳ። 18 ፋሩንꬅ ዶንትፓ ከዝዘ ታማ፥ ጩጋን ዲነ ይና Ꮉይꬕ Ꮉንቅተ ሳአ የዘ አሳፓ Ꮉይꬓፓ ፈቲ ኩሽታ Ꮉይቂዳ። 19 የንꬅ ፋሩንꬅስ ዎልቅታ ኡን ዶንቲ ግዳን ኡንክተ የነ። ኡን ኡንክታን ሾሽ ኦማ ፋና የነ፤ ኡን ኢራ አስ ቆሃነ።

20 Ꮉና Ꮉንቅትፓ አትዱንꬅ ፋ ኩሸ ኦችትፓ አሺ ማቅካያ። ኡን ቱና አያናራ ዎርቃፓ፥ ብራፓ፥ ናሰ መቆፓን ሹቻፓን ምንጻፓ ኦችንትደ ኤቃስ ጎይናነ። ማዝ. 115:4 በአደስ፥ ስአደስ፥ የꬋደስ ዳንዳኦሰ ኤቁንꬅስ ጎይንዛኖ አሽካያ። 21 አስ ዎꬍዛኖ፥ ብትዛኖ፥ ኦላልዛኖ ካይስትዛኖ አሺ ማሮትꬅ ኦጭካያ።