16
ጾዘ Ꮉንቆ ኩምደ ጹአ
1 ይንፓ ሱባ፥ ጾዘ ኬꬃፓ ላፑን ኪታንቹንꬃጎ፥ «Ꮉንግ ጾዘ Ꮉንቆ ላፑን ጹኡንꬃፓ ሳአ ጉሶተ» ያጋእ፥ ኦህዘ ꬎቅ ጋይደ ቃላ ስእዳ።
2 ቲኖ ኪታንችዘ Ꮉንግ፥ ፋ ጹእተ የዛኖ ሳአ ላልን፥ ጾꬅዘ ማላ የዙንꬃላ አፋን ኤ ምስልቶ ጎይንዱንꬃላ አፋ ኢታ Ꮉዢ Ꮉርግዘ በሲ ከዝዳ። ከዘ 9:10
3 ላምእንꬃ ኪታንችዘ ፋ ጹእተ የዛኖ አባ ላልን፥ አብዘ Ꮉይቂደ አስ ሱꬅ ላንትደ ባዝ አዝዳ። ማህ አባ የዘ መትꬅ ኡባ Ꮉይቂዳ።
4 Ꮉይꬕንꬃ ኪታንችዘ ፋ ጹእተ የዛኖ ቦርካን Ꮉꬅ ኣፈላ ላልን፥ Ꮉꬅታ ሱꬅ ማቅዳ። ከዘ 7:17 5 ይንፓ ሱባ፥ Ꮉꬅትላ አፋ አደትꬅ የዘ ኪታንቾ Ꮉኒ ጋር ያጋዝን ስእዳ።
«Ꮉተን ዛጋን የዛይ ጌሽዛዮ፥ ከዘ 3:14
Ꮉኒ ጋር ነ ፍርድደ ግሾ ነ ጽሎ።
6 ኡን ጌሹንꬅ ሱꬅን ናቡንꬅ ሱꬅ ላልደ ግሾ
ኡን ሱꬅ ኡሻደ ጋር ዪዳ።
ኡን ቤዝዘ ፍርዳ ኤክዳ»
ያጋይዳ። 7 ዣርሾ በሳፓ፥
«ዬ፥ ኡባ አህዘ ላꬅ ጾዛዮ፥
ነ ፍርድታ ቱሮን ጽሎ»
ያጋዘ ቃላ ስእዳ።
8 ኦይድንꬃ ኪታንችዘ ፋ ጹእተ የዛኖ አዋላ ላልን፥ አዋ ፋ ምቻራ አሱንꬃና ምጭሳደ ፋና አዋስ ዎልቃ እንግንትዳ። 9 አሱንꬅ ዳማ ቴላር ምችንትዳ፥ ይና ቦቹንꬃላ አፋ አደትꬅ የዘ ጾዘ ሱንꬅቶ ባድዳ፤ ፋ ናጋርትፓ ማርንቲ ጾዛ ቦንችካያ።
10 እችንꬃ ኪታንችዘ ፋ ጹእተ የዛኖ ጾꬅዘ አራትዘላ አፋ ላልን፥ የ ጾꬅዘ ካእቱምታ ꬉምዳ። አሱንꬃና ኡንእደ ግሾ ፋ እልአንꬅቶ ꬋአነ።ከዘ 10:21 11 ማህ አሱንꬃና ኡንእደ ግሾን Ꮉርግዘ በስቲ ግሾ ሳሎ ጾዛ ጫዥዳ፤ ፋ ኦችደ ናጋርትፓ ማቅካያ።
12 እዝፑንꬃ ኪታንችዘ ፋ ጹእተ የዛኖ ዳማ ኤፍራጥሰ ቦርካ ላልን፥ አዋ ኬስ ዛላፓ የኦደ ካቱንꬅስ ኦግታ ጊጎደ ጋር Ꮉꬅታ መልዳ። ኢሳ. 11:15 13 ይንፓ ሱባ፥ ኦናቀ አዝዘ Ꮉይꬕ ቱና አያኑንꬅ ዳውዘ ዶናፓ፥ ጾꬅዘ ዶናፓን ዎርዶ ናብዘ ዶናፓ ከዝን ብእዳ። 14 የንስን ማላ ኦችዘ ቱና አያኑንꬃና። የንስ Ꮉይꬕ ቱና አያኑንꬅ ኡባፓ ዎልቃማ ጾዘ ቃምተ Ꮉኖደስ የዘ ኦላስ ሺሾደስ አላመ ኡባ ካቱንꬃጎ ከዞዳ።
15 «ይኬ፥ ታ ካይዞ ጋር ዮኦዳ! ካልꬋመ ፋናን ቦርሱንታመ ፋና ባርክ፥ ፋ ማእቶ ናግዘ አꬄ አንጅንትዳያ!» ያጋይዳ። ማቶ. 24:43
16 የንꬅ ቱና አያኑንꬅ ካቱንꬃና እብራይስጠ ዶናራ አርማገዶነ ጋዘ በሳ ሺሽዳ። 2 ካት 23:29፤ ዛካ. 12:11
17 ላፑንꬃ ኪታንችዘ ፋ ጹእተ የዛኖ ጫርኮላ አፋ ላልን፥ ጾዘ ኬꬃ የዘ አራትዘፓ፥ «ፎልንትዳ» ያጋዘ ዳማ ቃላ ከዝዳ። 18 ይንፓ ዜልንꬅ ዜልንግዳ፤ ዳዳ ꬎግዳ፥ ሳአ ኤንእዳ። አስ ሳአላ መꬍንትደፓ Ꮉኖ የሎደስ ይኒ ፋና ኤንኤ ኤንእካያ። ኡባፓ አꬍዳ።ቆን. 8:5፤ 11:13 19 ዳማ ካታምታ Ꮉይꬕ ኬዚ ሻክንትዳ፤ ሳአ የዘ ካታምታ ኡባ ꬋብዳ። ጾዚ ዳማ ካታምቶ ባብሎነ ቆፒ፥ ፋ ኢታ Ꮉንቆ ዎይነ ኡሽ ኩምደ ጹእዛ ኡሻደ ጋር እንግዳ። ኢሳ. 51:17 20 Ꮉꬃር ተቅንትደ ሳእታ ꬋብዳ፤ ደሩንꬅን በንትካያ። ቆን. 6:14 21 አሳላ አፋ እችንታም ክሎ ጊራመ ፋና ዳማ ሻች ሳሎፓ ቡክዳ። Ꮉንቅታ ጋማ ኢታ ማቅደ ግሾ አሱንꬅ ይና ሻች Ꮉንቅት ግሾ ጾዛ ጫዥዳ። ከዘ 9:23