16
Ammanze Asuntsis shiiqide maade miishe
1 Ammanze asuntsis miishe shiishebaz Galaatiya woosa keetsis taanii kiittidanni fana yinttin oochchote.Rome 15:25-26 2 Miishe shiishita ta yinttago hyanggize wode maaqqaame fana fettii fettii saaminttappa tiino qamma, wogga wode wogga wode fa denggizanippa kessii fa kara shiisho. 3 Taanii ize hyanggide wode miishito Yerusalaame yeltsode fana yin dooride asuntsis dabddaabbe inggi unttana Yerusalaame kiittoda. 4 Unttara ta hyanggizanna koshshize baz maaqqiko un taara hyammades dandda7ane.
Phawuloosa qofa
5 Taanii Maqedooniyara aadhodes qoppide gisho ize hyanggi yinttago ye7oda.Hawa. 19:21 6 Ta hyanggizanna aba maaqqikon, ta qitizanne yin tana moyzode gaar yin kale eerats wode gam7ikaayzara ashshoos. Seete aginuntsana yin kale aatsikaayzara waayi ashshoda. 7 Taanii ogera aadhitera yinttana be7ades koyoos. Laatstsii gayko, yin kale eerats wode gam7odes qoppane.
8 Yezin taanii Phenxeqosxe Ba7ale yellodes Efesoone gam77oda. 9 Taas oocha kumide dalgga furtsi bugunttida, yezin gaama olinttize morkkuntsi yene.Leewe 23:15-21; Mahe 16:9-11; Hawa. 19:8-10
10 E ta gaar Laatstse oocha oochchize asi maaqqide gisho Ximotiyoosa yinttago hyanggiko, yin kale E yirggikaayzara yessade gaar yiizote.1 Qoro. 4:17 11 Ooden eza leqqippe. E taago sarora maaqqade gaar eza maaddii moyzote. Taanii E hyankutsi ammanzuntsara maaqqadanno naagane.
12 Nu ishe Aphiloosa hyankkuntsi ammanzuntsara yinttago hyammade gaar ta eza mintsii woossane. Hyatte yinttago hyammades koykaaya, yezin eesi wottide wode yinttago hyammada.
Wurssutsi zoren saritse
13 Barkkote; Ammanora eqqote; xaalote; minggote. 14 Oochito ubba siiqora oochchote.
15 Ta ishuntso, Isxifaanosan E kara asuntsi Akkaya gidda un tiino ammaniduntsana maaqqidanno ammanzuntsana maaddodes fana aatsii inggidanno yin erane.1 Qoro. 1:16 16 Yinttin un gaar asuntsisin, unttara oochara labbize ubbuntsis kiitinttode gaar ta yinttana woossane.
17 Isxifaanosa, Ferddonaxisan Akkayqoosa taago yi7idanna tana ufayssida. Yin baayze besite un yinttana maaqqii ta facito kuntsida. 18 Un yinttana ufayssidanni fana tanan ufayssida. Yinnii fana asuntsana botifete.
19 Isiya woosa keetstsa asuntsi yinttana saro gaane. Aqiilan Phirisqilan fa kara shiiqize woosa keetstsa asuntsara wolla yinttana Laatstse suntsite wozinappa sarotsida.Hawa. 18:2 20 Ammanze ishunts ubbuntsi yinttana saro yagayda.
Geeshi yeerintte yeerinttitera fete feta sarotsote. 21 Taanii, Phawuloosa, hyanna sarotitsito ta kushtira xaafida.
22 Laatstsa kadhoosse asi yeziko, baaddinttidaya maaqqe. Nu Laatstsayo, yo7o!
23 Laatstse Yesuus Kiristtoosa aadho keehatitsita yinttara maaqqe.
24 Ta siiqita Kiristtoos Yesuusa gidda yeze yin ubbuntsara maaqqe. Amin77e.