1 Ubbappa tiinii, Xooz goynora bonchcho kumide de7or woossodes, melles woossodesin galatodes beezanno taanii nena qofizane. 2 Nu turii ayyaana de7o geeshshatitsara Xoozza goynittera sarotitsara woppu ga7i yessade gaar kaatuntsisin shuumunts ubbuntsis woossote. 3 Yinnii gaar woossize nuna ashshize Xoozze tiino lo77on ufayssize baz. 4 Xoozii asi ubba attode fanan turtto erode fanan koyane. 5 Fettii Xoozii yene. Xoozappan asappa gidda maaqqii cimidhdhize fete yene; ezin asi maaqqide Kiristtoos Yesuusa. 6 Ezii asi ubba wozodes fana aatsii inggida. Xoozii fa wodite asuntsana ubba wozodes koyzanno beezize markkatitsita hyanno. 7 Xoozii tana Wonggeles asttamaaren hawaare mahi dooridanna yinnis. Taanii turo ohine; worddidhdhoos; ammanon turii qaala Ayhude maaqqoosse asuntsana tamaarssode fana Xoozii tana shuumida.

8 Yinnii gisho, ubba bessa yeze dhiiratsuntsii, fana Xoozis dummuzii, kachchin lallen ashshii, fa kushito ude dentsii Xoozza woossode gaar koyane.2 Ximo. 1:11

9 Yinnii fanan maachuntsi fana ahizanno qonccize, bonchchoran wogara yeze afula ma77ades beezane. Un woga baayze omma datstsin, worqqara woy inqora, woy al77o afulara melluntsappa fana dummuzippe. 10 Yezin Xoozis goynane gaaze maachuntsi faas beezizanni fana lo77o baz oochcho.1 Phex. 3:3

11 Maacha kiitinttera si77i ga7i tamaaro. 12 Taanii maacha tamaarssode fana woy dhiiratsalla adidhdhode fana baayzin si77i ga7i yessade fana koyane. 13 Addaama tiino medhinttida; suubappa Hewaana medhinttida. 14 Mahi cimintti Xoozze higge mentside maachito fattin Addaama baaya.Medho 2:7, 21-22 15 Yezin maacha ammanora, siiqoran geeshshatitsara fana naagii yeziko*Fana naagii yeziko: Woy E yelide na7untsi ammano, siiqon geeshshatitsara fana naagii yeziko. na7a yelera attoda.Medho 3:1-6