6
1 Nuunii Xoozara wolla oochchize as maaqqidanni gaar, yin ekkide aadho keehatitsito cer mahaame fana nu yinttana woossane. 2 Xoozii,
«Wottide saate ta nena si7ida;
atotits qammite nena maaddida»
yagaane. Yikke, si7ize wodita hyatte; atotits qammita hyayno.Isa. 49:8
3 Ooden nu oochito borode gaaran nu gidda dhubunttode gaar koyoos. 4 Yezin, nu turii Xoozze oochanchcho maaqqidanno nu oochchize ubba bazite beessada; Gaama madhara, waayeran, un7ara, 5 garafinttera, acinttera, ixintter kumide kachchara, oochchi labbera, gentto dhabera, nayera,Hawa. 16:23 6 geeshshatitsara, eratitsara, dandda7ara, keehatitsara, Geeshi Ayyaanara, turii siiqora, 7 turii qaalara Xoozze wolqqara nuunii E oochanchcho maaqqidanno beezida. Mahi xillotitsi nuus tooran gonddalle. 8 Nuunii bonchchinttidan borinttida; cazhinttidan galatinttida. Turo ohine, yezin asuntsi nuna balitsizuntsana gayda. 9 Nu as gidda erinttide asi, yezin erinttoosse as gaar maaqqida. Hyayqqida ga7inttida, yezin faxa yene; guuddinttida, yezin hyayqqikaaya. 10 Nuunii azzanikon ubba wode ufayttane. Nu daha yeshsha, yezin gaama asuntsana durizane. Mahi akko baayze as yeshsha, yezin ubbanna nu baz.
11 Qoronttoosa asuntso, nu yinttis geeshi ohida; nu wozintto yinttana beezida. 12 Yin nuna yin siiqito beezanxi kaydap attin nu nu siiqito yinttana kaykaaya. 13 Ade fa na7untsis ohizannifana ta yinttis ohine; nu yinttana nu wozintto beezidanni fana, yinttin yin wozintto nuna beezote.
Ammanoose asuntsara yeze fettetitsito ashshe
14 Ammanoose asuntsara beezoosse ogera waaxinttippete. Xillotitsisin nagarasin akko yellintte yeze? Foo7osin dhumasin akko fettetitsi yeze? 15 Kiristtoosan Xalahen yeltsizebaz akko? Mahi ammanzayin ammanoosayin wolla koxxizebaz akko? 16 Xoozze Keetsisin eequntsara akko fettetitsi yeze? Xoozii,
«Ta un gidda yessada,
ta un gidda benttoda.
Ta unttis Xooz maaqqada;
unttin ta worzha maaqqada»
gaydannigaara, nuunii de7o Xoozze keetstsi.Leewe 26:12; Hiz. 37:27; 1 Qoro. 3:16; 6:19 17 Yinnii gisho, Laatstsii,
«Un giddappa shaakkintti kezote;
tuna maaqqide baz bochchippete;
ta yinttana ekkoda.Isa. 52:11
18 Ta yinttis ade maaqqada;
yin taas dhiiratsi na7untsanan maachi na7untsanan maaqqada;
yagaane Ubbappa wolqqaama Laatstsay» yagayda.2 Sam. 7:14; 1 Zeena 17:13; Isa. 43:6; Er. 31:9