4
1 Taanii nena Xoozze tiinon, kaati maaqqii ahodes qonccize wode faxuntsanan hyayqqiduntsana firddodes yeze Kiristtoos Yesuusa tiino zorane. 2 Qaala oho; wode giigin giiganxin mintsii oho. Gaama dandda7aran tamaarssera asuntsana zoro, seerittera mintsitso. 3 Asuntsi turii timirtte si7anxode wode yo7oda. Un fa amotitsi kaallii, faas si7odes ufayssize baz ohize asttamaaruntsana shiishane. 4 Un turibaz ohize timirtte ashshii, turo maaqqoosse tosse si7odes fa hyayto mahane. 5 Yezin neenii ubba bazara nena aho. Madha dandda7o. Wonggele markkatitsi oochito oochcho. Nees ingginttide Xoozze oochito ubba folo.
6 Taanii zharsho fana zharshinttode wode yellida; hyanna alamito ashshii qitize wode ukkida. 7 Taanii lo77o ola olinttida; wotsito hyaasida; ammano naagida. 8 Tiinoppa xillotits worqqa zawude*Xillotitsi worqqa zawude: Xillotitsi de7o gisho ta ekkode worqqa zawude. Xillotitsito taas worqqa zawude mahi inggane ga7e. tana naagane. Yinno xillo firdda firddize Laatstse yinno lam7intsa ye7e qammite taas inggoda. Yinno ta xalaalas baayzin E qonccitsito ammudhize ubbuntsis inggoda.
Phawuloosa fa omma kiita
9 Ellisii yi7i tana bo7o. 10 Deemaasa hyanna alamite yeze baz kadhii, tana ashshii, Teselonqe katama qitida. Qerqisa Galaatiya sa7a, mahi Tito Dilmmaxe sa7a qitida. 11 Luqasa xalaala taara yene. Marqqoosa Xoozze oocha tana maaddodes dandda7ize gisho neera ekkii yo7o.Qola. 4:14; Filmo. 24; 2 Qoro. 8:23; Gala. 2:3; Tito 1:4 12 Taanii Tikiqoosa Efesoone katama da.Qola. 4:14; Filmo. 24; Hawa. 12:12, 25; 13:13; 15:37-39; Qola. 4:10 13 Neenii yi7iter, Xiro7aada katama Karppoosa kale ashshii yi7ide ta kootizan maxaafito taas ekkii yo7o. Ubbappa aatsii qolera xaafinttide maxaafito ekkikaayzara yi7ippe.Hawa. 20:4; Efe. 6:21-22; Qola. 4:7-8
14 Meqo qoxxize Iskkinddire tana gaama qohida; Laatstsii E oochiti fana ees mahoda. 15 E nu timirttito gaama ixxize gisho eeppa nena naago.1 Ximo. 1:20; Maz. 62:12; Rome 2:6
16 Tiino ta mootinttize wode ubbanna ashshii qitida fattin oonin tana maaddikaaya. Xoozii yinna balito unttis faydippe. 17 Yezin taanii mulo kiita Ayhude maaqqoosse asunts ubbuntsis markkidhin, un si7ode fana Laatstsii ta kale eqqii taas wolqqa inggida. Mahi gaammo fana doona shaqinggide hyayqoppa tana ashshida. 18 Laatstsii tana iita ubbappa ashshii fa salo ka7itumo sarora yeltsoda. Ees medhinappa medhina yellodes bonchcho maaqqe. Amin77e.
Wurssutsi saritse
19 Phirisqilas, Aqiilasin Anesfoora kara asuntsis ta sarotitsito oho. 20 Erasxoosa Qoronttoosa katama attida. Xirofimoosa hyargginttide gisho Miliixe katama ashshida.Hawa. 18:2; 2 Ximo. 1:16-17 21 Barggo gelodeppa tiinii ellisii yo7o.Hawa. 19:22; Rome 16:23; Hawa. 20:4; 21:29
Ewubulusa, Phudeesa, Linuusa, Qilaadeyan melle ammanze asunts ubbuntsi nena saro saro gaane.
22 Laatstse Yesuus Kiristtoosa neera maaqqe.
Xoozze maarotitsita yin ubbuntsara maaqqe.
*4:8 Xillotitsi worqqa zawude: Xillotitsi de7o gisho ta ekkode worqqa zawude. Xillotitsito taas worqqa zawude mahi inggane ga7e.
4:11 Qola. 4:14; Filmo. 24; 2 Qoro. 8:23; Gala. 2:3; Tito 1:4
4:12 Qola. 4:14; Filmo. 24; Hawa. 12:12, 25; 13:13; 15:37-39; Qola. 4:10
4:13 Hawa. 20:4; Efe. 6:21-22; Qola. 4:7-8
4:15 1 Ximo. 1:20; Maz. 62:12; Rome 2:6
4:20 Hawa. 18:2; 2 Ximo. 1:16-17
4:21 Hawa. 19:22; Rome 16:23; Hawa. 20:4; 21:29