1 Yikke, Xoozii kadhinttide na7unts fana Xoozza kaallizuntsana maaqqote.Qola. 3:13 2 Kiristtoosa nuna kadhii Xoozza ufaysize lo77o sawize imon zharsho mahi fa shemppito nuus aatsii inggidanni fana yinttin siiqora yezote.

3 Akkon olale hyantta, woy tunatitsi, woy amotitsi gaarize baz mulon yin kale sinttippe. Yinna geeshi maaqqide Xooz asis beezoos.Keze 29:18; Maz. 40:6 4 Yeellize bazin booza ohe woy qidhe yinttis beezoosse gisho yezippete; aadhii Xooz galatote fattin. 5 Hyanno erote; oonin olale hyanttize woy tuna baz oochchize woy amodhdhizen eeqa goynizen zhaaridhize Kiristtoosara Xoozze ka7itumo gelodes dandda7oos.

6 Yinnippa denddidanne Xoozze hyanqo kiitinttoose asuntsalla afa ye7ode gisho oonin yinttana fatstsoosse ohera cimmippe. 7 Yikke yentsesara wolla iita baz oochchizuntsana maaqqippete. 8 Zaga yin dhuma yezida, yezin hyatte Laatstse baggara foo7o yene. Yikke, foo7o yeze asi fana hyanttote. 9 Lo77otitsi ubba, xillotitsin turii aafe benttize foo7o gidda.

10 Yinnii gisho Laatstsa ufayssize baz oochchodes koyote. 11 Aafe baayze dhuma oochara fetto maaqqippete, aatsii qonccizote. 12 Un aachicha oochchize gisho melle atto yezin ohodesin yeellizane. 13 Yezin ubba bazi foo7o kezize wode qonccii benttane. 14 Qonccii benttize ubba foo7o. Yinnii gisho,

15 Yikke, yin cinccuntsi fana maaqqote fattin cinccatitsi baayzuntsi fana maaqqii yezaame fana loytsii naaginttote. 16 Qammita iita maaqqide gisho wodito wozote. 17 Yinnii gisho, Laatstse qoftta akko yezako qoppote fattin eeyuntsana maaqqippete.Qola. 4:5

18 Geeshi Ayyaanara kumote fattin woyne ushshara matsintifete, yinna dhabssego kanggane. 19 Mazmureran, sabara ayyaana yetstsara, fetay fetayra ohinttote. Mahi yin wozintte zammariteran sabbitera Laatstsa galatote. 20 Nu Laatstse Yesuus Kiristtoosa suntsite ubba bazis Xoozza Adaya ubba wode galatote.Qola. 3:16-17

21 Kiristtoosa bonchchos ga7i yinttappa fetay fetays aqote.

22 Machchuntso, Laatstsis aqizanni fana yin azinuntsis aqote. 23 Kiristtoosa woosa keetsitis omma maaqqidanni gaar azinin fa machchitis omma. Mahi Kiristtoosa fa galla maaqqide woosa keetsito ashshiza.Qola. 3:18; 1 Phex. 3:1 24 Yezin woosa keetstsi asuntsi Kiristtoosas aqizanni fana machchuntsi fa azinuntsis ubba bazara hyaarnttote.

25 Azinuntso, Kiristtoosa woosa keetsito kadhii fana iis inggidanni fana yinttin yin machchuntsana kadhote. 26 E woosa keetsito fa qaaltti baggara hyaatsara meeccize fana geeshane.Qola. 3:19; 1 Phex. 3:7 27 Dhoha woy sino tukke woy yinnii gaarize baz baayze geeshin bore baayzanno mahi bonchchinttide woosa keetsito faas shiishodes koyi yinno oochchida. 28 Yinnii fana, azinuntsii fana kadhizanni gaara fa machchuntsana kadhodes beezane. Fa machchito kadhize fana kadhane. 29 Fana ixxize asi oonin baaya, yezin Kiristtoosa woosa keetsis oochchizannin naagizanni fana fa galtto muuzanen naagane. 30 Nuunii Kiristtoosa asatitsiti billite.

31 «Yinnii gisho, asi fa adayan fa intto ashshii, fa machchitira fetto maaqqane; un lam77untsi fettii asho maaqqane» yagayda. 32 Yinna damma saza qoftta, yezin taanii yinno Kiristtoosasin woosa keetsis aazize mahi ohine.Medho 2:24 33 Yezin, yin fetay fetay yin machchuntsana yinnii fana kadhote. Machchitan fa azinza bonchcho.