Wahannisa Qonccitsi
Gele
Wahannisa qonccitsi xaafinttidanna, ammanze asuntsi Yesuus Kiristtoosa faas Laatstsii mahi, ammanide gisho unttana baytsin waaye yellide wode. Xaafize loytsi bi7ide aafe qoftta, ammanze asis ufayssita kumutsi maaqqade gaar unttana mintsitsi, unttana yellide baytsin madha gidda fa ammantte miinggi eqqode gaar dentsitsodes.
Maxaafite aadhize kifiltta gaaman kaallii kaallii qonccide qonccitsito aykkane. Yinna qonccitsita ye wode yeze asuntsis gelane, yezin melluntsis saza qofa maaqqii gam7ida. Un ohinttidannan misile aazize ohera. Hyay maxaafize gidda yeze faydita, makkize miishuntsin xootsuntsi deruntsin ayyaana medhetits aazize. Mazmure azmaachche mahi mahi zammarinttizanni fana, hyay maxaafize gidda yeze aafe qoftta dumma dumma qonccits baggara dumma dumma ogera mahi mahi shiiqida. Hyay maxaafize bilitsitis dumma dumma qofa yezikon, aafe qoftta qoncce. Yinnan, «Xoozii Laatstse Kiristtoosa baggara lam7intsoose ogera fa morkkuntsana, Xalahera gujjii, fettii tohe wurssutsi yellodes gamoda. Yinna gamtippa suuba, ees ammaninttii yezide fa bagguntsana kille salon kille sa7a anjjo laatisada» gaazanno.
Aafe Qofuntsi
Gele qofa 1:1-8
Laappun woosa keetsuntsis gidda1:9-20
Laappun woosa keetsuntsis xaafinttide kiita 2:1—3:22
Araatiza, xaaxinttide maxaafizan Duriza 4:1—5:14
Laappun mahitamito 6:1—8:1
Laappun moyze 8:2—11:19
Dawan lam77i xootsuntsana 12:1—13:18
Dumma dumma qonccuntsana 14:1—15:8
Laappun Xoozze hyanqo xuu7untsana 16:1-21
Baabiloone gol7e, xootsizan, worddo nabizan Dabuloosa gamintte17:1—20:10
Wurssutsi firdda 20:11-15
Kille salo, kille sa7an kille Yerusalaame 21:1—22:5
Xaatsi qofa 22:6-21
1
1 Ellera yi7ades yeze baz fa aruntsana beessade fana Xoozii Yesuus Kiristtoosas inggide qonccitsita hyanno. Yesuusa fa Kiitanchcho kiittii, fa arize Wahannisas qonccitsito beezida. 2 Wahannisa Xoozze qaalan, Yesuus Kiristtoosa markkatitsi bi7idannon oochchidanno ubba markkidhida. 3 Hyanna ubba yi7ades wode ukkide gisho hyanna tinbbite qaaltto nabbabize ooden anjjinttidaya; mahi hyanna qaaltto si7izuntsin xaafinttide qaaltto naagize ubbuntsi anjjinttiduntsana.
Laappun Isiya woosa keetsunsis kiitinttide saritse
4-5 Hyay dabddaabbiza, Wahannisappa, Isiya sa7a yeze laappun woosa keetsunsis xaafinttida. Zagan, hyatten yeze, tiinosin yo7odes yeze Xoozappa, mahi E araatize tiintte yeze laappun ayyaanutsappa, yinnii fana, hyayqoppa denddora tiino maaqqideppa, sa7a kaatuntsana ahize ammantsize markka maaqqide Yesuus Kiristtoosappa, aadho keehatitsin sarotitsi yinttis maaqqe.
Yesuusa nuna siiqane, mahi fa suutsitira nagara arotitsappa nuna wallo kessida.Isa. 55:4; Maz. 89:27; Keze 3:14; Qon. 4:5 6 Nuunii Xoozze E Adays oochchode gaar nuna ka7itumtte kahinuntsana mahida. Ees medhinappa medhina yellodes bonchchon wolqqan maaqqe. Amin77e.Keze 19:6; Qon. 5:10
7 Yikke, Yesuusa dhonnera yo7oda. Asi ubbuntsi melle atto yezin, eza caddide asunts ubba eza bo7oda. Sa7a yeze asi ubba E gisho yeekkoda. Yinna turo hyanoda! Amin77e.Dane. 7:13; Maato. 24:30; Mar. 13:26; Luqa. 21:27; 1 Tese. 4:17; Zakka. 12:10; Waha. 19:34
8 Zagan, hyatten yezay, tiinosin ye7ode Laatstse, Ubbappa Damma Xoozii, «Alfan Oomega tana»*Alfan Oomega: Girike doonara Alfan Oomegan tiinon wurssutsi fidaaluntsana; bilitsitan tiinon wurssutsi ga7e. yagaane Laatstsii Xoozze.Qon. 22:13; Keze 3:14
Laatstse qonccits
9 Taanii, Wahannisa, yin ishay, yinttara wolla Yesuusara madha, E ka7itumtton E dandda7ito bi7ida. Taanii Xoozze qaala gishon Yesuusa baz markkidhide gisho Faximo gaaze hyaatsara teqinttide sa7a yene. 10 Laatstse qamma ta Geeshi Ayyaanara maaqqii yene; taappa suubara moyze oolle fana damma ootsi si7ida. 11 Ye ootsize tana, «Ne be7ezanno maxaafite xaafii, Isiya yeze laappun woosa keetsunsis, Efesoone, Semirneese, Pherggamoone, Tiyatiroone, Sarddeese, Filaadelfiyan Loodoqiya dakko» yagayda.
12 Taanii taas ohize ootsito be7ades suub maaqqii xomppe gaddize laappun worqqa xomppe gaddize besito bi7ida. 13 Yentsi xomppe gaddize bessuntsi gidda as na7a aazizaya bi7ida. E phargo afula fa tohito yeltsi ma77ida, worqqa dancora fa dadabito accida.Dane. 7:13; Dane. 10:5 14 E ommitan E omma isintsita bootsi duro isintse fana woy shachchi fana bootsi; E aafuntsii tama loxe aazane.Dane. 7:9Dane. 10:6 15 E tohita tama teellii zoqqide naase meqo aazane; E ootsita damma soso hyaatsi ootse fana.Hiz. 1:24; 43:2 16 E fa mizaqi kushtira laappun xoolintto aykkida. E doonttippa lam77i zallara leefinttide mashsha kezane. E sintta awara foo7ize awa aafe aazane.
17 Ta eza bi7ize wode hyayqqide asi fana yii7i E tohiti kale gol7ida. E fa mizaqi kushito taalla afa gaddii, «Zhashtippe; Tiinizen folize tana.Isa. 44:6; 48:12; Qon. 2:8; 22:13 18 Taanii de7o yene; taanii hyayqqida, yezin hyaychche medhii medhinas de7o yene. Hyayqon Si7oole qulfe ta kushite yene. 19 Yikke, hyatte hyanidannon tiinoppa yi7adebaz ne bi7idanno xaafo. 20 Neenii ta mizaqi kushite bi7ide laappun xoolinttuntsanan laappun worqqa xomppe gaddize besitii bilitsitan hyanno: Laappun xoolinttuntsi laappun woosa keetsuntsi kiitanchchuntsana; laappun worqqa xomppe bessuntsi laappun woosa keetsuntsana.»
1:4-5 Isa. 55:4; Maz. 89:27; Keze 3:14; Qon. 4:5
1:6 Keze 19:6; Qon. 5:10
1:7 Dane. 7:13; Maato. 24:30; Mar. 13:26; Luqa. 21:27; 1 Tese. 4:17; Zakka. 12:10; Waha. 19:34
*1:8 Alfan Oomega: Girike doonara Alfan Oomegan tiinon wurssutsi fidaaluntsana; bilitsitan tiinon wurssutsi ga7e.
1:8 Qon. 22:13; Keze 3:14
1:13 Dane. 7:13; Dane. 10:5
1:14 Dane. 7:9
1:14 Dane. 10:6
1:15 Hiz. 1:24; 43:2
1:17 Isa. 44:6; 48:12; Qon. 2:8; 22:13