15
Wurssutsi hyanqo
1 Taanii salo melle damman gaama qofize malla bi7ida. Xoozze wurssutsi hyanqo qonccize laappun boshuntsana aykkide laappun kiitanchchuntsana bi7ida.
2 Mahi tamara worqqinttide burccuqo abba aaziza bi7ida. Yinna abba gaxite xootsin, E misiltton E suntsiti faydito gammiduntsana bi7ida. Xoozii unttis inggide bagana aykkii eqqida. 3 Un Xoozze arize Muse mazmuren Durize mazmure hyannii gaar yag7i yexxida.
«Laatstso, Ubbappa Damma Xoozayo,
ne oochita damman gaama qofize baz.
Worzha ubba kaatayo,
ne ogita xillon turo.Keze 15:1
4 Geeshi ne xalaala maaqqide gisho
Laatstso, nees zhashitoosen
ne suntsito bonchchoosse oode?
Ne xillo oochita qonccide gisho
ka7itumo ubba ne tiino yi7i goynoda»
yaga7i yexxane.Er. 10:7; Maz. 86:9
5 Yinnippa suuba, salo bugunttin Xoozze Keetstsa, Markkatitsi Dunkkaane bi7ida.Keze 38:21 6 Laappun boshuntsana aykkide laappun kiitanchchuntsi Xoozze keetstsappa kezida. Un geeshin focize liino ma7o ma77ida; fa dadabite worqqa saqqe danccida. 7 Oyddii medhetuntsappa fetay, medhinas yeze Xoozze hyanqo kumide laappun worqqa xuu7uto laappun kiitanchchuntsis inggida. 8 Xoozze bonchchoppan E wolqqitippa denddidanne Xoozze Keetsita cugara kumida. Laappun kiitanchchuntsi aykkide laappun bochuntsi folinttode wontsis Xoozze Keetstsa ooden gelodes dandda7ikaaya.Keze 40:34; 1 Kat. 8:10