18
Baabiloone gol7ito
1 Yinnippa suuba, damma wolqqa yeze melle kiitanchcho saloppa wodhdhodera ta bi7ida. E bonchchitippa denddii sa7a foo7ida. 2 Dhoqqa ootsara,
«Damma Baabiloone gol7ida! Gol7ida!
Tuna ayyaanuntsi aqize bessi maaqqida.
Iita ayyaanuntsis keetstsi maaqqida;
tunan ixinttide landduntsis shemppize bessi maaqqida.Isa. 21:9; Er. 51:8; Qon. 14:8; Isa. 13:21; Er. 50:39
3 Worzha ubba iza fa olale hyanqo woyne ushshida.
Sa7a kaatuntsi iira olalida.
Iis wottidannippa denddii
sa7a yeze zal7izuntsi duridhdhida»
yagayda.Isa. 23:17; Er. 51:7
4 Yinnippa suuba, ta saloppa hyannii gaar yagaaze melle qaala si7ida.
«I nagartto iira koxxaame fanan,
iza ekkodes yeze hyanqito yin ekkaame fana,
ta worzhuntso I kaleppa kezote.Isa. 23:17; Er. 51:7
5 Yikke, I nagartta salo yellodes doorinttida.
Xoozii I qohito qoppida.Medho 18:20
6 Iza inggidanni fana lam77i kushe iis inggote.
Iza oochchide oochitis lam77i kushe iis mahote.
Iza giigizide ushshitilla afa yin lam77i kushe matstsize ushi I xuu7ite worqqote.Maz. 137:8; Er. 50:29
7 Iza bonchchinttidanni fanan iis giigidanni fana,
izo waytsoten azzantsote.
Iza fa wozintte,
‹Taanii kaat maaqqii bettoda; taanii azinii baayze maacho maaqqoos;
taanii azzanon mahi azzanoos› gayda.
8 Yinnii gisho, hyanqo,
hyargge, azzanon naye izo fettii qamma aykkoda.
Mahi iza tamar mu7inttoda;
akkos gayko, Iilla afa firddize Laatstsi Xoozze mintsi»
gayda.Isa. 47:7-9
9 «Iira olale hyanttiduntsin iis wottide yestte yezide, alame kaatuntsi yinna katamita mu7inttin kezize cugito bi7ide wode wuysi yeekkoda.Hiz. 26:16-17 10 Un yinna katamiti waayito bi7i zhashtide gisho hyaakkii eqqii,
« ‹Hyanna damma katamite! Wolqqara yezanne!
Baabiloone, nena bade! Bade!
Nena fettii saate gidda firdda yellida› gawuda.
11 «Un markkabite yeze caantto yikkeppa gode wonggize asi baayze gisho sa7a yeze zal7izuntsi yinna katamitis yeekkoda azzanoda;Hiz. 27:31 12 Un worqqa, bira, bonchcho shuchchi, inqo gaaze al77o shuchchi, bonchcho ma7o, liino ma7o, haare ma7o, zoqo ma7o, dumma dumma sawo minxa, danggars achchi, al77on bonchcho minxa, naase, meqqon, ibine beredeppa medhinttide miishe ubba,Hiz. 27:12-13, 22 13 qerefa, qimaame, sawize minxa, karbbe, ixaane, woyne, zayte, liiqo dhiilla, zarga, hyaari, duro, fara, fara gaare, aron melle asuntsin yene.
14 «Zal7izuntsi, ‹Neenii amudhdhide lo77o baz ubba neeppa aadhida. Ne yessitan ne falimo miishita ubba neeppa hyaakkida. Asuntsi yikkeppa mahi yinno denggaama› yagayda. 15 Yinno zal7i duridhdhide ubba yeekkiteran azzanitera,Hiz. 27:31
16 « ‹Liino ma7o, lee7o ma7on zoqo ma7o ma77i,
worqqara, bonchcho shuchchin
inqo gaaze al7o shuchchara
bonchchinttidanna aadhii lo77ida,
yinna damma katamito bade! Bade!
17 Hyannii fana damma duretetsi!›
«Fettii saate dhabida yaga7i hyanqito zhashtidannippa denddii hyaako eqqida.
«Markkabiza izhize ubba, markkabzera qitize ubba, markkabizella afa oochchize ubba Abballa zal7ize ubba hyaakkii eqqida.Isa. 23:14; Hiz. 27:26 18 Yinna katamita eexin kezize cugito bi7ide wode ‹Hyanna damma katamito aazize melle katama yene yessane?› yaga7i uukkida.Hiz. 27:32 19 Un fa ommite bul7a gussii, yeekkiteran kaayidhitera,
« ‹Abballa markkabe yeze ubba,
fa duretitsitippa denddii dure mahide,
damma katamite bade! bade!
Fettii saate dhabida yaga7i› uukkida.
20 Saltte,
Geeshshuntso, hawaaruntso, nabuntso,
Xoozii yin gisho iilla afa firddide gisho ufayttote» yagayda.Hiz. 27:30; Mahe 32:43; Er. 51:48
21 Fettii mintsi kiitanchcho woxa aazize damma shuchchi dentsii abba dhogii, «Damma katamite Baabiloone hyannigaara urqqintti gol7oda; yikkeppa suuba mulon benttoos.Er. 51:63 22 Bagana guuddizuntsin mazmure yexxizunts, suulunqen moyze oollizunts, yikkeppa suuba ne gidda mulon sinttoos. Akko bazin kushe yiillar oochchize asin ne gidda benttoos. Woxa ootsi yikkeppa suuba ne gidda mulon sinttoos.Isa. 24:8; Hiz. 26:13Er. 7:34; 25:10 23 Xomppe foo7o mahi ne gidda foo7oos. Machcho ekkizen azinii gelize ufayssi qaala yikkeppa suuba ne gidda mulon sinttoos. Zal7izuntsi sa7a erinttide gisho ne bititira ka7itumo mulo balitstsida» gayda.
24 Nabunts suutsi, geeshshuntsi suutsitan sa7alla afa hyayqqide asunts ubbunts suutsita I gidda benttida.Er. 51:49
18:2 Isa. 21:9; Er. 51:8; Qon. 14:8; Isa. 13:21; Er. 50:39
18:3 Isa. 23:17; Er. 51:7
18:4 Isa. 23:17; Er. 51:7
18:5 Medho 18:20
18:6 Maz. 137:8; Er. 50:29
18:8 Isa. 47:7-9
18:9 Hiz. 26:16-17
18:11 Hiz. 27:31
18:12 Hiz. 27:12-13, 22
18:15 Hiz. 27:31
18:17 Isa. 23:14; Hiz. 27:26
18:18 Hiz. 27:32
18:20 Hiz. 27:30; Mahe 32:43; Er. 51:48
18:21 Er. 51:63
18:22 Isa. 24:8; Hiz. 26:13
18:22 Er. 7:34; 25:10
18:24 Er. 51:49