87
Jerusalem Song
Korah Shidren Song
1 Di town wey God build by ensef,
dey for di holy mountin.
2 God love Jerusalem
pass any oda town for Israel.
3 Si as pipol dey tok good tins about yu Jerusalem
wey bi God town!
4 I go kount Egypt and Babilon
join di towns wey know mi.
I go still kount Filistia and Tyre
plus Ethiopia town join dem.
All of dem dey sey
dem born dem for Jerusalem!
5 But for Jerusalem real pipol, odas go sey,
“Una dey enjoy o-o, bikos una bi Jerusalem pipol.”
And di Most High God go bless di town by ensef.
6 Wen God dey kount and rite en pipol name for en book, E go sey,
“Dem born dis ones sef for Jerusalem.”
7 So di pipol go blow trumpet kon sing sey,
“Na Jerusalem bi di hope wey wi get!”