Di Psaltah
Da 1. Psalm.
Di Gerechta Un Di Ungerechta
1 Ksaykend is da mensh es nett im roht funn di gottlohsa lawft,
adda uf em vayk funn sindah shtayt,
adda im sitz funn shpoddah hokt.
2 Avvah sei frayt is mitt em Ksetz fumm Hah,
un eah denkt veyyich seim Ksetz dawk un nacht.
3 Eah is vi en bohm es geblanst is nayvich di vassah-grikka,
es sei frucht gebt an di recht zeit,
un es sei bleddah nett favelka doon.
Alles es eah dutt shaft goot aus.
4 Avvah di gottlohsa sinn nett so!
Si sinn vi shprau
es da vind fatt blohst.
5 Fasell kenna di gottlohsa nett shtay im gericht,
adda di sindah mitt di fasamling funn di gerechta.
6 Fa da Hah vatsht ivvah da vayk funn di gerechta,
avvah da vayk funn di gottlohsa kumd zu nix.