ମାତିଉ ଲିଖିତ ସୁସମାଚାର
ମାତିଉ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍
ମାତିଉ ପତି ବିସ୍ରେ ପାଦେକ୍
ମାତିଉ ଲେକିକିତି ନେକ୍ରିକାବୁର୍ ପୁନି ନିୟମ୍ ଜିସୁ କ୍ରିସ୍ଟତି ଜିବୁନ୍ତିଂ ଇନାକା ଚାରିଗଟା ପତି ପା ରଞ୍ଜାଙ୍ଗ୍ । ଇ ୱିଜ଼ୁ ତାଙ୍ଗ୍ ପତିତିଂ ଜିସୁ କ୍ରିସ୍ଟତି ନେକ୍ରିକାବୁର୍ ଇନାର୍ । ଇ ୱିଜ଼ାର୍ ଜିସୁ ହାତି ପାଚେ ମାତିଉ, ମାର୍କ, ଲୁକ, ଆରି ଜହନ୍ ଲେକି କିଜ଼ି ମାଚାନ୍ । ମାତିଉ ଲେକିକିତି ନେକ୍ରିକାବୁର୍ ଲେକାଆଜ଼ି ମାଚାକା ସମାନ୍ ତାରିକ୍ ପୁନ୍ୱାଦାଂ ମାଚାର୍ ପା ପଣ୍ଡିତାର୍ ଇନାର୍ ଇଦାଂ କ୍ରିସ୍ଟତି ଜଲମ୍ ୬୦ ବାର୍ହୁ ଲେକା ଆଜ଼ି ମାଚାତ୍ । ଇଦାଂ ପା ପାର୍ତି କିୟାନାତ୍ ଜେ ଇ ପତି ପାଲାସ୍ଟାନ୍ ଦେସ୍ନି ଜିରୁସାଲାମ୍ ଗାଡ଼୍ଦାଂ ଲେକା ଆଜ଼ି ମାଚାତ୍ ।
ମାତିଉ ଇ ନେକ୍ରିକାବୁର୍ ଲେକିକିତାକାନ୍ ଜିସୁ ତାଙ୍ଗ୍ ଚେଲା ଲାକେ କୁକ୍ତି ଆଗେ ହେୱାନ୍ ଇନାକାନ୍ ମାଚାନ୍ । ତା ବିନ୍ ତର୍ ଲେବି ମାଚାତ୍, ହେୱାନ୍ ବାରଜାଣ୍ ବିତ୍ରେ ପା ରକାନ୍ ମାଚାନ୍, ହେୱାନ୍ ଜିହୁଦିର୍ କାଜିଂ ଇ ନେକ୍ରିକାବୁର୍ ଲେକିକିଜ଼ି ମାଚାନ୍, ଇମ୍ଣାକା ଜିସୁ ତା ଲେକିକିତି ଲାମା ନିୟମ୍ତ ୬୦ ଗଟା ପାଦ୍ତିଙ୍ଗ୍ ଲେକାମାନି ସତ୍ ଆନାତ୍ । କ୍ରିସ୍ଟ ଇଚିସ୍ ମସିୟା ଇସ୍ୱର୍ତି ବିଦି ଦରମ୍ ସାସ୍ତର୍ତ ବେଣ୍ବାକ୍ଣାୟ୍କିୟା ଆଜ଼ି ମାଚାତ୍ ଇଦାଂ ମାତିଉ ସମାନ୍ ଲାକେ ହାନ୍ଦାୟ୍ କିଜ଼ି ମାଚାର୍, ମାତିଉ ପା ଜପିନି ରାଜି ବିସ୍ରେ ବେସି ଲେକା ମାନାତ୍ ଜିହୁଦିର୍ କ୍ରିସ୍ଟ ଇଚିସ୍ ମସିୟାତି ରାଜିନି ସବୁ ଦିନ୍ନି ରାଜା ଆନାନ୍ ଇଞ୍ଜି ଆସା କିଜ଼ି ମାଚାର୍ । ମାତିଉ ହେ ପାର୍ତିତିଂ ବୁଲାଇକିଜ଼ି ଇସ୍ୱର୍ତି ରାଜି ଜେ ରାଜି ପୁର୍ତି ରାଜି ଆକାୟ୍ । ଇ ବିସ୍ରେତିଂ ଇଞ୍ଜେଙ୍ଗ୍ ବେସି ପସୁ ପୁଜା ବେସି ହିତାର୍ନା ।
ମାତିଉ ଲେକିକିତି ନେକ୍ରିକାବୁର୍ ପୁନି ନିୟମ୍ତ ପର୍ତୁମ୍ ପତି ଲାକେ ଲଡ଼ା, ଇନାକିଦେଂକି ଲାମା ନିୟମ୍ ବଚନିଂ ଆଦିକ୍ ବିସ୍ରେ ଲେକାଆତାତ୍ନା, ଇ ପତି ଲାମା ନିୟମ୍ ହାଙ୍ଗ୍ ଆରି ପୁନିନିୟମ୍ତିଂ ମେହାଆତାତ୍ନା । ପଣ୍ଡିତାର୍ ପା ଇନାର୍ ମାତିଉ ତା ଲେକିକିତାକା, ମସାତି ବିଦି ପତିଙ୍ଗ୍ ଦାସ୍ତେଂ ସେସ୍ଟା କିତାର୍ଣ୍ଣା । ଜିସୁତି ମାଡ଼ି ଜପି ହିଜ଼ି ମାଚି ହିକ୍ୟା ମାତିଉ ୫:୭ ଇସ୍ୱର୍ ମସାଂ ବିଦି ହିନି ବିସ୍ରେ ଲାହାଙ୍ଗ୍ ପା ତୁଲାୟ୍ କିୟାନାର୍, ୨ ବିବରଣି ୧୯:୩; ୨୩:୩୩
ପତି ବିସ୍ରେନି ରାହାଣ୍
୧. ଜିସୁ କ୍ରିସ୍ଟତି ଜଲମ୍ ଆରି ହେବାକାମାୟ୍ ଆରମ୍ ମାତିଉ ୧:୧-୪
୨. ଜିସୁ କ୍ରିସ୍ଟତି ହେବାକାମାୟ୍ ଆରି ହିକ୍ୟା ମାତିଉ ୫:୧-୨୫
୩. ଜିସୁ କ୍ରିସ୍ଟତି ହାନାକା ଆରେ ନିଂନାକା ମାତିଉ ୨୬:୧-୨୮
୧
ଜିସୁ କ୍ରିସ୍ଟତି ଲାତ୍ରା ଜାଣାଚିନା
(ଲୁକ ୩:୨୩-୩୮)
୧ ଅବ୍ରାହାମ୍ ଆରି ଦାଉଦ୍ତି ଲାତ୍ରା ଜିସୁ କ୍ରିସ୍ଟ ଲାତ୍ରାର୍ତି ତାରେନ୍ ପତିତ ଲେକା ଆତାତ୍ନ୍ନା ।
୨ ଅବ୍ରାହାମ୍ ମେହି ଇସାହାକ୍; ଇସ୍ହାକ୍ ମେହି ଜାକୁବ୍; ଜାକୁବ୍ ମେହି ଜିହୁଦା ଆରି ତା ଟଣ୍ଡାହିରିଂ ଜଲମ୍ କିତାନ୍, ୩ ଜିହୁଦା ତାମର୍ ୱାସ୍କିତାଂ ପେରସ୍ ଆରି ସେରହଙ୍ଗ୍ ଜଲମ୍ କିତାନ୍, ପେରସ୍ ହେସ୍ରଣ ଜଲମ୍ କିତାନ୍; ହେସ୍ରଣ ଆରାମ୍ ଜଲମ୍ କିତାନ୍ । ୪ ହିସ୍ରଣ ମେହି ଆରାମ୍; ଆରାମ୍ ମେହି ଅମିନାଦାବ୍; ଅମିନାଦାବ୍ ମେହି ନହସନ୍; ନହସନ୍ ମେହି ସଲମନ୍; ୫ ସଲମନ୍ତି ମାଜ଼ି ବୟଜ ମାଚାନ୍, ବୟଜତି ତେହି ତର୍ ରାହାବ୍, ବୟଜତି ମାଜ଼ି ଓବେଦ ତା ତର୍ ରୁତ୍; ଓବେଦତି ମେହି ଜିସିୟ ।
୬ ଜିସିୟ ମେହି ଦାଉଦ୍ ରାଜା । ଦାଉଦ୍ ମେହି ସଲମନ୍ ତେହି ଆଗେ ଉରିୟମ୍ ଡକ୍ରି ମାଚାତ୍; ୭ ସଲମନ୍ ମେହି ରହବୟାମ୍; ରହବୟାମ୍ ମେହି ଅବିୟ; ୮ ଅବିୟ ମେହି ଆସା; ଆସା ମେହି ଜିହସାପଟ୍; ଜିହସାପଟ୍ ମେହି ଜରାମ୍; ଜରାମ୍ ମେହି ଉଜିୟ; ୯ ଉଜିୟ ମେହି ଜତାମ୍; ଜତାମ୍ ମେହି ଆହାଜ୍; ଆହାଜ୍ ମେହି ହିଜକିୟ; ୧୦ ହିଜକିୟ ମେହି ମନସେହଙ୍ଗ୍ ଜଲମ୍ କିତାନ୍; ମନସେହ ମାଙ୍ଗେଙ୍ଗ୍ ଜଲମ୍ କିତାନ୍, ଆମନ୍ ଜସିୟଙ୍ଗ୍ ଜଲମ୍ କିତାନ୍, ୧୧ ଆମନ୍ ମେହି ଜସିୟ; ଜସିୟ ମେହି ଜିକନିୟ ଆରି ତା ଟଣ୍ଡାହିର୍, ବାବିଲନ୍ତିଂ ଦେସ୍ତ ଗେହ୍ନାକା ଆତି ସମୁତ ଜିକନିୟ ଜଲମ୍ ଆଜ଼ି ମାଚାନ୍ ।
୧୨ ବାବିଲନ୍ତ ଗେହ୍ନାକା ଆତି ପାଚେ ଜିକନିୟତି ମେହି ସଲ୍ଟିୟେଲ୍ ବାବିଲନ୍ତ ଜଲମ୍ କିତାନ୍ । ସଲ୍ଟିୟେଲ୍ ମେହି ଜିରୁବାବେଲ୍; ୧୩ ଜିରୁବାବେଲ୍ ମେହି ଅବିହୁଦଂ; ଅବିହୁଦ ମେହି ଏଲିୟାକିମ୍; ଏଲିୟାକିମ୍ ମେହି ଆସର୍; ୧୪ ଆସର୍ ମେହି ସାଦକ୍; ସାଦକ ମେହି ଆକିମ୍; ଆକିମ୍ ମେହି ଏଲିହୁଦ୍; ଏଲିହୁଦ୍ ମେହି ଏଲାଜାର୍; ଏଲାଜାର୍ ମେହି ମତାନ୍; ୧୫ ଏଲିହୁଦ୍ ଏଲିୟାଜତିଂ ଜଲମ୍ କିନାନ୍, ଏଲିୟାଜର୍ ମତାନ୍ତିଂ ଜଲମ୍ କିନାନ୍ । ୧୬ ମତାନ୍ ଜାକୁବ୍ତିଂ ଜଲମ୍ କିନାନ୍, ଜାକୁବ୍ ମରିୟମ୍ ଡକ୍ରାହି ଜସେପ୍ତିଂ ଜଲମ୍ କିନାନ୍ । ଇ ମରିୟମ୍ ପଟତାଂ ଜିସୁ ଜଲମ୍ ଆତାନ୍ । ତାଙ୍ଗେଙ୍ଗ୍ କ୍ରିସ୍ଟ ଇନ୍ୟାନାତ୍ ।
୧୭ ଇ ଲାକେ ଅବ୍ରାହାମ୍ତାଂ ଦାଉଦ୍ ପାତେକ୍ ଚଉଦ ଟିକ୍; ଦାଉଦର୍ତାଂ ବାବିଲନ୍ ଗେହ୍ନାକା ପାତେକ୍ ଚଉଦ ଟିକ୍ ଆରେ ବାବିଲନ୍ ଗେହ୍ନାକା ତାଙ୍ଗ୍ କ୍ରିସ୍ଟତି ଜଲମ୍ ପାତେକ୍ ଚଉଦ ଟିକ୍ ।
ଜିସୁ କ୍ରିସ୍ଟତି ଜଲମ୍
(ଲୁକ ୨:୧-୭)
୧୮ ଇଦାଂ ଆନାତା ଜିସୁ କ୍ରିସ୍ଟତି ଜଲମ୍ ବିସ୍ରେ । ତା ତେହି ମରିୟମ୍ ଜସେପ୍ ଲାହାଙ୍ଗ୍ ମାଲାକିୟା ଆଜ଼ି ମାଚାତ୍ । ମାତର୍ ହେୱାର୍ ବିବା ୱିଜ଼ୁ ୱିଜ଼୍ନି ଆଗେ ମରିୟମ୍ ପୁଚାତ୍ ଜେ ପୁଇପୁୟା ଜିବୁନ୍ ହୁକେ ମାଞ୍ଜେଙ୍ଗ୍ ଆସ୍ତାଙ୍ଗ୍ନା ଇଞ୍ଜି ପୁଚାତ୍ । ୧୯ ଜସେପ୍ ସବୁ ନାଞ୍ଜିଙ୍ଗ୍ ନ୍ୟାୟ୍ କାମାୟ୍ କିଜ଼ି ମାଚାନ୍ । ଲାଗିଂ ମରିୟମ୍ତିଂ ମାନାୟାର୍ ଲାଜୁତାଂ ରାକ୍ୟା କିଦେଙ୍ଗ୍ ଇଞ୍ଜି ଡ଼ୁଗ୍ଜି ମାଲାକିତାକାଦିଂ ବାଙ୍ଗାୟ୍ କିଦେଙ୍ଗ୍ ଇଞ୍ଜି ଉପାୟ୍ ପାଚି କିତାନ୍ ।
୨୦ “ହେୱାନ୍ ଇଦାଂ ଏତ୍କିନିହିଙ୍ଗ୍ ରୱାନ୍ ମାପ୍ରୁତି ଦୁତ୍ ତାଙ୍ଗେଙ୍ଗ୍ କେଚ୍କଣ୍ତ ଚଞ୍ଜ୍ୟା ଆଜ଼ି ଇଚାନ୍, ଏ ଦାଉଦ୍ ଲାତ୍ରାନି ଜସେପ୍ ! ମରିୟମ୍ତିଂ ଡକ୍ରି ଲାକେ ଇଡ୍ଦେଂ ପାଣ୍ଡ୍ରା ଆମା, ଇନାକିଦେଂକି ପୁଇପୁୟା ଜିବୁନ୍ ହୁକେ ମାଞ୍ଜେଙ୍ଗ୍ ଆସ୍ତାଙ୍ଗ୍ନା । ୨୧ ✡ଲୁକ ୧:୩୧.ତାଙ୍ଗ୍ ର ମାଜ଼ି ଜଲମ୍ ଆନାନ୍ । ଏନ୍ ତା ତର୍ ଜିସୁ ଇଟ୍ନାୟ୍, ଇନାକିଦେଂକି ହେୱାନ୍ ତା ଲଗାଂ ପାପ୍ତାଂ ରାକ୍ୟା କିନାନ୍ ।”
୨୨ ମାପ୍ରୁତି ରୱାନ୍ ବେଣ୍ବାକ୍ଣାୟ୍କିନାକାନ୍ ହୁକେ ଇମ୍ଣି ବେରଣ୍ ୱେଚ୍ଚି ମାଚାନ୍, ହେଦାଂ ପୁରା ଆଦେଂ ଇଞ୍ଜି ଇ ସବୁ ଗିଟା ଆଜ଼ି ମାଚାତ୍ ।
୨୩ “ହେ ଆଗେନିବେଣ୍ ଆନାତା, ରଞ୍ଜେଲ୍ ଜିପଲି ମାଞ୍ଜେଙ୍ଗ୍ଆସ୍ତି ମାଜ଼ି ଜଲମ୍ କିନାତ୍ । ହେ ମାଜ଼ି ‘ଇମାନୁୟେଲ୍’ ତର୍ଦ ତର୍ ଆନାତ୍ । ଇମାନୁୟେଲ୍ ଅରତ୍ ଇସ୍ୱର୍ ମାହୁଦାଂ ମାନାନ୍ ।”
୨୪ ଜସେପ୍ ହୁଚ୍କାଣ୍କୁ ରିଙ୍ଗ୍ତି ପାଚେ ହେୱାନ୍ ମାପ୍ରୁତି ଦୁତ୍ ବଲ୍ ଲାହାଙ୍ଗ୍ କାମାୟ୍ କିତାନ୍ । ହେୱାନ୍ ମରିୟମ୍ତିଂ ବିବା କିତାନ୍ । ୨୫ ✡ଲୁକ ୨:୨୧.ମାତର୍ ତା ହେ ମାଜ଼ି ଜଲମ୍ ଆନି ପାତେକ୍ ତା ଲାହାଙ୍ଗ୍ ରଚେ ହୁଞ୍ଜ୍ୱାତାର୍ । ଜସେପ୍ ହେ ମାଜ଼ି ଜିସୁ ତର୍ ହିତାର୍ ।