^
Katutjalu tjuṯa palyalku
Rarrpa kutju ngaraku
Rarrpa kutjupangka watjalku, yilkari ngaranytjaku
Rarrpa kutjupangka watjalku, manta yutitjarrinytjaku, yukiri watiya tjuṯa ngaranytjaku
Rarrpa kutjupangka watjalku, tjiṉṯu pira piṉṯirri ngaranytjaku
Tjiṉṯu kutjupangka watjalku, kuka yuru ngurrara tjuṯa, tjuḻpu tjuṯaṯarra nyinanytjaku
Palulanguru ngaṉṯilpi yaṉangulpi palyalku
Katutjanya waarrka wiyarringkula nyinamalpa
Kaana Yiitanangka Katutjalu mayi pakaltjingalku
Kaanangka wati kutju nyinatjunku
Watjalku watiya kutjutjanu wiya ngalkunytjaku
Minyma palyalku
Piḻkaṯilu pulanya tjingapungku
Piḻkaṯilu minyma tjingapungku
Mungurapula pina alytjurarriku
Katutjalu pulanya tjapilku
Katutjalu pulanya witura iyalku
Kaananguru payira iyalku
Yatamaku katja kutjarra nyinaku
Kayinanya Yipulaku ngurrkurriku
Kayinalu Yipulanya pungkuku
Kayinanya Katutjalu watjalku, manta kuyalkitjangku
Kayinaku yaḻṯururriku
Kapi puntungku tjananya wiyalku
Yaṉangu tjuṯa kuyarringutjangka
Nuuwaku Katutjanya pukuḻpa nyinaku
Nuuwanyalpi watjalku puuta tiṉa puntu palyantjaku
Kapi puḻka ngarriku manta winkingka
Puuta tiṉanguruya tjarukatirra yanku
Katutjalu Nuuwala watjalku
Katutjalu wangka kutjupa kutjupa tjananya palyalku
Katutjaku ramarrirra, walytjalungkuya puḻkawaṉinytjakitjangku kulilku
Nuuwaku walytja ngaṉṯitja tjuṯa, yini alatji
Katutjalu Yipumanya ngurra kutjupakutu yiyalku
Yipumaku walytja tjuṯa
Yipumanya watjalku yankunytjaku
Yipumanya kala yankuku
Manta yungkukitjangku piyuku Yipumanya watjalku
Yipumanya Laatanya kutjarra
Yulytja puntutjarra Yipumanya Laatanya nyinamalpa
Laatalu Yipumanyalpi wantirra yanku
Yipumanyalpi Katutjalu piyuku watjalku
Yipumalu Laatanyangarri mantjilkatiku
Milkitjitikalu Yipumaku Katutjanya tjapilku
Yipumakura tjukarurru palyalkitjangku watjalku
Yipumalu tjukurrpa nyakula kulilku
Katutjalu Yipumanya piyuku watjalku
Piyuku manta yungkukitjangku watjalku
Yayikalu mantjilku katja Yitjumilanya
Katutjalu Yipumanya Tjarayinya yini kutjupa watjalku
Katutjalu watjalku tjana watirrinytjaku
Katutjalu watjalku Yipuramaku katja yungkukitjangku
Yipuramalu tjapilku Tjutumanya ngurrara tjuṯaku
Tjutumanya anta Kumuranya ngurrara tjuṯa warungku wiyalku
Marrkulku pulanya Laatalu
Wati tjuṯa kuya palyakitja nyinamalpa
Nyaḻpitjarra kutjarrangkupula Laatanyangarri katiku, warungkamarra
Tjutumanya anta Kumuranya kamparra wiyalku
Yipuramalu katja ngarritjunku kunaṯinpa yungkunytja nguwanpa.
Yatjikanya yiṯi ngaaṉmanku
Katutjalu Yipuramanya yatjilku
Yipuramalu Yatjikanya katiku mirri pungkunytjaku
Yilkari ngurrarangku Yipuramanya marrkulku, Yatjikanya wakalpayingka
Katutjalu piyuku watjalku Yipuramaku tjukarurru palyalkitjalu
Yatjikalu miiṯa mantjilku
Yipuramaku miiṯa wiyarriku
Yatjikaku miiṯa mantjira ngalya katiku
Waarrkana paluru Katutjanya tjapilku
Waarrkanalu tjapiṉutjangka Katutjalura tjukarurru nintilku
Piitjulalu watjalku Ripikanya palya katinytjaku
Yatjikalu Ripikanya marriṯi mantjilku
Yatjikanya yapuntarriku
Yitjuwunya antapula Tjikupanya nyinamalpa
Yitjuwunya anta Tjikupanya pipirri ngaaṉmanku
Yatjikanya Yitjuwuku layikirringamalpa, kala Ripikanya Tjikupaku layikirringamalpa
Yitjuwulu mangarritjirratjangku parrpaṯungku watjalku
Ripikalu anta Tjikupalu kutjarrangku Yatjikanya ngunytjinytjunamalpa
Yatjikalu Katutjanya Tjikupaku tjapilku
Yitjuwulu watjalku Tjikupanya mirri pungkukitjalu
Yatjikalu watjara Tjikupanya wantirriyalku
Tjikupalu ngarrirra nyakukulpi tjukurrpa
Tjikupanya manta Yaranalakutu yankula nyinamalpa
Tjikupanya Liipanaku ngurrakutulpi yanku
Tjikupalu pulanya miiṯa kutjarra mantjilku
Palulanguru Tjikupalulpi katja tuwalpala mantjilku
Palulanguru Tjikupanyangarrilpiya ngurra walytjakutu yankuku
Tjikupanya yankula ngurra Kayinanalakutu Yitjuwukulpira kalyparriku
Tjikupalu kuka tjiipiṯarra yungkuliyalku Yitjuwuku kalyparrikitjangku
Palykupungkulapulanku yampura ngaramalpa, Tjikupanya anta nyaḻpitjara ilkaritja
Tjikupanya Yitjuwunyapula kalyparrikulpi
Katutjalu Tjikupanya watjalku, yaṉṯayaṉṯalkitjalu
Tjiḻpi Yatjikanya iluku
Tjutjupanya kaaka tjuṯangkuya tjalamilalku
Tjikupanya Tjutjupaku yunytjurringkula nyinamalpa
Tjutjupalu tjukurrpa nyakula tjanala tjakultjunku
Tjutjupanyaya tjalamilalku manta Yitjipilakutu katinytjaku
Tjutjupaku tjakulpa kulira tjiḻpi Tjikupanya yulaku
Tjutjupanya Patipaku ngurrangka nyinarra tjiilangka nyinamalpa
Patipaku ngurrangka paluru nyinamalpa
Patipaku miiṯa Tjutjupakura yunytjurringkula nyinamalpa
Tjutjupanya Tjiilangka tjarrpatjunutja nyinamalpa
Tjukurrpapula nyakunytjatjanu Tjutjupalu pulanya nintilku
Tjutjupanya mayutju punturriku
Piirululpi tjukurrpa ngarrirra nyakuku
Tjutjupalu nintilku Piirulu tjukurrpa nyangutjangka
Tjutjupanya mayutju tiṉa ngaratjunku
Tjutjupaku kaaka tjuṯa Yitjipilakutu iyalku mayiku
Tjikupalu katja tjuṯa wantirriyalku Yitjipilakutu
Tjutjupalu kaaka tjuṯa tjananya watjalku
Tjutjupalu Tjimiyananya tjiilangka tjarrpatjunku
Manta Kayinanalakutu kaaka tjuṯa maḻaku yankuku
Kaaka tjuṯangkuya Pintjiminanya Yitjipilakutu katiku
Tjikupalu tjananya piyuku wantirriyalku mayiku
Tjutjupalu tjananya palumpa waaḻangka tjarrpatjunku
Tjutjupalu tjananya watjalku, “Nyaakunyurra panikina mulyaṯangku katingu?”
Tjutjupanya palumpa kaaka tjuṯaku kalyparriku
Tjikupanya manta Yitjipilakutu yankula, nyinarra mirrirriku
Tjikupalaya tjakultjunku, “Tjutjupanya kana nyinanyi.”
Tjikupanyangarriya manta Yitjipilakutu yanku
Ngurra Kuutjinalaya yankula nyinamalpa
Tjikupanya yiluku
Tjutjupalu tjananya marrkulku nguḻuwiyaya nyinanytjaku
Tjikupaku ngaṉṯitja tjuṯaya kutu Yitjipila nyinamalpa
Muutjanya yiṯi puunarringku
Yitjipinya ngurraralu mayutju kuya tjuṯalu kanyilku
Muutjanya pipirri ngarriku
Piiruku yuṉṯalpalu Muutjanya mantjilku
Muutjanya nguḻu tjalkaḻungku
Yitjipinya ngurrara pungkula Muutjanya nguḻu tjalkaḻungku
Muutjanya yanku ngurra Mitiyalakutu nguḻu, pungkupayingka Yitjipinya ngurrarangku
Katutjalu Muutjanya yaḻṯiku yankula walytja tjuṯa katinytjaku
Katutjanya Muutjala yutirringku
Katutjalu Muutjanya watjara wantirriyalku walytja tjuṯa yankula watjantjaku
Muutjalu kulilku palya nyinakitja manta Mitiyangka
Muutjanya parrpaṯu kulira yanku
Muutjanyakamu Yirananya yankuku Piirulakutu wangkakitja
Muutjanya Yirananya mayutju tiṉangka wangkaku
Mayutju Piirukutu Muutjanyakamu Yirananya yanku
Piirulu tjananya watjalku puntura waarrkarrinytjaku
Yitjurilaku walytja ngaṉṯitjalu Muutjanya kuru watjalku
Muutjanya Katutjangka wangkaku
Katutjalu Yitjipinya ngurrara tjuṯa kutu yitjipungku
Yiranaku watiya piḻkaṯirringku
Yitjipingka, kapi tjuṯa tjanampa tjatjakarringku
Manta Yitjipingka ngaṉngi tjuṯarringku
Manta Yitjipingka kiwinyi tjuṯarringku
Manta Yitjipingka muungu tjuṯarringku
Manta Yitjipila kuka tjuṯalingku tjanampa pungku
Yitjipinya ngurrara tjuṯaku tjanampa pika katjurulpi tjanampa pakara ngaraku
Yitjipinya ngurrara tjuṯa kunaṯangku pungku
Paṉa Yitjipingka tjiṉṯilyka tjuṯarringku
Manta Yitjipingka munga tjanampa rawa ngaramalpa
Yitjurilaku ngulytju ngaṉṯitja tjuṯangku wantirraya yankuku
Katutjalu tjananya nintilku tuḻku Patjuwupanya
Yitjipinya ngurraraku katja yurruntitja tjuṯa yiluku
Mayutju tiṉangku tjananya kanyilwiyangku wantirriyalku
Katutjalu tjananya katiyinamalpa
Yuru Tjatjakangka ngururrwana tjana yanku
Yitjipiku mayutju militjitjirringku
Katutjalu tjananya kanalku pungkupayingka
Yankulinamalpaya puḻi Tjaniyalakutu yankukitja.
Kapi Maaranya paṉṯutjarra ngarrimalpa
Kapi Yiilimalakutuya anku
Katutjalu tjananya mangarrikamu kuka yungkuku
Ngurra Ripatimalaya puḻingka tjikilku
Yimalikaku waarrkana tjuṯangku tjananya pikangku pungku
Puḻi Tjaniyangka Muutjalu kulilku Katutjaku luwu
Tjaaṯayanku paltjilku, Katutjaku tjukarurru nyinakitjangku
Katutjanya ngalya tjarukatirra puḻi Tjaniyangka nyinaku
Katutjalu watjalku palumpa luwu
Katutjalu palumpa luwu puḻi wirulypa kutjarrangka wakalku
Tjana puluka wiima kuultatjanu palyalku waḻkuntjaku
Yiranalu puluka wiima kuultatjanu palyalku
Katutjalu tjananya kuya palyaṉingka nyakuku
Muutjalu tjanampa Katutjanya tjapilku
Puḻi wirulypa kutjarra Muutjalu waḻapatara kilytjuntanku
Muutjalu tjanampa Katutjanya piyuku tjapilku
Katutjalu luwu palumpa piyuku yungku Muutjaku
Katutjalu Muutjanya nintilku yaṉangu tjuṯangku tjukarurrungku Katutjanya waḻkuntjaku
Mani tjawirrilyiya waṉiku, Katutjaku kalikiya palyantjaku
Katutjaku tjaatji kalikiya palyalku
Kaliki tjaatji palulaya yulytja palyalku
Yirananyangarriya tuḻkuku mayutju tjuṯa ngaratjunku
Yalatjiya Katutjanya kulira puḻkapungku
Yitjurilaku ngaṉṯitja tjuṯangkuya tjawirrilyi yungamalpa
Tuḻkuku mayutju, Lipayiku ngaṉṯitja tjuṯa yalatjiya nyinanytjaku
Yaṉangu uwankarraku kuya waṉimalpa
Tuḻkuku mayutju tjuṯangku yalatjiya tuḻku tjukarurru palyantjaku
Tuḻkuku mayutju tjuṯaku kuka an mangarri yungkunytjaku
Lipayiku ngaṉṯitja tjuṯaku yungkula kanyintjaku
Mirri pungkupayi tjuṯaku tawunu maṉkurrpa ngaraku
Paṉa parra nyakuyinkula katirra tjakultjunkupayi tuwalpalaya
Wati tuwalpalangkuya paṉa Kayinanalawana nyakuyinamalpa
Parra nyakulaya ngalya katirra Muutjala tjakultjunku
Yaṉangu tjuṯangkuya nguḻurrirra puṯu kulilku, yankula pungkula ngurra mantjintjakitjangku
Katutjalu tjananya yitjipungku
Mayutju nyinanytjakitjangkuya kulilku wati maṉkuṯu, Kuuralu, Tiitjalu, Yaparamalu
Muutjanya an Yirananyaya panypurangkula tjutulku
Paṉa yaḻarringutjangka Kuuranyangarri punkara ngaṯingka wiyarringku
Yiranaku watiya yukiritjarrarringku
Yayinatjanu piḻkaṯiya palyalku, nyakulaya tjana kanarrinytjaku
Muutjalupula Katutjanya tungunpungku
Yirananya mirrirringku
Yayina nguwanpa piḻkaṯi palyalku
Piilamanya nyinamalpa
Piilakalu Piilamanya yaḻṯiku
Yilkari ngurrarangku tuungkiyi yangatjunku
Piilamalu tjanampa Katutjanya tjapilku
Piilakalu Piilamanya payira wantirriyalku
Muutjanya mirrirringku
Katutjalu Tjatjuwanya mayutju nyinatjunku
Muutjalu tjananya Katutjaku wangka nintilku
Muutjanya puḻingka kaḻparra mirrirringku
Tjatjuwalu tjananya manta Kayinanalakutu katiku
Katutjanya Tjatjuwanyapula wangkamalpa
Waarrkana kutjarra wantirriyalku parra ngurrintjaku
Rayapalu pulanya kumpitjunku
Karru Tjuutananyaya yitipirriku
Puḻi tjuṯaya katirra karru Tjuutanangka tjunku
Mangarri maana tjanampa wiyarriku
Tjirikunya ngurrara tjuṯa tjananya tjanaya pungku
Katutjaku waarrkana Tjatjuwangka yutirriku
Katutjalu watjalku Tjatjuwanyangarri Tjirikula yaatjayiṯi parra yankunytjaku
Tjirikunya ngurrara tjuṯaya mirri pungku
Wati Yikanalu mulyaṯangku katiku
Tawunu Tjirikungka Yikanalu yulytja mulyaṯangku katiku
Tjatjuwaku tjilirratjarra tjuṯangku Yayiyinya ngurrara tjuṯa puṯu pungku
Tjatjuwalu Katutjanya tjapilku
Yikananyangarriya warungka kutjara wiyalku
Yayiyinya ngurrara tjuṯaya mirri pungku
Katutjalu tjanampa paṉa Kayinananya yungkuku
Kipiyananya ngurrara tjuṯangku Tjatjuwanya ngunytjinytjunku
Tjanaya paṉa Kayinanawana tjananya mirri pungkuyinamalpa
Ngulytjurarranpa tuwalpalaya ngurra walytjangkalpi nyinaku
Mirri pungkupayinya tawunu kutjupakutu yankula kana nyinanytjaku
Katutjalu tjananya ngurra walytja yungku
Tjatjuwanya tjiḻpirringkula mirrirriku
Tjiḻpi Tjatjuwalu tjananya nintilku
Katutjanya kutju waḻkulkitjangkuya watjalku
Tjatjuwanya anta Yalitjanya mirrirriku
Kuḻaṯatjarra tjuṯaku mayutju tjuṯa nyinaku
Kuḻaṯatjarra tjuṯaku mayutju Kitiyananya nyinamalpa
Katutjanyaya piyuku wantirra kuya palyalku
Katutjalu wati Kitiyananya tjilirratjarra tjuṯaku mayutju nyinatjunku
Kitiyanalungarri Paalanya yuḻpulku
Mitiyanya ngurrara tjuṯaya piyuku yanku Yitjurilaku ngaṉṯitja tjuṯakutu
Kitiyanalu Katutjanya tjapilku nintintjaku
Kitiyanaku tjilirratjarra tjuṯa nampa maṉkurrpa nguwanpa katinytjaku watjalku, Katutjalu
Kitiyananyapula yarrka yanku Mitiyanya ngurrara tjuṯakutu
Katutjalu tjanampa Mitiyanya ngurrara tjuṯa pungkuku
Tjilirratjarra tjuṯaku mayutju Tjamtjananya nyinamalpa
Yilkari ngurrarangku watjalku katja mantjintjaku
Tjamtjanalu layina tjikipaka tjuyintamilara mirrintanku
Pilitjiyanya ngurrara tjuṯaku tjanampa Tjamtjanalu tilira wiyalku
Tjamtjanalu tjananya tarrka kaṯiṯitjarrangku wakara mirrintarinamalpa
Kungka Tilalalu Tjamtjananya ngunytjilyinku
Tjamtjananya mirrirringkula yaṉangu tjuṯaṯarra mirrirriku
Kungka Ruutjanya Katutjaku nyinamalpa
Yilimalikanyapula paṉa Muwapalakutu yanku
Yilimalikanya anta katja kutjarraṯarra mirrirriku
Niyuminyapula Ruutjanya ngunyarrira paṉa Kayinanalakutu piyuku yanku
Wati Puwatjaku kaanangka Ruutjalu mangarri mantjirinamalpa.
Puwatjalu Ruutjanya yaḻṯiku
Tjiḻpi Yilayilu Tjamiyulanya yaṉṯayaṉṯanmalpa
Yanalu Katutjanya tjapilku, katja mantjintjakitjangku
Katutjalu Yanaku katja yungku
Yilayiku katja kutjarrangku kuya palyanmalpa
Katutjalu Tjamiyulanya yaḻṯiku wangkakitjalu
Tjamiyulalu Katutjaku wangka watjalpayi, yaṉangu tjuṯangkuya kulilku
Katutjalu tjananya Yilayinyaṯarra yitjipungku
Tjamiyulanyalpi tjanampa mayutju nyinamalpa
Katutjaku pukutjuya kanyira pikatjarrarringku
Tjamiyulalu tjananya marrkulku, Katutjaku tjukarurru nyinanytjaku
Pilitjiyanya ngurrara tjuṯangkaṯarra Katutjalu tjananya kanalku
Puḻi ngaratjunku nyakulaya Katutjanya kulintjaku
Tjuulanya mayutju tiṉa tjanampa nyinaku
Katutjanyaya tjapilku mayutju tiṉaku
Katutjalu watjalku Tjuulanya mayutju tiṉa tjanampa nyinatjunkunytjaku
Kutjupa ngurrara tjuṯangku tjananya Tjuulanyangarri pungku
Katutjalu Tjuulanya wantiku mayutjuwiyalpi
Kata tjirangka intira Tapitanyalpi mayutju tiṉa nyinatjunku
Katutjalu kulilku Tapitanya mayutju tiṉa nyinanytjaku.
Tjuulanya nguḻurrinytja Tapitalu mutjika wangkatjingara ataṉmanamalpa
Tapitalu wati waṯawara Kulayitjanya mirrintanku
Wati Kulayitjalu tjananya tjapinmalpa, pikalungkupula pungkunytjaku
Tapitalu kulira Kulayitjanya pungkukitja yunytjurringu
Tapitalu Kulayitjanya rungkara iluntanku
Pilitjiyanya ngurrara tjuṯaya tjalkaḻungku
Tjuulanya Tapitaku mingarrtju nyinamalpa
Tapitanya anta Tjaanatjanya maḻpararra nyinamalpa
Tjuulalu Tapitanya wakaṉutjangka tjirrkalku
Tjuulalu kungka mamukutu wangkapayingka tjapilku
Tjuulanya katjararranpaya pika pungkula wiyarringku
Yitjurilaku ngaṉṯitja tjuṯaku Tapitanyalpi mayutju tiṉarringku
Tapitanyaya mayutju tiṉa nyinatjunku
Tapitalungarriya mingarrtju tjuṯa pungku
Katutjaku tjaatji palyalkitja Tapitanya yunytjurriku.
Katutjalu watjalku Tapitaku walytja ngaṉṯitja tjuṯa nyinatjunkukitjangku
Tapitalu kuya palyalku
Tapitalu Patjipanya tjulyara kanyilku
Tapitalu watjalku Yurayanya mirri pungkunytjaku
Natjanalu Tapitanya marrkulku
Natjanalu Tapitanya kuru watjalku
Tapitalu kuṉṯarrirra tjapintjangka kuya waṉiku
Tjalamunanya pipirri yutirriku
Tapitaku katja kutjarrangku kuya palyalku
Tapitanya tjiḻpirringkula mirrirriku
Tjalamunanya mayutju tiṉa nyinamalpa
Tjalamunalu ninti nyinakitjangku tjapilku
Tjalamunalu tjukarurru watjanmalpa
Tjalamunanya ninti punturrirra yulytja tiṉatjarra nyinamalpa
Tjalamunalu Katutjaku tjaatji tiṉa palyalku
Puḻikamu watiya tjana mantjilku palyalkitjangku
Tjaatji tiṉaya palyanmalpa Katutjaku
Tjaatji tiṉa ngaranyingka Katutjanyaya tjapira puḻkapungku
Yitjurilaku walytja ngaṉṯitja tjuṯaya kapuṯu kutjarra nyinamalpa
Tjalamunalu kuya palyara wiyarrikulpi
Ngalytja kutjarrarrirraya mayutju kutjarratjarra nyinamalpa
Tjiripumalu Katutjanya nguwanpa palyara puḻkapungamalpa
Katutjanya Tjiripumaku mulyarrarrikura
Mayutju tiṉa tjuṯa tjanampa yalatji nyinamalpa
Yilaatjanya nyinamalpa, Katutjaku wangka watjanmalpa
Kapi wiyalpi tjanampa ngaraku
Kapiwiyangka Katutjalu Yilaatjanya kanalku
Waḻukutaku katja kanarriku
Yilaatjalu Paalaku waarrkana tjananya kuṉṯalyanku
Paalalu waru tilintjakuya puṯu tjapinmalpa
Katutjalura waru tililku
Paalaku waarrkanaya mirri pungkuyinamalpa
Kapi tjanampa Katutjalu wantirriyalku
Yilaatjanya puḻi Tjaniyakutu ankula nyinamalpa
Mirri pungkutjipingkamarra Yilaatjanya tjalkaḻungku
Puḻi Tjaniyala Yilaatjanya nyinamalpa
Yilatjangka tjira intilku Katutjaku wangka watjalpayilpi nyinanytjaku
Niputjaku kaana mantjilku
Yiyapanya yunytjurriku Niputjaku kaanaku
Niputjanya mungutjaya mirri pungku
Yilaatjalu Yiyapanya watjalku mirrirrinytjaku
Pika wakaṉutjatjanu Yiyapanya mirrirrirra wiyarringku
Yilaatjanya ilkarikutu yanku. Yilatjanyalpi nyinamalpa
Minyma Tjunimanya ngurraraku katja kanalku
Nayamananya pangki pikatjarra nyinamalpa
Nayamananya Yilatjalakutu anku
Nayamanalu puṯu yinytjanungku yungku
Mani an yulytjaku walytjarringkula Kiyatjalu ngunytjilyinku
Katutjaku wangka watjalpayi wati Tjuunanya nyinamalpa
Tjuunalu Katutjanya kulira wantiku
Piitji tiṉangku Tjuunanya kuuḻtjura kanyinmalpa
Ninapanya ngurrara tjuṯa Katutjakulpiya tjukarurru nyinamalpa
Tjuunanya Katutjaku ngurrkurringku
Katutjaku wangka watjalpayi tjuṯangku tjananya langangkatjunku
Katutjalu tjananya wantirriyanmalpa tjakultjunkunytjaku
Katutjaku wangka watjalpayinya Yimutjanya nyinamalpa
Katutjaku wangka watjalpayinya Wutjiyanya nyinamalpa
Katutjaku wangka watjalpayinya Tjuwulanya nyinamalpa
Yatjiriyanya ngurrara tjuṯangku tjananya pungkula katiku
Yitjurilaku walytja ngaṉṯitja tjuṯangkuya kutu kuya palyanmalpa
Yitjurilaku walytja ngaṉṯitja tjuṯa tjananya tjanaya ngurra kutjupakutu katiku
Kutjupa tjuṯaya Tjamiriyangkalpi nyinamalpa
Mayutju tiṉa tjuṯa yalatji nyinamalpa
Yitjikayanya tjanampa mayutju tiṉa nyinamalpa
Yitjikayalu Katutjanya nguwanpa tjuṯa yuḻpura wiyalku
Wati Yaatjayalu mayutju Yitjikayanya marrkulku
Katutjalu tjananya Yatjiriyanya ngurrara tjuṯa mirri pungku
Yitjikayanya ngula mirrirrinytjaku Katutjalu watjalku
Yitjikayalu wiyawana palyara mirrirringku
Katutjaku wangka watjalpayi kutjarra Yaatjayanyakamu Makayanya nyinamalpa
Tjakultjunkunytjaku Yaatjayanya wantirriyalku
Yaatjayalu tjananya langangkatjunamalpa
Kanalpayi ngalya yankunytjaku Yaatjayalu watjalku
Makayalu tjananya marrkulku
Makayalu watjalku Kurayitjanya ngula yutirrinytjaku
Mayutju tiṉa tjuṯa yalatji nyinamalpa
Mayutju tiṉa Tjutjayanya nyinamalpa
Mayutju Manatjanya an Yamananya nyinamalpa
Tjutjayanyalpi tjanampa mayutju tiṉa nyinamalpa
Katutjaku piipa irriṯitjaya mantjilku yuḻpaṯangka
Katutjaku wangka watjalpayi tjirripala nyinamalpa, Yapakakanya, Tjipanayanya, Tjirimayanya
Yapakakanya nyinamalpa
Tjipanayanya nyinamalpa
Tjirimayalu tjananya payira watjalku
Kaṉilpa pilkitjanu palyantjatjarra
Tjirimayalu watjilarrirra tjapilku
Katutjaku piipa karrpilpa kutjalku
Tjirimayalu Kurayitjanya ngalya yankunytjaku yurrunpa watjalku
Papilunanya ngurrara tjuṯangku tjananya katiku
Tjarutjalumanya ngurrara tjananyaya pungkula katiku
Tjirimayanya watjilpa tjanampa yulamalpa
Katutjaku wangka watjalpayinya Yitjikiyalanya nyinamalpa
Taniyalanya nyinamalpa
Taniyalanyangarri nintirringkuku
Tjukurrmankunytjala Taniyalalu nintilku
Waaḻangka yatjikingku wangka wakara wanalku
Wati tjirripalaya waru tiṉangka yuṉṯura tjarrpatjunku
Mayutjulu watjalku warungka tjananya tjarrpatjunkunytjaku
Katutjalu tjananya waru tiṉangka yaṉṯayaṉṯara kanyinmalpa
Taniyalanya layina pikaṯi tjuṯangka tjarrpatjunku
Taniyalakupula yunytjuwiya nyinamalpa
Taniyalalu tjukarurru nyinarra Katutjanya tjapinmalpa
Katutjalu Taniyalanya kanalku
Yitjurilaku walytja ngaṉṯitja tjuṯa Tjarutjalumalakutu maḻaku yanku
Mayutju tiṉalu tjananya watjalku Tjarutjalumalakutu yankunytjaku
Mayutju Tjarapapulalu tjananya Tjarutjalumalakutu katiku
Tjamiriyanya ngurrara tjuṯangku tjananya nguḻutjingalku
Mayutju Yitjaralu tjananya kutjupa tjuṯa Tjarutjalumalakutu katiku
Mayutju Niyamayalu tjananya Tjarutjalumalakutu katiku
Watjalkuya Katutjaku tjukarurru nyinakitjangku
Wati Malakayilu Katutjaku wangka watjalku
Wati Tjuupanya nyinamalpa
Wati Tjuupanya tjukarurru nyinamalpa
Mamuku mayutjungku Tjuupanya yarrkantjaku watjalku
Katutjalu watjaṉutjangka Tjuupaku walytja tjuṯa anta yulytja wiyarringku
Tjuupanya pikatjarrarrirra mikinpa nyinamalpa
Tjuupaku maḻpaya ngalya yankula tjungu nyinamalpa
Tjuupanya watjilpa nyinamalpa
Maḻpa tjirripalangkuya Tjuupanya watjalku
Tjuupalu tjukarurru kulilku, Katutjanya ngula nyakukitjangku
Katutjalulpi Tjuupaku tjukarurru palyalku
Katutjaku walytjaya yalatji nyinamalpa, Yiitju Kurayitjanya mantangka pipirri yutitjarrinytjala yurrunpa
KATUTJAKU WANGKA NGAANGURU WIYARRINGU.
Ngaatjanya wangka kutjupalpi, nganaṉa kulintjaku

© 2006 BSA