6
1 Mayatja, ngayuku puḻkaṟa mirpaṉariwiyangkuṉi wantima,
Munuṉi puḻkaṟa ngayunya pikantankunytja wiyangku kuḻu wantima.
2 Panya ngayulu kuwari paku puḻkaringu,
katju Mayatja, wanyu ngaḻṯuringama munuṉitju kuṉpunma.
Panya ngayulu uparingkula nyanga kuwari paku puḻkaringu,
3 munuṉa puntu winki kuḻu kuraringu.
Palu Mayatja, nyaakun ngayunya rawangku nyakula wantinyi alpamilantja wiyangku?
4 Wanyuṉitju pitjala wankaṟura!
Munuṉitju ngaḻṯunytju puḻkangku aṯunymaṟa kanyinma ilunytjaku-tawara.
5 Panya miriku ngurangka aṉangu ilunytjitja tjuṯa nyinara nyuntunya kulintja wiyaringkupai, munuya nyuntunya waḻkuntja wiya alatjiṯu.
6 Ka ngayulu kuwari paku puḻkaringkula uḻiringkula nyuntula tjapini.
Panya ngayulu mungangka ngarira puḻkaṟa ulapai,
ka iḻanypa puḻka ngayula kuṟunguṟu mantarangka punkalpai.
7 Panya ngayuku mirpaṉtju tjuṯangkuya kuwari ngayunya rawangku nyii-nyiipungkula ulatjingalpai.
Kaṉa nyangatja palulanguṟu kuwari rawa ulara ulara kuṟu utjuringkula pikaringu munuṉa puṯu nguwanpa palyanyku nyakupai.
8 Mayatja, nyuntu wiṟungku ngayunya ulanyangka kulinu.
Munu wanyu kura nyanga palyalpai tjuṯa paila ngayunya wantikatinytjaku!
9 Panya nyuntu kulilpai ngayulu nyuntula ngatjinnyangka.
10 Munun ngayuku mirpaṉtju tjuṯa paiṟa iyalku,
Kaya mulapa paluṟu tjana kuṉṯaringkula mapalku nguḻu wirtjapakalku.