Surat i Pablo dut mengeꞌ tawʼt
EPESO
Kepurisnan et itueng Surat neng Epeso
Pinegsudsugiran eset surat i Pablo eset mengeꞌ tawʼt Epeso itueng penegnaang ginis pasal et “Pegperuen et Empuꞌ na ipegsembatu ki Kristo itueng ginsan neng mepelangit etawa mepelugtaꞌ” (bersikulo 1:10). Maya sembatung ketingkagan gasi dut mengeꞌ keyegangan et Empuꞌ supaya kumansang retian dye pasal et metaas neng pegperuen na itue pebiyaꞌ pekikisembatu ki Jesus Kristo.
Dut unang bagiꞌ et surat dut mengeꞌ tawʼt Epeso, tinuturan i Pablo pasal et pegsembatu ki Kristo. Maya tinuturan ye gasi pasal et pegpiliꞌ et Empuꞌ Amaꞌ eset kenyeng taaw, eset pegampun dye bekeꞌ pegpelayam mewanan et kedyeng keselaan pebiyaꞌ ki Jesus Kristo neng yegang ye. Kwantin gasi, sinambit ye baꞌ enukwan pinesebenaran et Empung Nakem ating metaas neng tinangeꞌ et Empuꞌ. Dut ikeruwang bagiꞌ, megpeningkag ya na dye mengebiyagan et teup neng egian eset kedyeng pekikipegsembatu ki Kristo.
Nengusal si Pablo et mengeꞌ senung pegseꞌsaliꞌ supaya mepebiriꞌ itueng pegsembatu et yegang et Empuꞌ eset pekikipegsembatu dye eset ki Kristo. Unang supama: itueng pegtimung-timungan et mengeꞌ mengengandel antangan ye samat bilug, sampay si Kristo samat ulu; etawa samat kelang benwa, na si Kristo itueng peninimpuruk; etawa samat libun neng megesawa, na si Kristo itueng lelaki neng esawa. Nebuwat i Pablo pegpepebunayag na itue sabab itueng penutsut eset kenye, itueng kenunganang seled et Empuꞌ pebiyaꞌ ki Kristo. Ginsan neng ginis pegintew-tewen tyu eset telang et pegingin, pegpepesengsaraꞌ, pegpepeampun, kenunganaʼt seled bekeꞌ kelinasan i Kristo.
Ketulduan et itueng Surat
Penegnaan bekeꞌ Pemangling 1:1-2
Si Kristo bekeꞌ Pemengtingtimung et mengeꞌ Mengengandel 1:3—3:21
Tagung Pegpeperuen et Empuꞌ 1:9
Pinapas ne et Empuꞌ Keselaan Tyu Sabab eset Binuwat i Kristo 2:1
Bagung Biyag na Nekeuyun ki Kristo 4:1—6:20
Pemilin Dut Mengeꞌ Megesawa 5:21
Pemilin eset mengeꞌ Kenggurangan bekeꞌ Keyegangan 6:1
Pekekes eset Pekikiatu Sagkaꞌ ki Seytan 6:10
Penimpusan bekeꞌ Pengemuring Pegpangling 6:21-24
1
Pemangling
Mewanan ki Pablo, na negmendyaring Apostol* 1:1 Apostol - ingin bersen Bibilinan, etawa “Mengengabar et Empuꞌ”. Betsaen “apostol” eset Diksyunario. i Jesus Kristo kuyun dut kegeayan et Empuꞌ. Pegsusurat ku dut mengeꞌ tawʼt Empuꞌ na eset tawʼt Epeso na meatur neng pengebiyagan pekikisembatu ki Jesus Kristo.
Meseʼt dimyu teyen redyikiꞌ bekeꞌ kesenangan mawaꞌ dut Empuꞌ na kityung Amaꞌ bekeꞌ eset Begerar neng si Jesus Kristo.
Mengeꞌ Redyiking Nakem et Empuꞌ pebiyaꞌ ki Kristo
Megpeselamat tyu dut Empuꞌ naꞌ Amaꞌ et kityung Begerar neng si Jesus Kristo. Binggeyan ye kityu et ginsan neng redyiking nakem teyeg et langit punsabab et kityung pekikisembatu ki Kristo. Na pasal eset kityung pekikisembatu ki Kristo, piniliꞌ et Empuꞌ ne kityu lagi mura ginuna ye itueng sengkedunyaan, apang megmendyaring pasek metignaꞌ bekeꞌ kaya keseruruan eset elepan ye. Na sabab eset pegmergaʼt Empuꞌ, nepikir ye ne lagi buwaten eset kityung keyegangan ye, kuyun eset nekeradya i Jesus Kristo. Atin pegperuan bekeꞌ kegeayan et Empuꞌ. Bentugen tyu Empuꞌ sabab eset kenyeng kelang redyikiꞌ eset kityu pebiyaꞌ dut kenyeng pegmerganeng yegang!
Linekat tyu i Jesus Kristo pebiyaꞌ eset kepeteyan ye, na gaay bersen inampun ne et Empuꞌ keselaan tyu. Tantu banar kelang redyikiꞌ et Empuꞌ eset kityu, sampay binggey ye itue et mekansang banar. Na binggeyan ye gasi kityu et kesesewran bekeꞌ keutekan.
Tagung Pegpeperuen et Empuꞌ
Sabab ipinesewd et Empuꞌ dut kityu itueng tagung pegpeperuen 1:9 “tagung pegpeperuen” - paru et Empuꞌ teyeg et tagnaꞌ banar apang puwasen et mengeꞌ taaw teyeg et utang dye pasal et kedyeng keselaan. Buwaten Ye itue na ipegsembatu mengeꞌ tawʼt Judio bekeꞌ mengeꞌ tawʼt lein Judio eset tangeꞌ et Empuꞌ. Betsaen Tagnaꞌ 12:2-3; Isaias 60:3-4; Joel 2:27-28; Lukas 2:10; Epeso 1:10; 3:8-9, 11. ye kuyun dut kegeayan ye, na netuman pebiyaꞌ ki Kristo. 10 Pegdateng et timpu neng penewnan, buwaten et Empuꞌ kenyeng pegperuen na ipegsembatu ki Kristo ginsan mepelangit bekeꞌ mepelugtaꞌ, ampaꞌ ye memegbeg dut ginsan.
11 Bekeꞌ sabab kityung pekikisembatu ki Kristo, kami negmendyaring taaw et Empuꞌ na nemuwat et ginsan neng ginis kuyun eset kenyeng pegperuen bekeꞌ kegeayan. Neinabu itue muna kami ginuna sene tiꞌ. 12 Kami tuꞌ unang nengarap ki Kristo. Atin ne punsabab na baꞌ manu piniliꞌ ye kami supaya eset lebing mekedayew et kebentugan et Empuꞌ.
13 Kemyu gasi negmendyaring tawʼt Empuꞌ ganang kemyu nengandel eset kenye netbes myu nekingeg itueng tantung keberbenaran. Ating Menungang Abar na memibit et kepuwasan dimyu. Angkansa binggey dimyu ating Menungang Nakem na tinangeꞌ dimyu et Empuꞌ bilang tendaꞌ eset negmendyaring kew tawʼt ye. 14 Nakem et Empuꞌ kekemdesan et mengeꞌ tangeꞌ et Empuꞌ eset kityung negmendyaring tawʼt Empuꞌ sekdan na mekpetan et sangpet na kepuwasan. Deyewan tyu mebentugan na Empuꞌ tyu.
Penelang i Pablo
15 Angkansa pesi, tihad negaʼt meebaran ku itueng pasal et dimyung pegandel eset ki Begerar Jesus bekeꞌ eset dimyung pegingin dut ginsan neng mengeꞌ tawʼt Empuꞌ, 16 kaya ketbesan et pegpeselamat ku dut Empuꞌ sabab eset dimyu. Daran ku kemyu pegrendemen eset daken neng penelang. 17 Indyari lahyun pegtewen ku dut Empuꞌ et kityung Begerar neng si Jesus Kristo, ating ketaasang Ama na begeyan ye kemyu et Nakem ye na menggey et kesesewran, bekeꞌ tantung ipebunayag dimyu pasal eset Empuꞌ. 18 Pegpenelang ku ne, na ipetlang et Empuꞌ dimyung mengeꞌ pikiran supaya mesewran myu pasal eset pengarap na pegtingkagan ye eset dimyu, indyari meretian myu ne merganen banar itueng mengeꞌ pusakaꞌ na tinangeꞌ ye na igbey eset kenyeng mengeꞌ taaw. 19-20 Subaliꞌ meretian myu gasi baꞌ senung deklaꞌ kenyeng basag eset kityu na mengengandel ye. Itieng basag eset kityu saliꞌ ne ating kelang basag na inusal et Empuꞌ ganang biniyag ye peuliꞌ si Jesus mawaꞌ et kepeteyan, bekeꞌ ipinearung ye eset tempaꞌ kewanan ye dut langit. 21 Si Kristo lebing metaas dut ginsan neng mememegbeg bekeꞌ eset ginsan neng mengeꞌ keperintaan bekeꞌ kebesagan bekeꞌ mengeꞌ kesurutan bekeꞌ ginsan neng kebetangan na binggey eset mengeꞌ taaw, diki lang eset tiban neng penewnan temed sampay itueng megderateng neng penewnan. 22 Angkansa pinesled et Empuꞌ ki Kristo kepengyedian eset ginsan neng ginis indyari ya in binwat et Empuꞌ na uluʼt pegtingtimung et mengeꞌ mengengandel. 23 Antangan et dagbes i Jesus Kristo, atin ne uluʼt mengeꞌ mengengandel bekeꞌ ginsan neng mengengandel eset kenye antangan dye bilug ye. Dut kedye netimung ginsaʼt arat i Kristo bekeꞌ kesedsewran ye. Indyari misan mepeembe-embe dut langit etawa dut lugtaꞌ, esentin ya.

*1:1 1:1 Apostol - ingin bersen Bibilinan, etawa “Mengengabar et Empuꞌ”. Betsaen “apostol” eset Diksyunario.

1:9 1:9 “tagung pegpeperuen” - paru et Empuꞌ teyeg et tagnaꞌ banar apang puwasen et mengeꞌ taaw teyeg et utang dye pasal et kedyeng keselaan. Buwaten Ye itue na ipegsembatu mengeꞌ tawʼt Judio bekeꞌ mengeꞌ tawʼt lein Judio eset tangeꞌ et Empuꞌ. Betsaen Tagnaꞌ 12:2-3; Isaias 60:3-4; Joel 2:27-28; Lukas 2:10; Epeso 1:10; 3:8-9, 11.