1 Ahi viteni minau vit, “!Natin Meatin,*Ahi vise en ‘Natin Meatin’ veni Esekiel vi meatin enges.✡Mat 9:6; Mak 2:8 mea kilomal! Ek vati maselus minuk.” 2 Ka navong mul selus minau, ninin onen mai sien nau ka rali lat nau namulomal. Evus, naraengoni kei selus eris minau vit, 3 “Natin Meatin, namul nasilak keke kovaha ven me-Isrel keil. Kiha kiles vatkeih keil koa amul aviles eisile ranau. Keil asuval avu one keil telamu, keil vasi amul along seseinau mai rokol kosa ekek. 4 Vatie keih ka arvouhoutei minau. Ka avaseini amumon sakien keil ekek, nasilak kovaha keke kovahit mesein asa koa inau, Iahova, Ahi ten keihoen, ek vati mahiteni min keil. 5 Anatin keke vatie keih ka e rovattei availea selusien keil onak. Ka avaseini munak keil ilong kat selusien keil onak vuo ilong seseini, ka ek vati enges keke availea keke provet tai onak mai selus min keil.