23
Siob vit leini keke romumontei tounah koa tisa vasakini vales mahien onen
Siob 23:1-7; 27:2-6
1 Siob vit kesi min keitel vit,
2 “Avaseini mitviten sa minau, niles niselus kutut kat Ahi hekeih,
nasakras mahuli kat mahisien onak.
3 Hit eli varei mailea out mahotin Ahi ien
keke mailea maha en out kei ro ien.
4 Vamukonek, mahit lein tounah keil en usite onak mini,
ka mahit kilea anatinien ten selusien keil onak mini.
5 Ek vati mailea asa hehiteni,
ka kei hehit kesi minau hemukave.
6 ?Mukave, Ahi hesa vasi keihoen onen heha kat nau?
Vuo, helong nau navong niselus.
7 En meten Ahi, meatin koa mutolas kilea vaselus retavoai vatal mini.
Kei hehitehiteni keke inau narmumon etai tounah vatisa keke meatin keil avalong kilea.”