3
Orang-orang Niniwe dong stop buat jahat
3:1-10
Begini TUHAN bicara sama Yunus untuk yang kedua kali, TUHAN bilang, “Yunus! Skarang ko pigi ke Niniwe, kota yang besar tu, trus ko kastau orang-orang Niniwe Sa pu pesan yang Sa bilang sama ko.”
Yunus de siap-siap, trus pigi ke Niniwe, de bikin sperti yang TUHAN suru. Niniwe tu kota yang besar skali, tiga hari jalan kaki baru bisa liat kota Niniwe pu smua-smua.
Waktu Yunus de sampe di kota itu, de jalan slama satu hari, baru de mulai bateriak tegur orang-orang di situ. De bilang, “Empat pulu hari lagi, Niniwe nanti dapa kas hancur rata deng tana.”
Waktu orang-orang Niniwe dengar yang Yunus de bilang tu, dong langsung percaya sama Allah. Baru dong smua bilang, “Tong smua di Niniwe harus puasa, tra bole makan sama minum.” Baru dong smua, orang besar, anana kecil, smua pake kain kabung* 3:5 Tong smua di Niniwe harus puasa ...smua pake kain kabung- ‘Kain kabung’ tu kain yang kasar yang dong biasa buat dari bulu kambing. Biasa orang-orang pake kain kabung waktu dong ada duka. Dong puasa deng pake kain kabung juga untuk kas tunjuk kalo dong menyesal skali, sama su kas tinggal dong pu jahat. tutup dong badan. 3:5 Matius 12:41; Lukas 11:32
Stela raja Niniwe de dengar lagi kalo TUHAN mo kas hancur Niniwe, de turun dari de pu kursi raja. Baru de lepas de pu baju panjang krajaan, baru de pake kain kabung tutup dia, trus de duduk di atas abu. 3:6 de pake kain kabung tutup dia, trus de duduk di atas abu - De bikin begitu untuk kas tunjuk kalo de menyesal skali.
Baru raja deng de pu orang-orang penting dong suru pesuru-pesuru untuk kastau orang-orang di Niniwe, dong kastau begini,
“Kam smua deng kam pu binatang-binatang piara, sapi ka, kambing ka, domba ka, kam smua tra bole makan apapa deng tra bole minum. Kam smua, manusia ka, binatang-binatang yang kam piara ka, harus tutup kam pu badan deng kain kabung baru harus berdoa sunggu-sunggu minta ampun sama Allah. Trus masing-masing orang harus kas tinggal de pu klakuan yang jahat sama stop tindas orang lain. Sapa tau, kalo tong buat begitu Allah bisa bruba pikiran baru tra mara tong lagi sama tra bunu tong smua.”
10 Waktu Allah liat smua yang dong su bikin, deng liat dong juga su tra buat jahat lagi, jadi Allah bruba pikiran untuk tra bikin sperti yang De su bilang sama Yunus. Allah tra jadi kas hancur Niniwe rata deng tana.

*3:5 3:5 Tong smua di Niniwe harus puasa ...smua pake kain kabung- ‘Kain kabung’ tu kain yang kasar yang dong biasa buat dari bulu kambing. Biasa orang-orang pake kain kabung waktu dong ada duka. Dong puasa deng pake kain kabung juga untuk kas tunjuk kalo dong menyesal skali, sama su kas tinggal dong pu jahat.

3:5 3:5 Matius 12:41; Lukas 11:32

3:6 3:6 de pake kain kabung tutup dia, trus de duduk di atas abu - De bikin begitu untuk kas tunjuk kalo de menyesal skali.