9
Aramas akan me Pwurodohsang Ar Kalipilipala
Aramas en Israel koaros ntingdier nin duwen ar peneinei kan, oh kileldi wet wiawidahr nan Pwuhken Nanmwarki kan en Israel.
Mehn Suda ko kalipilipalahngehr Papilon pwehn wia kalokepen diparail kan. Me tepin pwurodo nan uhdahn ar kahnimw kan iei me iangahki ohl oh lih en Israel kan, samworo kan, mehn Lipai kan, oh tohn doadoahk en Tehnpas Sarawio. Esra 2.27; Neh. 7.73. Aramas akan sang kadaudok en Suda, Pensamin, Epraim, oh Manase kohla kousoanla nan Serusalem.
4-6 Peneinei en kadaudok en Suda me 690 me kousoanla Serusalem.
Udai, nein Ammihud oh eh pahpa kahlap Omri, iei ih me kaunda kadaudok en Peres nein Suda. En Peres pahpa kahlap teikan iei Imri oh Pani.
Asaia, me kaunda kadaudok en Sela nein Suda.
Seuel, me kaunda kadaudok en Sera nein Suda.
7-8 Kisehn kadaudok en Pensamin pwukat kin kousoan Serusalem:
Sallu nein Mesullam, Mesullam nein Odapaia, Odapaia nein Assenua
Ipneaia nein Seroham
Elah, nein Ussi oh eh Pahpa kalahp Mikri
Messulam, nein Sepataia, me nein Reuel, me nein Ipnaisa
Mie peneinei 956 en kadaudok wet me kin koukousoan wasao. Ohl koaros me mwararail kan sansalehr powe iei irail me kaunen peneinei kan.
Samworo kan me kin Kousoan Serusalem
10-12 Samworo pwukat kin kousoan nan Serusalem:
Sedaia, Sehoiarip, oh Sakin
Asaraia nein Ilkaia (kaun keieu en nan tehnpas sarawio), me eh pahpa kahlap ako iei Mesullam, Sadok, Meraiod oh Ahidup
Adaia nein Seroham, me eh pahpa kahlap ako iei Pasuhr, Malkaisa
Maasai nein Adiel, me eh pahpa kahlap ako iei Sahsera, Messulam, Mesillemid oh Immer
13 Samworo ko me kaunen peneinei kan irail me 1,760. Irail inenen saman mehlel ong doadoahk kan me kin wiawi nan Tehnpas Sarawio.
Mehn Lipai kan me kin Kousoan Serusalem
14-16 Samworo pwukat kin kousoan Serusalem:
Semaia nein Assup, me eh pahpa kahlap iei Asrikam oh Asapaia, kisehn peneineien Merari
Pakpakkar, Eres, oh Kalal
Madanaia nein Maika, me eh pahpa kahlap iei Sikri oh Asap
Opadaia nein Semaia, me eh pahpa kahlap iei Kalal oh Sedudun
Perekaia, nein Asa oh nein nein Elkana, me kin kousoan nan sahpw me kisehn kisin kahnimw Netopa.
Tohn Silepen Tehnpaso me kin Kousoan Serusalem
17 Silepe pwukat en Tehnpas Sarawio kin kousoan nan Serusalem: Sallum, Akkup, Talmon, oh Aiman. Sallum me kin kaun irail. 18 Leledo ni ahnsowo kisehn ar peneinei kan kin sinsile palimesehn wenihmwen pedolong ong ni Ewen Kelen Nanmwarki. j EWEN KELEN NANMWARKI: Ewen kehl ni palimesehn Tehnpas Sarawio, wasa me nanmwarki kin epwehnki ketilong ie. Mahs re kin sinsile ewen kehl en kolahng ni kahnimpwal en mehn Lipai ko.
19 Sallum, nein Kore oh eh pahpa kahlap Epiasap, iangahki ienge kisehn peneineien Kora, irail me kin pwukoahki sinsile wenihmwen Impwal me KAUN-O kin ketiket loale, duwehte me arail pahpa kahlap ako kin wiewia ni ahnsou me re kin apwahpwalih kahnimpwal en KAUN-O. 20 Pineas nein Eleasar—KAUN-O en ketin ieiang ih!—ih me apwahpwalih irail ehu ahnsou.
21 Sekaraia nein Meselemaia pil wia emen tohn silepen wenihmwen Impwal me KAUN-O kin ketiket loale.
22 Eri, koaros patpene, ohl 212 me pilipilda pwe re en sinsile wenihmw kan oh ewen kehl kan. Re kileldi nin duwen kisin kahnimw kan me re koukousoan loale. Iei nanmwarki Depit oh soukohp Samuel me ketikihong arail pahpa kahlap ako nan pwukoa doadoahk pwukat. 23 Irail oh kadaudokarail kan usehlahte sinsile ewen kelen Tehnpas Sarawio. 24 Ni kehlo mie wenihmw me sallahng palieir, paliepeng, palimese, oh palikapi, oh ni ehuehu wenihmw ko mie emen kaunen sounsilasil. 25 Silepe pwukat pil kin ale sawas sang rehn kisehrail kan me kin kousoan nan kisin kahnimw kan oh re kin wiliwiliali ong silasil erein rahn isuh. 26 Kaunen sounsilasil pahmeno, iei mehn Lipai oh irail me kin ahneki pwukoa kesempwal. Irail me pil kin pwukoahki sinsile pere kan nan Tehnpas Sarawio oh dipwisou kan me kin nekinek wasao. 27 Re kin kousoan karanih Tehnpas Sarawio, pwehki iei arail pwukoa en sinsile oh ritingada ewen kehl kan nimenseng koaros.
Mehn Lipai Teikan
28 Ekei mehn Lipai pwukoahki epwelpen dipwisou kan me kin doadoahk ni kaudok. Re kin tehk dipwisou pwukat mwohn ar pahn kin doadoahngki oh mwurin ar kin doadoahngki. 29 Ekei kin apwalih dipwisou sarawi teikan, pilawa, wain, lehn olip, warpwohmwahu, oh soangen mehn doal kan. 30 Ahpw samworo kan me kin pwukoahki doalopene mehn doal kan.
31 Mehn Lipai men ede Mattidaia, nein Sallum pwutak mesenih, sang peneineien Kora, iei ih me kin pwukoahki kaunopada mehn meirong me umwdahrk MEIRONG ME UMWDAHR: Kisin keik menipinip me wiawihdahsang ni pilawa oh lehn olip mehn wia meirong ong Koht (tehk Lip 2.4-6). kan. 32 Kisehn peneineien Kohad me kin pwukoahki kaunopada pilawa sarawil PILAWA SARAWI: Lopwon en pilawa eisek riau me kin kohdiong pohn tehpel ehu nan Tehnpas Sarawio rahnen Sapad koaros nin duwen meirong ong Koht (tehk Lip 24.5-9). ong Tehnpas Sarawio rahnen Sapad koaros.
33 Ekei peneinei kan en mehn Lipai me kin pwukoahki koul nan Tehnpas Sarawio. Kaunen peneinei pwukat kin kousoan nan ihmw kei me mi limwahn Tehnpaso oh re sohte kin iang wia pwukoa teikan, pwehki aramas kin peki re en sewese irail nipwong oh ni rahn. 34 Aramas pwukat me sansalehr powe iei irail kaunen peneinei kan en mehn Lipai, nin duwen irekidien ar pahpa kahlap akan. Iei irail kaun kei me kin kousoan nan Serusalem.
Pahpa Kahlap akan oh Kadaudok en Nanmwarki Sohl
(Tehk 8.29-38)
35 Seiel me tepin kauwada kahnimw Kipeon oh soandihla wasao. Eh pwoud adaneki Maaka. 36 Nah pwutak mesenih iei Apdon, oh nah pwutak teiko iei Sur, Kis, Paal, Ner, Nadap, 37 Kedor, Ahio, Sekaraia oh Miklod, 38 semen Simea. Kadaudokarail ko kin kousoan Serusalem karanih arail peneinei kan.
39 Ner iei semen Kis, oh Kis iei semen Sohl. Sohl naineki pwutak pahmen: Sonadan, Malkisuha, Aminadap, oh Espaal.m ESPAAL: E mwarenki Isposed nan 2 Sam. 2.8 oh pil wasa teikan nan 2 Samuel. 40 Sonadan iei semen Merippaal,n MERIPPAAL: E mwarenki Mepiposed nan 2 Samuel 4.4 oh wasa teikan nan 2 Samuel. me semen Maika. 41 Maika naineki pwutak pahmen: Pidon, Melek, Tarea, oh Ahas. 42 Ahas me semen Sara, me semen pwutak silimen: Alemed, Asmaped oh Simri. Simri me semen Mosa. 43 Mosa me semen Pinea, Pinea me semen Repaia, Repaia me semen Eleasa oh Eleasa me semen Asel.
44 Asel naineki pwutak wenemen: Asrikam, Pokeru, Ismael, Searaia, Opadaia, oh Ahnan.

9:2: Esra 2.27; Neh. 7.73.

j9:18: EWEN KELEN NANMWARKI: Ewen kehl ni palimesehn Tehnpas Sarawio, wasa me nanmwarki kin epwehnki ketilong ie.

k9:31: MEIRONG ME UMWDAHR: Kisin keik menipinip me wiawihdahsang ni pilawa oh lehn olip mehn wia meirong ong Koht (tehk Lip 2.4-6).

l9:32: PILAWA SARAWI: Lopwon en pilawa eisek riau me kin kohdiong pohn tehpel ehu nan Tehnpas Sarawio rahnen Sapad koaros nin duwen meirong ong Koht (tehk Lip 24.5-9).

m9:39: ESPAAL: E mwarenki Isposed nan 2 Sam. 2.8 oh pil wasa teikan nan 2 Samuel.

n9:40: MERIPPAAL: E mwarenki Mepiposed nan 2 Samuel 4.4 oh wasa teikan nan 2 Samuel.