2
Nanmwarki me Koht ketin Piladahr
1 Dahme wehi kan koasoakoasone re en ketiwohkihla?
Dahme aramas akan wiewiahki arail koasoandi so-katepe?
2 Ar nanmwarki kan kahngohdilahr;
ar kaun akan koasoakoasone nanpwungarail re en uhwong KAUN-O
oh pil uhwong sapwellime nanmwarki me e ketin piladahr.
3 Re ahpw nda, “Kitail kasaledengkitailla sang pahn ara kosonned,
oh keseweisang kitail ara manaman.”
4 KAUN-O ahpw ketin kiparamat sang nan mwoale nanleng,
oh ketin kumwuski arail koasoandi kan.
5 Ih eri ketin engiengda oh mahseniong irail,
oh kamasangkinirailda sapwellime engieng.
6 E ketin mahsanih, “I kasapwiladahr nei nanmwarki
pohn ei dohl sarawio Saion.”aSAION: Lepin mahsen lepet “Saion” (iei ahd me tepin kohieng wasa me adaneki “Kahnimw en Depit,” en mehn Sepus kan wasahn mahwen kehlail me sapwellimen Nanmwarki Depit sounpei kan kalowehdi) mwuhr ahd wet pil kohieng dohl me Tehnpas Sarawio kokouda ie.
7 Nanmwarkio ahpw mahsanih, “I pahn kasalehda dahme KAUN-O ketin mahsanih.
KAUN-O mahsanihong ie: ‘Kowe nei pwutak;
rahnwet I wialahr semomw.Wie. 13.33; Ipru 1.5; 5.5.
8 Peki rehi, a I pahn kihong uhk wehi kan koaros;
oh ke pahn limankihla sampah pwon.
9 Ke pahn kauwehkinirailla sokon mete;
ke pahn kamwereirailpeseng duwehte omw kin pwalangpeseng dahl pleit.’ ”Kaud. 2.26-27; 12.5; 19.15.
10 Eri, kumwail nanmwarki kan, kumwail rong ie;
kumwail kaunen sampah kan, kumwail rong duwen met:
11 Kumwail papah KAUN-O ni lammwin;
kumwail rerrer 12 oh poaridihsang;
pwe e dehr ketin mwadang engiengda,
oh kumwail pahn mwadangete mehkihla.
Meid pai irail koaros me kin wiahki KAUN-O sileparail.
a2:6: SAION: Lepin mahsen lepet “Saion” (iei ahd me tepin kohieng wasa me adaneki “Kahnimw en Depit,” en mehn Sepus kan wasahn mahwen kehlail me sapwellimen Nanmwarki Depit sounpei kan kalowehdi) mwuhr ahd wet pil kohieng dohl me Tehnpas Sarawio kokouda ie.
2:7: Wie. 13.33; Ipru 1.5; 5.5.
2:9: Kaud. 2.26-27; 12.5; 19.15.