83
Kapakap en Kalowehdi Imwintihti en mehn Israel kan oTITLE NI MAHSEN EN IPRU: En Asap melkahka; koul pwoat.
1 Maing Koht, komw dehr ketin nennenewei;
komw dehr ketin sopeimwekid de kupwur meleilei!
2 Komw ketin mahsanih! Sapwellimomwi imwintihti kan moromoradahr,
oh irail kan me kin kailongkin komwi ar uhwong komwi.
3 Re koasoakoasone widing rir suwed kei ong sapwellimomwi aramas akan;
re koasoakoasone kaupen irail kan me komw kin ketin sinsile.
4 Re kin nda, “Nna, kumwail kohdo, kitail en kamwomwala arail wehi,
pwe Israel en manukunukla kohkohlahte.”
5 Re pwungkipenehr ar koasoandi kan
oh ehukipenehr ar pahn uhwong komwi:
6 iei irail mehn Edom oh mehn Ismael kan;
mehn Mohap oh mehn Akar kan;
7 mehn Kepal, mehn Ammon oh mehn Amalek,
mehn Pilisdia oh Dair.
8 Asiria pil iangiraillahr
wehi kehlail me kin sewese mehn Ammon oh mehn Mohap, irail kadaudok en Lohd.
9 Komw ketin wiahiong irail soahngohte me komw wiahiong men Midian ko,
oh ong Sisera oh Sapin ni Pillap Kison.S.K. 7.1-23; b S.K. 4.6-22.
10 Komw ketin kaloweiraildier ni Endor,
oh paliwararail ko matala pohn pwehl.
11 Komw ketin wiahiong arail sounkaweid kan soahngohte me komw ketin wiahiong Orep oh Seep;
komw ketin kalowehdi arail kaun akan koaros duwehte me komw ketin wiahiong Sepa oh Salmuna,S.K. 7.25; b S.K. 8.12.
12 me kahski, “Kitail pahn sapwenikihla
sahpw me uhdahn nin limen Koht.”
13 Maing Koht, komw ketin kamwarakirailpeseng rasehng pwelpar,
rasehng diper en tuhke me kisinieng kin ipirpeseng.
14 Rasehng kisiniei me kin kamwasikahla tuhke en nanwel kan,
rasehng mpwul en kisiniei me kin kalulada dohl akan,
15 Komw ketin pwakihkinirailpeseng engin sapwellimomwi melimel
oh ketin kamasak kin irail engin sapwellimomwi kisinieng kehlail kan.
16 Maing KAUN, komw ketin kanamenekirailla,
oh kupwure pwe re en pohnese sapwellimomwi manaman.
17 Re en lohdi oh masepwehkala kohkohlahte;
oh re en sohrala nan paisuwed douluhl.
18 Re en esehla me komwihte me KAUN,
kaun lapalap en mehkoaros nin sampah.