125
Silasil Mwahu en Sapwellimen Koht Aramas akan
1 Irail kan me kin likih KAUN-O, re rasehng Nahna Saion,
me sohte kak itikekda, sohte kak mwekidida.
2 Duwen nahna kan ar kapilpene Serusalem,
ih duwen Koht eh kin ketin kapikapil sapwellime aramas akan,
met oh pil kohkohlahte.
3 Aramas suwed kan sohte pahn kin kaunda sapwen me pwung kan ahnsou koaros;
pwe ma re pahn wia met, mwein me pwung kan pahn pil kakete iang wia me suwed.
4 Maing KAUN, komw ketin wiahda me mwahu ong irail kan me kin wia me mwahu,
irail kan me kin kapwaiada sapwellimomwi kosonned kan.
5 Ahpw ni omwi kin ketin kaloke aramas suwed akan,
komw pil ketin kaloke irail kan me kin sohpeisang sapwellimomwi ahl akan.
Popohl en kin ieiangete Israel!