1 Janꞌan, Pablo, Ncháina Jesucristo kuincheꞌena ndo ixi sintaꞌa xrée ndo, xra̱ apóstol, ixi jaña tjaun ndo Dio, ko kao kuincheꞌe ndo ndo kichuuna Timoteo, 2 ikjin xroon jiꞌi tsayéꞌe sen kichuuna tjajna Colosas, sen titikaon ndo Cristo ko tikinixinꞌen sen ndo Dio. Ndotáina Dio ko Ncháina Jesucristo sintanchaonnta ndo ko xrotjáꞌanta ndo juaxruxin.

3 Kain nchakon tajonna juasaya* juasaya respeto, honor ngajin ndo Dio, Ndotée Ncháina Jesucristo, nchakon nichjaꞌana ndo tjanchaꞌana ndo ixi jaꞌanta 4 ixi kuinꞌanna ixi jaꞌanta jian chuntianta Ncháina Jesucristo ko tjueꞌenta kain sen titikaon ndo Dio, 5 ixi stechonꞌennta tsayeꞌenta ngeꞌe tsajon ndo Dio ti jii ngajní. Jaꞌanta jaña stechonꞌennta ixi kuinꞌennta chijni jian nduaxin ó kuajon ndo Dio. 6 Méxin, chijni kuinꞌennta, chijni meꞌe stetinꞌen kueya chujni nchijíi nunte xasintajni, ko jaña ó jitinga ko jitonkueya ni titikaon ixi juachaxin tajon ndo Dio. Jaña konꞌen kaxon nchakon kuinꞌennta ko kuitikaonnta ixi nduaxin tjuaꞌanta ndo Dio. 7  Col. 4:12; Flm. 1:23.*Jiꞌi juakoꞌanta ndo kichuuna Epafras, ndo kuingijnana juintaꞌana ixra̱, ko jai jii ndo ngajinnta ko jian ncheꞌe ndo xrée ndo Cristo. 8 Jeꞌe ndo bikaona̱na ndo juajna xranchi tjueꞌé kichuunta ixi Espíritue ndo Dio tingijnanta.

9 Méxin, janꞌanna, nchakon kuinꞌanna xranchi stenta, kain nchakon tjanchaꞌana ndo Dio tsingijnanta ndo ixi jian tsonoꞌanta ngeꞌe tjaun ndo, ko tjanchiana ixi tsajon ndo juachaxin tsienxinnta kain ngeꞌe tjaun ndo. 10 Jaña chao tsinteenta xranchi tjaun Ncháina Jesucristo ko jian sincheꞌenta xrée ndo ko jaña ícha jian xrochuxinnta ndo. 11 Ko tjanchiana ixi jeꞌe ndo sintasojinta ndo asáanta ixi juachaxin ijié chónda ndo ko xrotjáanta ndo juaxruxin, ko soji tsakeꞌenta maski tsi̱i̱ juachjaon ngataꞌanta. 12 Ko tájonnta juasianta ngajin ndo Ndotáina Dio ixi jian jincheꞌe ndo xra̱ ngaya asáanta, meꞌe tsayéꞌena ngeꞌe ti jii ngajní ti tingasáña, ko jiꞌi tsajon ndo ngajin kain sen titikaon ndo. 13 Jeꞌe ndo kuakintsjexinna ndo ti naxixeꞌe ko chjai̱na ndo juachaxin tsinteena ti tetuanꞌan Chjenꞌen ndo, xjan ícha tjueꞌe ndo, ko jai ti naxixeꞌe ítetuanꞌi ngaya aséei̱na 14  Ef. 1:7.*ixi jeꞌe ndo kuenꞌen ndo ixi jai̱na ko kuajon ndo jnié ndo kontjúáxin aséei̱na.

15 Ndo Dio juaꞌi tikonni ko Chjenꞌen ndo, jeꞌe xjan juakoxin xjan xranchi jii Ndotée xjan. Ko jeꞌe xjan ó saꞌó bakeꞌe xjan nchakon xrangíxixín konchjian kain ngeꞌe jii. 16 Ko ndo Dio chjée ndo Chjenꞌen ndo juachaxin sinchekonchjian xjan kain ngeꞌe jii ngajní ko ngataꞌa nunte xasintajni, ko kain ngeꞌe tikonni ko ti tikonꞌani. Kaxon kain ngeꞌe tetuanꞌan jii ngataꞌa chrinto ko kain juachaxin jii ngajní, kain meꞌe juinchéña ndo ixi jiꞌi sincheꞌe ixra̱ ngajin ndo. 17 Ndo Cristo ó bakeꞌe ndo ti xroꞌan ngeꞌe jii, ko ixi jeꞌe ndo chjée ndo juachaxin kain ngeꞌe jii ixi chónda ndo kain juachaxin. 18  Ef. 1:22, 23.*Kaxon jeꞌe ndo jaa ningue ndo, ko ningue ndo meꞌe cuerpoe ndo, ko jeꞌe ndo tetuenꞌen ndo cuerpoe ndo ixi jeꞌe ndo ícha saꞌó xechón ndo ngakjenꞌen ni tsikenꞌen ko méxin jeꞌe ndo tetuenꞌen ndo kain ngeꞌe. 19 Méxin, ndo Dio bakeꞌe ndo juaxruxin ko jaña chjée ndo Chjenꞌen ndo kain juachaxin chónda jeꞌe ndo. 20  Ef. 2:16.*Ko kaxon tjaun ndo Dio ixi juachaxien ndo Cristo xrobakeꞌe juaxruxin nunte xasintajni ko nchijíi ngajní ixi ti kuenxin ndo Cristo nganito nta̱cru.

21 Saꞌó jaꞌanta kuachuxinꞌanta ndo Dio ko baningakonꞌenta ndo ngaya asáanta kondeexin ti ñaꞌi kuaxraxaonnta ko kuancheꞌenta. Ko jai juasie ndo Dio kuajon ndo juachaxin ixi juaxruxin tsintekuꞌunta ndo ixi titikaonnta ndo. 22 Ko ti bikaon cuerpoe ndo Cristo ko kuenꞌen ndo ixi jai̱na, jaña konꞌen ndo ixi tjaun ndo jaꞌanta tsontjúá asáanta ko xroꞌan ijie̱ xrochondanta, jaña tjaun ndo tsakeꞌenta ngajin ndo. 23 Méxin, xrokonda ícha xrochuntianta Ncháina, ko tsakeꞌenta xranchi naa nta̱a̱ soji ixi yasoꞌe jii nueꞌe nta̱a̱, ko tintueꞌanta ti jian stechonꞌennta ixi kuinꞌennta chijnie ndo Dio. Chijni meꞌe stetinꞌen chujni nchijíi nunte xasintajni, ko janꞌan Pablo tjako chijni meꞌe.

24 Janꞌan ritjén juaxruxin maski ritatsinga juachjaon ixi jaꞌanta, ixi jaña ntaxetaxin ngajin cuerpona ti xranchi tangi konꞌen ndo Cristo ixi kain sen ningue ndo, sen ikjan cuerpoe ndo. 25 Ndo Dio kuincheꞌena ndo ixi sintaꞌa ixra̱ ngajin sen ningue ndo, ixi ixra̱ meꞌe kuetuanna ndo ixi jian tsinteenta ko tjako chijni jian kuajon ndo Dio. 26 Chijni meꞌe saꞌó ninaa chujni banoeꞌa, ko jai ndo Dio juinchenoꞌe ndo kain sen titikaon ndo. 27 Ko ndo Dio tjaun ndo tsonoꞌe sen jeꞌa judío ti tjintee kuanoeꞌa sen ó saꞌó, méxin Ndo Dio xruanꞌan ndo ndo Cristo ixi tsakeꞌe ndo ngajinnta, ko jeꞌe ndo tajon ndo juachaxin ixi tsayeꞌenta kain juachaxin ijié chónda ndo.

28 Janꞌanna nichjana ngajin kain chujni chijnie ndo Cristo, ko juachaxien ndo Cristo jian ntaxraxaꞌonna chujni ko ntakuanꞌana na̱ ixi tsienxin na̱ jian. Ko jaña ngujngu sen tsitikaon sen ko tsontjúá aséen sen ngajin ndo Cristo. 29 Méxin, janꞌan soji ntaꞌa ixra̱ ixi juachaxin jié chjána ndo Cristo.