42
Iyotanaki Job yotaniri inatzi Pawa
1 Yakanaki Job ikantana-kiri Pawa:
2 Noyotzimi naaka pithonkiro pantayitziro maaroni,
Noyotzimi awiroka asitarori maaroni kinkisiryantsi.
3 ¿Tsikama nopaitaka naaka, airo otzimi-motantana noyotani, nonkiso-siri-wintantyaarori piyomitaa-nari?
Noñaawai-tasi-waitaka naaka, titzimaita nonkima-thatiro noñaawai-tziri,
Tima omapokakina ti noñaapiintiro naaka awisi-mota-kinari, oshiki okompi-tzimo-takana.
4 Pinkimi, nonintzi noñaanatimi.
Pakina onkarati nosampi-timiri.
5 Apatziro nokima-sitami piñaawaitzi, ti noñaa-maityaami,
Irooma iroñaaka noñaakimi, naminakimi koñaaroini.
6 Irootaki nokisa-siryaawaitan-takari naaka,
Noñiiro nosaika-waimatsitaki samampoki, aajatzi kaarasi-masiki iñaantai-tyaanari nowashaan-tajiro noñaawai-tasi-waitakari.
Itasonkawintairi Pawa yoka Job
10 Ikanta yamana-kotairi Job itsipamintha-tanipayi, ikantakaa-karo Pawa awishi-motairi ikimaatsi-waita-kari. Imaapiro-takiniri ishikyaaji-niri tzimimo-tairi-ni Job, anaanakiro oshiki-pirotzi okaratzi tzimimo-witariri owakiraini. 11 Ipokajiitakini iririntzi, iritsiro-payi, aajatzi ikaratzi ñiiriri pairani. Yakyoo-jiitapajirini iwankoki. Oshiki oimosirinka-yitakiriri, ikantziri: “¡Ñaamisa! Oshiki iwasinonkaa-kimi Pawa, patsipi-takaro pikimaatsi-waita-kari.” Oshiki ipasiyi-takari ikaratzi ariitaka-riri iwankoki, tzimatsi opakiriri kiriiki, pasini ipayitakiri ikantatipoyita ooro. 12 Itasonka-wintajiri Pawa yoka Job, yanaakaa-kiri tsika ikantawita owakiraini. Oshiki-piro-tanaji ipirayitari. *Oshiki-piro-tanaji ipirayitari = 14,000 oisha, 6,000 camello, 1,000 apiti-payi buey, 1,000 morapayi. 13 Itzimaji 7 itomi, aajatzi mawa irisinto.
*42:12 Oshiki-piro-tanaji ipirayitari = 14,000 oisha, 6,000 camello, 1,000 apiti-payi buey, 1,000 morapayi.